ბათუმის შოთა რუსთაველის სახელმწიფო უნივერსიტეტში უახლესი ტექნიკით აღჭურვილი საუნივერსიტეტო სტომატოლოგიური კლინიკა „ბსუ დენტი“ გაიხსნა. კლინიკაში სტომატოლოგიის სპეციალობის დამამთავრებელი კურსისა და რეზიდენტურის სტუდენტები კლინიკურ მეცადინეობებს გაივლიან.

„ბსუ დენტში’’ სტუდენტთა პრაქტიკული უნარ-ჩვევების ჩამოყალიბებისათვის სასწავლო ორთოპედიის , ოდონტოლოგიის, საფანტომო, თერაპიის, რადიოვიზიოგრაფიისა და დეკონტამინაციის კაბინეტებია განთავსებული. კლინიკა აღჭურვილია თანამედროვე აპარატურით: პორტატული სტომატოლოგიური დანადგარებით, ფანტომებით, მულაჟებით, აუდიო-ვიდეო მონიტორებითა და კომპიუტერული ტექნიკით.

ბათუმის შოთა რუსთაველის სახელმწიფო უნივერსიტეტში, პირველად საბუნებისმეტყველო მეცნიერებათა და ჯანდაცვის ფაკულტეტის კლინიკური თერაპიის დეპარტამენტის ინიციატივით (ხელმძღვანელი პროფ. სალომე ღლონტი) ჩატარდა პილოტირებული გამოცდა კლინიკური უნარ-ჩვევების სასწავლო კურსში OSCE (Objective Structured Clinical Examination) მეთოდოლოგიის გამოყენებით. მედიცინის III კურსი, მასწავლებელი თამარ მხატვარი.

ბათუმის შოთა რუსთველის სახელმწიფო უნივერსიტეტის, ქუთაისის აკაკი წერეთლის სახელმწიფო უნივერსიტეტის და თბილისის სახელმწიფო სამედიცინო უნივერსიტეტის ორგანიზებით სტუდენტ-მედიკოსთა ერთობლივი სამეცნიერო კონფერენცია - „მედეა-2016’’ჩატარდა. კონფერენცია საქართველოს მედიკოს სტუდენტთა სამეცნიერო განვითარებას, უნივერსიტეტებს შორის კოლაბორაციას, სამედიცინო განათლების სფეროს ინტეგრირებასა და ინტერნაციონალიზაციის ხელშეწყობას ემსახურებოდა.

5 ივნისს, გარემოს დაცვის საერთაშორისო დღესთან დაკავშირებით, ბათუმის შოთა რუსთაველის სახელმწიფო უნივერსიტეტის სტუდენტებმა, ბათუმის №20 საჯარო სკოლის მოსწავლეებთან და აჭარის ა/რ სოფლის მეურნეობის სამინისტროს წარმომადგენლებთან ერთად, ზღვისპირა ზოლის დასუფთავების აქციაში მიიღეს მონაწილეობა. ღონისძიება საზოგადოებრივ საქმეთა ინსტიტუტის (GIPA), CENN-ის და PMC RC-ის კონსორციუმის წევრების ორგანიზებით ჩატარდა.

5 ივნისს, გარემოს დაცვის მსოფლიო დღის აღსანიშნავად, საბუნებისმეტყველო მეცნიერებათა და ჯანდაცვის ფაკულტეტის ეკოლოგიის, ბიოლოგიისა და მედიცინის მიმართულების სტუდენტებმა მონაწილეობა მიიღეს, აჭარის არ გარემოს დაცვისა და ბუნებრივი რესურსების სამმართველოს მიერ ორგანიზებულ ლაშქრობაში, რომელიც მტირალას ეროვნულ პარკში ჩატარდა.
ლაშქრობის მიზანი იყო გარემოსდაცვითი მიმართულებით ახალგაზრდობის ცნობიერების ამაღლება და მათი აქტიური ჩართულობა გარემოს დაცვის საკითხებში.