გეშტალტ - თერაპია, როგორც ფსიქოლოგიური მიმართულება, ჩამოყალიბდა XX საუკუნის II ნახევარში. ის ლაკონურია და ამავდროულად ეფექტური. გეშტალტ თერაპიის მთავარი უპირატესობა ისაა, რომ ფსიქოანალიზისაგან განსხვავებით, ის არ მოითხოვს დიდ დროს. გეშტალტთერაპიით მკურნალობა მიმართულია არა მხოლოდ განკურნების არამედ პიროვნული განვითარების და ზრდის პროცესისკენ, თავისთავადობის, მთლიანობის მისაღწევად.

ენის სწავლებისას ერთერთი მნიშვნელოვანი ფუნქცია მისი კომუნიკაციური ასპექტია. ამიტომ უცხო ენის მასწავლებელმა ყურადღება უნდა გაამახვილოს კომუნიკაციური აქტივობების შერჩევასა და მის სწორად დაგეგმვაზე. უამრავი მიზეზი არსებობს, იმისთვის, თუ რატომ უნდა ჩაერთონ სტუდენტები კომუნიკაციურ აქტივობებში. ძირითადად, აუდიტორიაში ჩატარებული კომუნიკაციური აქტივობები ემყარება და ასახავს რეალურ სამყაროში გამოყენებულ კომუნიკაციურ ფორმებს. სტუდენტები, თავის მხრივ, ცდილობენ გამოიყენონ ის ენობრივი სტრუქტურები, რასაც ფლობენ სიტუაციის რელევანტურად და ახდენენ ამ ენობრივი ელემენტების აქტივაციას. შედეგად, სტუდენტები თანდათანობით ყალიბდებიან ენის ავტონომიურ მატარებლად და, შესაბამისად, ახდენენ საკუთარი შესაძლებლობების რეალიზაციას, ხარვეზებისა და პროგრესის განსაზღვრას. სტუდენტები ხშირად ენას არა ლინგვისტური თვალსაზრისითაც გამოიყენებენ. მასწავლებლის მიერ შერჩეული კომუნიკაციური აქტივობები მხოლოდ საინტერესო არ უნდა იყოს, ის უნდა იწვევდეს სტუდენტებში დიდ კმაყოფილებას. ასევე მასწავლებელზეა დამოკიდებული სტუდენტებში უცხოურ ენაზე საუბრის შიშის დაძლევა და თვითდაჯერებულობის გაზრდა, ჩვენ უნდა ვამხნვებდეთ და სტიმულს ვაძლევდეთ სტუდენტებს დაამყარონ კომუნიკაცია უცხოურ ენაზე. საბოლოო ჯამში, სტუდენტები ავტომატურად იყენებენ უცხო ენას, რაც კომუნიკაციური აქტივობის უმთავრესი მიზანია. აქტივობები, როგორებიცაა: ინტერვიუ და როლური თამაში, წარმოადგენს რეალურ სამყაროში არსებული სიტუაციების ერთგვარ „რეპეტიციას“. არსებული გამოცდილებიდან შეიძლება ითქვას, რომ სწორედ მსგავსი, რეალურ სიტუაციებზე დაფუძნებული აქტივობები ამაღლებს სტუდენტების მოტივაციას, აქტიურად ჩაერთონ გაკვეთილზე გამოყენებულ კომუნიკაციურ აქტივობებში. თანამედროვე უცხო ენის გაკვეთილები მთლიანად უნდა იყოს კომუნიკაციური ხასიათის, რათა შეძლონ სტუდენტებმა ენის რეალურ სამყაროში ავტომატურად და სიტუაციურად გამოყენება. თუ რა პრობლემები იჩენს თავს სწავლების დროს, რა სახის აქტივობების დაგეგმვაა ეფექტური, რა ხერხები უნდა გამოვიყენოთ სწავლებაში სტუდენტების პრაქტიკული უნარ-ჩვევების ჩამოყალიბებასა და კომუნიკაციური კომპენტეციის გაზრდაში - სწორედ ამ საკითხებზე მოვაგროვე საჭირო მასალა და კვლევის შედეგებს წარმოვადგენ ჩემს სამეცნიერო ნაშრომში.

