ახალი ამბები

თბილისის ივანე ჯავახიშვილის სახელობის სახელმწიფო უნივერსიტეტის პროფესორმა მარინე ჩიტაშვილმა ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „კვლევაზე დაფუძნებული სწავლება და სამეცნიერო კვლევების ხარისხის მნიშვნელობა უმაღლეს საგანმანათლებლო დაწესებულებების განვითარებისთვის“. მომხსენებელმა ლექციაზე კვლევითი პროდუქციის შექმნის პროცესზე, სტუდენტზე ორიენტირებულ სწავლებაზე, თვისობრივი და რაოდენობრივი კვლევის თავისებურებებსა და კვლევაზე დაფუძნებული სწავლების აქტუალურ საკითხებზე ისაუბრა. ღონისძიება ბსუ-ს სტუდენტური პროექტის - „სტუდენტები განვითარებისთვის“ ფარგლებში ჩატარდა.

შოთა რუსთაველის ეროვნული სამეცნიერო ფონდი გენერალური დირექტორი ზვიად გაბისონია ბათუმის შოთა რუსთაველის სახელმწიფო უნივერსიტეტში პროფესორ-მასწავლებლებსა და მეცნიერებს შეხვდა. ფონდის გენერალურმა დირექტორმა ზვიად გაბისონიამ შეხვედრაზე ახალი პროექტები, სახელმწიფო საგრანტო კონკურსები, მიზნობრივი პროგრამები, სამეცნიერო პროექტები და მიმდინარე რეფორმები წარადგინა. შეხვედრას ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში და აჭარის ა.რ. განათლების, კულტურისა და სპორტის მინისტრი ინგა შამილიშვილი ესწრებოდნენ.

ბათუმის შოთა რუსთაველის სახელმწიფო უნივერსიტეტისა და ბათუმის ბულვარის თანამშრომლობის ფარგლებში პირველი სამეცნიერო კონფერენცია „ბათუმის ბულვარი, წარსული და თანამედროვეობა“ ჩატარდა. კონფერენცია რექტორმა მერაბ ხალვაშმა და ბულვარის დირექტორმა ირაკლი ჯინჭარაძემ გახსნეს. მკვლევარებმა სესიაზე მოხსენებები წარადგინეს ბათუმის ბულვარის ისტორიის, განაშენიანების, ბიომრავალფეროვნების, სამართლებრივი რეგულაციების და განვითარების აქტუალურ საკითხებზე. ბათუმის ბულვარი საქართველოს საბაღე-საპარკო ხელოვნების ეროვნული მნიშვნელობის ძეგლი და სარეკრეაციო ზონაა, რომელიც არსებობის 137 წელს ითვლის და მდიდარი ისტორიით გამოირჩევა.

ბათუმის შოთა რუსთაველის სახელმწიფო უნვერსიტეტში ევროპის დღის ფარგლებში საზაფხულო სკოლა: „მეტი ევროპა საქართველოში“ იმართება. პროექტი მიზნად ისახავს დემოკრატიული სამოქალაქო საზოგადოების ფორმირების და განვითარების ხელშეწყობას ევროინტეგრაციის საკითხებში, დემოკრატიზაციის პროცესების გაძლიერებას, ცნობიერების ამაღლებას და სამოქალაქო კულტურის განვითარებას. იურიუდიული და სოციალურ მეცნიერებათა ფაკულტეტის პროფესორ-მასწავლებელები ბათუმის საჯარო სკოლის დამამთავრებელი სკოლის მოსწავლეებს ორდღიან სწავლებას ჩაუტარებენ ევროინტეგრაციის საკითხებში.

საერთაშორისო სამეცნიერო-პრაქტიკული კონფერენცია „გლობალური მარკეტინგი: თანამედროვეობის ანალიზი და გამოწვევები“ გაიხსნა ბათუმის შოთა რუსთაველის სახელმწიფო უნივერსიტეტში. ორდღიანი კონფერენციის მიზანია მარკეტინგის ინოვაციურ პროცესებში არსებული აქტუალური ტრენდების კომპლექსური ანალიზი მსოფლიო ეკონომიკის თანამედროვე პირობებში და მათი პრაქტიკული დანერგვის ხელშეწყობა. „გლობალური მარკეტინგი: თანამედროვეობის ანალიზი და გამოწვევები“ ბათუმის შოთა რუსთაველის სახელმწიფო უნივერსიტეტის, ეკონომიკური კვლევების ეროვნული ინსტიტუტის და უკრაინის ეროვნული საავიაციო უნივერსიტეტის ორგანიზებით იმართება.