ბოლო დროს დიდი ყურადღება ენიჭება შენარჩუნებული ან აღდგენილი პრიმიტიული რეფლექსების ზეგავლენას ფსიქიკურ დარღვევათა წარმოშობაზე. ამჟამად,რამდენადაც ეს არის ცნობილი, ამ ფენომენის ახსნის საკითხში, ჯერ-ჯერობით იმაზე შორს არ წასულან, გარდა იმისა, რომ ხაზს ავლებენ პრიმიტიული რეფლექსების არსებობას ფსიქიკური აშლილობების დადასტურების შემთხვევაში. ამგვარად მოვლენათა უბრალო თანმიმდევრობას აიგივებენ მიზეზ- შედეგობრივ ურთიერთობებთან. ამავე დროს არსებობს ვარაუდი, რომ ეგრეთ წოდებული ტაცებითი ტენდენციის ახალი წარმონაქმნი გვიანდელი ჩვილობის პერიოდში, სხვა არაფერია, თუ არა ეგოისტური გენური( დოკუნზი) ანდა აპროპრიაციული(ჩაგანავა) ტენდენცის ახალწარმონაქმნი, რომელიც, როგორც არქაული, საწყისი ტენდენცია, პრაქატიკულად გაიგივდება უმარტივეს, ყოვლისმშთანთქმელ, აგრესიულ კვებასთან, რაც კიდევაც განაპირობებს, ერთი მხრივ, აგრესიულ შთანთქმას, და სოციალური გარემოს მიმართ, როგორც ყოვლისმშთანთქმელი ტენდენციის შემაკავებელი ფაქტორისადმი წინააღმდეგობის გაწევას, რაც, მეორე მხრივ, სოციალური ფუნქციების, უნარების, ტენდენციების, ღირებულებების „შთანთქმაში“, ანუ რეალურად ათვისებაში გამოიხატება.

გრამატიკის სწავლების პროცესში პედაგოგები მთელ რიგ დამატებით ხერხებს იყენებენ, იქნება ეს თამაშები, ცეკვები, თავსატეხები თუ სიმღერები. სიმღერების ღირებულება სტუდენტების მოტივაციისათვის და მათი ჩართულობის გაზრდისათვის ძალზედ დიდია რადგან მუსიკა დადებით ზეგავლენას ახდენს წარმოთქმაზე, აქცენტზე, განწყობასა და მოტივაციაზე, სიმღერები მნიშვნელოვანი რესურსია, რათა განავითაროს სტუდენტების მოსმენის, საუბრის, კითხვის და წერის უნარები. ამიტომ მნიშვნელოვანია სიმღერების, როგორც სწავლების ინსტრუმენტის გამოყენება. სწორედ ამიტომ მუსიკა დიდ როლს თამაშობს მეორე ენის სწავლების დროს. გრამატიკის სწავლების დროს ისწავლება უამრავი წესი,რაც სტუდენტებისათვის სტრესულ ატმოსფეროს ქმნის. მუსიკა კი მსმენელში ყოველთვის ემოციების მთელ კასკადს აღძრავს.მას ოდითგან მნიშვნელოვანი ადგილი ეკავა ადამიანის საქმიანობაში.მუსიკა და სიმღერა არის გართობის, დასვენების და შემეცნების მნიშვნელოვანი საშუალება.წარმოდგენილი ნაშრომის მიზანია განიხილოს, თუ რამდენად სასარგებლო შედეგს შეიძლება მივაღწიოთ გრამატიკის სწავლების დროს თანამედროვე სიმღერების გამოყენებით.

სემინარი ეძღვნება რუსული ენის განმარტებით ლექსიკონებში ქართული ლექსიკის შეღწევის საკითხს.

განხილულია შეხედულებანი ტერმინ „სესხების“ შესახებ; მოცემულია რუსული ენის განმარტებით ლექსიკონებში შესული ყველა ქართული სიტყვის მოკლე ანალიზი; საუბარია რუსული ენის ლექსიკურ ფონდში მათი შესვლის მიზეზებზე.

ნაშრომში წარმოჩენილია ქართულის, როგორც შუამავალი ენის როლი, რუსული ენის მიერ აღმოსავლური ლექსიკის გარკვეული ნაწილის სესხების საქმეში.

უძველესი რკინის მეტალურგიის საკითხების კვლევა ისტორიული მეცნიერებისათვის ერთ - ერთი ურთულესი სფეროა. ინტერესი ამ პრობლემის მიმართ განპირობებულია იმ დიდი მნიშვნელობით, რაც რკინამ შეასრულა ძველ საზოგადოებათა ცხოვრებასა და კაცობრიობის კულტურის წინსვლაში. ამიტომ ბუნებრივია ის დიდი დაინტერესება, რასაც ამ ლითონის წარსულის გარკვევაში იჩენენ თანამედროვე უცხოელი თუ ქართველი მეცნიერები. დღესაც მეცნიერული დავისა და მსჯელობის საგანია საკითხი იმის შესახებ, თუ როდის გაეცნო ადამიანი თავდაპირველად რკინას, სად, როგორ ან ვინ დაეუფლა პირველად ამ ლითონის გამოდნობის საიდუმლოს. საგულისხმოა, რომ უძველესი რკინის წარმოების საკითხებით თავის დროზე ანტიკური ხანის ავტორებიც (ქსენოფონტე, არისტოტელე და სხვ.) დაინტერესდნენ.

ნაშრომის მიზანია, წარმოაჩინოს, თუ რა როლი ეკისრება თანამედროვე მეთოდების, გამოყენებას უცხოური ენის სწავლება/ სწავლის პროცესში. დაადგინოს თანამედროვე ელექტრონული მედია საშუალებების ეფექტიანობა სასწავლო პროცესის ეფექტურად წარმარტისათვის. უახლესი მეთოდოლოგიის, მეთოდების ტექნიკის გამოყენებით როგორ ვუპასუხოთ თანამედროვე ახალგაზრდობის მოთხოვნებს. მიგვაჩნია, რომ თანამედროვე ტექნოლოგიების და უახლესი მეთოდეის გამოყენება აადვილებს და მოხერხებულ გარემოს ქმნის, როგორც სტუდენტისთვის ასევე ასწავლებლისთვის. სწორად დაგეგმილი გაკვეთილი ყოველივე ზემოთ ხსენებულის გამოყენებით გაგვიყვანს დასახული მიზნის მაღალი დონით განხორციელებაზე/ სასურველ შედეგზე. ნაშრომში აღწერილი გვაქვს ზოგიერთი მეთოდის პრაქტიკული მნიშვნელობა, სხვადასხვა აპლიკაციის გამოყენების ეფექტიანობა და როგორ მოვახდინოთ მათი სასწავლო პროცესში ინტეგრირება.