დასრულდა ბათუმის შოთა რუსთაველის სახელმწიფო უნივერსიტეტისა და ილიას სახელმწიფო უნივერსიტეტის მკვლევართა გუნდის ერთობლივი სოციოლოგიური კვლევა „მოსახლეობის ღირებულებების კვლევა აჭარაში”. კვლევა განხორციელდა ილიას სახელმწიფო უნივერსიტეტის ინიციატივით, ბსუ-ს ჰუმანიტრულ მეცნიერებათა ფაკულტეტთან თანამშრომლობით და მოიცავდა აჭარის ავტონომიური რესპუბლიკის ექვსივე მუნიციპალიტეტს.
ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ერთობლივი კავკასიის მეექვსე საერთაშორისო სიმპოზიუმი „პოლიმერები და მოწინავე მასალები“ გაიხსნა. საერთაშორისო სიმპოზიუმში მონაწილოებას ღებულობენ მეცნიერები საქართველოს, გერმანიის, საფრანგეთის, პოლონეთის, ბელგიის ყაზახეთის, ბელორუსიის, უკრაინის, სომხეთის, აზერბაიჯანის ირანის და სხვა ქვეყნების სამეცნიერო ცენტრებიდან. სიმპოზიუმის მიზანია პოლიმერებისა და მათ საფუძველზე მიღებული კომპოზიციური მასალების, კომპოზიტების სფეროში არსებული თანამედროვე სამეცნიერო-ტექნიკური ნამუშევრების შედეგების განხილვა და ახალი, პრაქტიკაში ფართოდ გამოყენებადი პოლიმერული მასალების წარმოჩენა. საერთაშორისო სიმპოზიუმი ხელს შეუწყობს პოლიმერების სინთეზის ახალი მეთოდების და პოლიმერული მასალების ინოვაციური ტექნოლოგიების წარმოჩენას, ახალი სამეცნიერო კვლევების ჩატარებას, საუკეთესო კვლევის შედეგების პრაქტიკაში დანერგვას და ახალგაზრდების პოლიმერული მეცნიერებით დაინტერესებას. სიმპოზიუმი ბათუმის შოთა რუსთაველის სახელმწიფო უნივერსიტეტში 20 ივლისის ჩათვლით გაგრძელდება.
ბათუმის შოთა რუსთაველის სახელმწიფო უნივერსიტეტში პროფესორ პაატა კერვალიშვილის საჯარო ლექციათა ციკლი დაიწყო. შეხვედრაზე პროფესორმა თემებზე: „ბირთვული გამოსხივების ბორის იზოტოპების ლეგირებული ნახევარგამტარული სენსორები“ და „ბიო ნანონაწილაკების ვიბრაციული თვისებების შესწავლა ოპტიკური სპექტომეტრით“ ისაუბრა.
ბათუმის შოთა რუსთაველის სახელმწიფო უნივერისტეტში გაიხსნა იაპონია-ხმელთაშუა ზღვის ქვეყნების მეთერთმეტე საერთაშორისო კონფერენცია თემაზე: „გამოყენებითი ელექტრომაგნიტური ინჟინერია მაგნიტურ, ზეგამტარ, მარავალფუნქციურ და ნანო-მასალებში.“ ოთხდღიანი სამეცნიერო სემინარის მიზანია მონაწილეებს შორის ინფორმაციის გაცვლა, გამოცდილების, ახალი იდეებისა და გამოგონებების გაზიარება გამოყენებით ელექტრომაგნეტიზმში, ახალი მასალების კვლევაში.
ბათუმის შოთა რუსთაველის სახელმწიფო უნივერსიტეტის, ფრანგული ენის მასწავლებელთა ასოციაციის და ბათუმის ბულვარის ორგანიზებით საფრაგეთის ეროვნული დღესასწაული სხვადასხვა აქტივობებით აღინიშნა. ღონისძიება ბსუ-ში საქართველოში საფრანგეთის ელჩმა პასკალ მენიემ, უნივერსიტეტის რექტორმა მერაბ ხალვაშმა და ქალაქ ბათუმის მერმა ლაშა კომახიძემ გახსნეს. უნივერსიტეტის ფოიეში მოეწყო ფაბლაბ ბსუ-ს ნამუშევრების გამოფენა, ძველი ბულვარის ამსახველი ექსპოზიცია, ქართულ-ამერიკულმა სკოლამ და სკოლამ „ევრო 2000“ ფრანგული ლიტერატურის პერსონაჟები გააცოცხლეს და მოსწავლეების ნახატები გამოფინეს. ღონისძიება მუსიკალურად გააფორმა უნივერსიტეტის ბენდმა, ასევე შესრულდა მელოდიები აკორდეონით და კლასიკური მუსიკალური ნომრები ფორტეპიანოზე.