ბათუმის სახელმწიფო უნივერსიტეტში ტაოს ქვეყნის კვლევას ორ ათეულზე მეტი ხნის ისტორია აქვს. პირველი ექსპედიცია ტაოში 1995 წელს ჩავატარეთ (30 აგვისტო – 11 სწქტემბერი). ექსპედიცია კომპლექსური იყო: დოც. მამია ფაღავა (ხელმძღვანელი), დოც. მერი ცინცაძე, დოც. ელგუჯა მაკარაძე, დოც. რევაზ დიასამიძე, მასწ. ლილე თანდილავა, მძღოლი ტარიელ ნიჟარაძე. ექსპედიცია დაბანაკდა იუსუფელში, ტაოს „დედაქალაქში’’, სასტუმრო „აიდინში’’. ეს იყო პირველი ექსსპედიცია ტაოში, ვიმეორებთ პირველი კომპლექსური ექსპედიცია. ამით დაიწყო ბათუმის უნივერსიტეტში ჭოროხის აუზის კვლევა. მას შემდეგ ტაოში რამდენიმე მცირე და დიდი ექსპედიცია მოეწყო. ამჟამად მიმდინარეობს ტაოს ქვეყნის კომპლექსური შესწავლა სამეცნიერო პროექტ „ტაო – ისტორიულ–ფილოლოგიური გამოკვლევა“ ფარგლებში (დამფინანსებელი შოთა რუსთაველის ეროვნული სამეცნიერო ფონდი, პროექტის ხელმძღვანელი მამია ფაღავა).

თემის მიზანს– შეადგენს გავაკეთო მოკლე დახასიათება მცენარეში მიმდინარე ორი მნიშვნელოვანი სასიცოცხლო პროცესზე–ფოტოსინთეზზე და სუნთქვაზე უჯრედულ დონეზე (მიტოქონდრიალური სუნთქვა). ავხსნა მათი ქიმიური მექანიზმები ციტოპლაზმურ ორგანოიდებში–ქლოროპლასტებში, მიტოქონდრიებში, და აქედან გამომდინარე გამოიკვეთოს მათ შორის ძირითადი პრინციპული განსხვავებანი.
აქტუალობა–მოგეხსენებათ ფოტოსინთეზი მცენარეში უზრუნველყოფს ნახშირბადოვან კვებას, მცენარეს ამარაგებს ელემენტ ნახშირბადით,რომელიც ყველა ორგანული ნივთიერებების შემადგენელი ნაწილია. ეს კი უზრუნველყოფს დედამიწაზე ცოცხალი ორგანიზმების კვებას ჰეტეროტროფულად.გარდა საკვები ნივთიერებებით უზრუნველყოფისა ფოტოსინტეზი ატმოსფეროს,ნიადაგს,წყალს და ა.შ. ავსებს ჟანგბადით,რომელიც აუცილებელია როგორც ცოცხალ, ისე არაცოცხალ ბუნებაში მიმდინარე ჟანგვითი პროცესებისა.

თანამედროვე პედაგოგიკაში პიროვნების ცნების ადგილის განსაზღვრისას ხაზს უსვამენ, რომ ის არის სისტემა მრავალ¬ფეროვანი თვისე¬ბების სპექტრით. კერძოდ, იგი მოიცავს:
ა) სოციალურად მნიშვნელოვან თვისებათა ერთობ¬ლი¬ო¬ბას;
ბ) სამყაროსადმი და საკუთარი თავისადმი დამო¬კი¬დე¬ბულებას;
გ) ქცევითი აქტების ერთობლიობას;
დ) სამყაროსა და საკუთარი თავის გაცნობიერებას;
ე) უნარებისა და შემოქმედებითი შესაძლებლობების ერ¬თობ¬ლიობას;
ვ) გარე პირობებზე რეაქციების ერთობლიობას და სხვ.
ჩამოთვლილთაგან ჩვენ ბოლოს აღნიშ¬ნუ¬ლი თვისება დავისახეთ კვლევის საგნად: როგორ რეა¬გირებს ბავშვი, მოსწავლე გარე პირობებზე და კერძოდ იმ სტრესულ სიტუაციებზე, რომლებშიც მას აყენებს სოციალური გარემო, რა გავლენას განიცდის მოსწავლის ქცევის წამყვანი ფორმა - სწავლა სტრესის შედეგად.