ბათუმის შოთა რუსთაველის სახელმწიფო უნივერსიტეტში ჩატარდა ქართულ-გერმანული სამეცნიერო პრაქტიკული კონფერენცია თემაზე: „პაროდონტიტი, პერიმპლანტიტი - ბიოლოგიურად მინიმალური ინვაზიური მიდგომა“. კონფერენციაში მონაწილეობა მიიღეს ბსუ-ს სტომატოლოგიის დეპარტამენტის პროფესორ-მასწავლებლებმა, პრაქტიკოსმა ექიმ-სტომატოლოგებმა და სტომატოლოგიის საგანმანათლებლო პროგრამების სტუდენტებმა. სესიის გარგლებში საუნივერსიტეტო კლინიკა „ბსუ-დენტში“ ჩატარდა მასტერ-კლასი კომპანია „DURR DENTAL”-ის წარმოებული ვექტორის აპარატით პაროდონტისა და პერიმპლანტის დაავადებათა მკურნალობის პრინციპების სწავლების მიზნით.

ბათუმის შოთა რუსთაველის სახელმწიფო უნივერსიტეტში პროფესიული გადამზადების პროგრამის „ლაბორატორიული ჯანმრთელობა და უსაფრთხოება“ წარდგენა გაიმართა და თანამედროვე აპარატურით აღჭურვილი ლაბორატორიული ჯანმრთელობის და უსაფრთხოების სასწავლო ლაბორატორია გაიხსნა. ჯანმრთელობის და უსაფრთხოების სასწავლო ლაბორატორიაში გადამზადდა აჭარის რეგიონის 10 ადგილობრივი კადრი - ტრენერი და შეიქმნა ქართულენოვანი სახელმძღვანელო. პროექტის ფარგლებში დაგეგმილია 250 მსმენელის გადამზადება, მათ შორის, ბსუ-ს ბაზაზე გადამზადდება 50 მსმენელი.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ეკოლოგიის სტუდენტებმა, ახალგაზრდა ბუნებისმეტყველთა ორგანიზაციის წევრებმა გიორგი გეგიძემ და სესილი გათენაძემ მონაწილეობა მიიღეს სასტუმრო „რედისონში“ გამართულ საერთაშორისო კონფერენციაში „საზოგადოების ინფორმირებულობის ამაღლება და საზღვაო ნარჩენების შემცირება შავი ზღვის ეკოსისტემის დასაცავად“. ახალგაზრდებმა კონფერენციაზე მოხსენება თემაზე: „საზღვაო ნარჩენები“ წარადგინეს.

2022 წლის 28 სექტემბერს, ბათუმში, ბათუმის შოთა რუსთაველის სახელმწიფო უნივერსიტეტში ჩატარდება ქართულ-გერმანული სამეცნიერო-პრაქტიკული კონფერენცია. სამეცნიერო-პრაქტიკული კონფერენცია ბათუმის შოთა რუსთაველის სახელმწიფო უნივერსიტეტის, გერმანული კომპანია Durr Dental-ის, საქართველოს ახალგაზრდა სტომატოლოგთა ფედერაციის, თბილისის სახელმწიფო სამედიცინო უნივერსიტეტის, ქართულ-გერმანული იმპლანტაციის ცენტრ HBI-dentlimplant-ის, სასწავლო ცენტრ Perio&Peri-implant სტუდიოსა და კომპანია DENTSAL-ის (Durr Dental-ის ოფოცოალური წარმომადგენელი საქართველოში) მხარდაჭერითა და მონაწილეობით.

საბუნებისმეტყველო მეცნიერებათა და ჯანდაცვის ფაკულტეტის ეკოლოგია minor–ის და ეკოლოგიის სპეციალობის მესამე კურსის ბაკალავრები და ბიოლოგიისა და ეკოლოგიის სპეციალობის პირველი კურსის მაგისტრანტები, ორ ეტაპად (თითოეული შვიდი დღის განმავლობაში) იმყოფებოდნენ გასვლით კომპლექსურ სასწავლო–საველე პრაქტიკაზე. საველე პრაქტიკის ფარგლებში, ველზე უშუალო დაკვირვების გზით, ბაკალავრები გაეცნენ დაბლობის დაჭაობებული და შერეულფოთლოვანი ტყეების ეკოსისტემებს; ჭაობის, ლენტური და ლოტური ტიპის წყლის ეკოსისტემებს ისპაანის ჭაობის, მდ. ჩოლოქის, პალიასტომის ტბისა და სანაპირო ლაგუნების მაგალითზე.