მასმედია არის გონიერებაზე მანიპულირების უძლიერესი ხერხი. არსებობს უმრავი მაგალითი, სადაც ნათლად ჩანს, რომ ჟურნალისტები იყენებენ უამრავ მეთოდებს იმისათვის, რომ ჩამოაყალიბონ საზოგადოებრივი აზრი. მანიპულირება ეს არის ფსიქოლოგიური ხერხი, რომელიც ისახავს მიზნად აიძულოს ადამინს შესაბამის საქციელზე. დღეს მანიპულირების მეთოდები ბევრათ განსხვავდება იმ მეთოდებისაგან, რომლებიც იყო გამოყენებული რამოდენიმე წლეების წინად.

მცენარეთა გაჯანსაღება და დაცვა ერთ-ერთი აქტუალური პრობლემაა, როგორც სოფლის მეურნეობისათვის, ისევე ზოგადად ბიოლოგიური დისციპლინებისათვის, ეკოლოგიისა და ყველა იმ სფეროსათვის, სადაც კი მცენარესთან გვაქვს საქმე. ბევრი სასარგებლო, სამკურნალ-წამლო, დეკორატიული და სასოფლო-სამეურნეო მნიშვნელობის მცენარეები ბუნებაში დასნებოვნებულია სხვადასხვა ვირუსული ბაქტერიული თუ სოკოვანი დაავადებით, რასაც უდავოდ მივყავართ მოსავლიანობის შემცირებასთან ან მოსავალის და პროდუქციის ხარისხის დაქვეითებისაკენ. მცენარეთა მიკროკლონური გამრავლება, რომელიც ხორციელდება სტერილური ექსპლანტების გამოყენებით კულტურაში იწვევს მცენარეთა გაჯანსაღებას ბაქტერიული და სოკოვანი დაავადებებისაგან, მეთოდებით. მცენარეების ვირუსებისგან გათავისუფლების ტრადიციული მეთოდებისგან ფუნდამენტურად განსხვავდება აპიკალური მერისტემის კულტურის მეთოდი, რადგან ჯანსაღი მცენარე-რეგენერანტების კულტივირებისას სტერილურ პირობებში ხელახალი ინფექციის რისკი და საშიშროება გამორიცხულია ვირუსისაგან თავისუფალი მცენარეთა წარმოების ტექნოლოგია მოიცავს მცენარეული მასალის დამუშავებას ვირუსის ინჰიბიტორებითა და მცენარეთა ზრდის სტიმულატორებით in vitro კულტურაში.

თანამედროვე პირობებში საერთაშორისო ტურიზმი, განვითარებული სატრანსპორტო ინფრასტრუქტურის წყალობით, ახდენს დახურული საზოგადოების ტრანსფორმაციას ღია საზოგადოებად, სადაც სხვადასვა ქვეყნების მოსახლეობის კომუნიკაცია იქცევა ყოველდღიურ რეალობად.

ეპოქის სირთულის გამო, თანამედროვე ფრანგული ლიტერატურა, წინააღმდეგობრივ და თავისებურ ხასიათს ატარებს. მასში აშკარად იგრძნობა ნიჰილიზმი, რომელიც ცნობილი მწერლის, სემიუელ ბეკეტის ნიჰილიზმს გვაგონებს. თანამედროვე ფრანგი მწერლები ღიად, ყოველგვარი შეფარვის გარეშე საუბრობენ ამ ნიჰილიზმის გამომწვევ მიზეზებსა და თანამედროვე მსოფლიოს პრობლემებზე. მათი შემოქმედებითი მეთოდი შეიძლება განისაზღვროს, როგორც ნატურალიზმი, თუმცა დღესდღეობით ისეთი მწერლების კონკრეტულ მიმართულებებში მოთავსება, როგორიცაა მიშელ ტურნიე, ფრედერიკ ბეგბედერი, ჟან-მარი გუსტავ ლე კლეზიო, მიშელ უელბეკი (რომლებზეც ნაშრომში ვსაუბრობთ) თუ სხვა, თითქმის შეუძლებელია. თანამედროვე მწერლობაში ახალი ფორმებისა თუ სიუჟეტების გაჩენა ავტორს აღარ ზღუდავს კონკრეტული მიმდინარეობის ჩარჩოებით, თუმცა ამ უზარმაზარ სამყაროში, სადაც თითოეული მწერალი განცალკევებულად წარმოდგება, მკითხველს ორიენტაცია უძნელდება. ერთი რამ კი უდავოა, მათი შემოქმედება XXI საუკუნის ანარეკლია, ამ საუკუნისთვის დამახასიათებელი განცდებით და არსებული რეალობით, რომელიც ხშირად, მათსავე მრავალფეროვანი და სკანდალური ცხოვრების ამსახველ დეტალებს შეიცავს. საზოგადოებისთვის საჭირბოროტო თემებზე აგებულ ნაწარმოებებში, ფრანგი ავტორები სათქმელს მკვეთრად გამოხატავენ, რის გამოც მათ ნაწარმოებებს რომანი-პროტესტის სახე აქვს. სწორედ ეპოქალური და რეალისტური ნაწარმოებების განხილვის მაგალითზე ვაჩვენებთ ფრანგული ლიტერატურის ძირითად ტენდენციებს, სადაც უმთავრესად თანამედროვე საზოგადოების ნაკლის ჩვენება იკვეთება.