ვალენსიის (ესპანეთი) პოლიტექნიკური უნივერსიტეტის პროფესორმა იზრაელ გრიოლ ბარესმა ბათუმის შოთა რუსთაველის სახელმწიფო უნივერსიტეტის ინოვაციების ცენტრში წაიკითხა საჯარო ლექცია თემაზე: „ინოვაციები საინჟინრო და სამეწარმეო საქმიანობაში“. მომხსენებელმა ბსუ-ს სტუდენტებსა და პროფესორ-მასწავლებლებს გააცნო საინჟინრო და სამეწარმეო საქმიანობაში გამოყენებული ინოვაციური მიდგომების სახეები და მნიშვნელობა, მაგალითების სახით განიხილა წარმატებულ სტარტაპებსა და კომპანიებში დანერგილი ინოვაციური ტექნოლოგიები და მათი შედეგები.

ბათუმის შოთა რუსთაველის სახელმწიფო უნივერსიტეტში, ტექნოლოგიური ფაკულტეტის ბაზაზე ინოვაციების ცენტრი გაიხსნა. ცენტრი Erasmus+“-ის საგრანტო პროექტის - „InnoCENS Project“ (Enhacing Innovation Competencesand Entrepreneurial Skillsin Engineering Education - ინოვაციური კომპეტენციებისა და სამეწარმეო უნარების ამაღლება საინჟინრო განათლებაში) ფარგლებში შეიქმნა და მიზნად ისახავს საინჟინრო სწავლებაში თანამედროვე სამეწარმეო მიდგომების დანერგვას, ინოვაციური კომპეტენციების განვითარებას, სტარტაპებისა და სპინოფების ჩამოყალიბებას.ინოვაციური ცენტრი პროფესორ- მასწავლებლებთან ერთად, გახსნა ვალენსიის პოლიტექნიკური უნივერსიტეტის პროფესორმა, ბიზნეს მენეჯერმა იზრაელ გრიოლ ბარესმა.

15 - 22 აპრილს პროფესორმა გიზო ფარცხალაძემ, ასოცირებულმა პროფესორმა გოჩა ჩავლეშვილმა, პროფესორმა ადამ მახარაძემ და ფაბლაბ ლაბორატორიის ხელმძღვანელი თამაზ ჩხარტიშვილმა „Erasmus+“-ის„InnoCENS Project“ (Enhacing Innovation Competences and Entrepreneurial Skills in Engineering Education - ინოვაციური კომპეტენციებისა და სამეწარმეოუნარების ამაღლება საინჟინრო განათლებაში) საგრანტო პროექტის ფარგლებში მონაწილეობა მიიღეს ყაზახეთში, ტარაზის სახელმწიფო უნივერსიტეტში გამართულ შეხვედრაში. პროექტის მონაწილეებმა ღონისძიების ფარგლებში განიხილეს ისეთი მნიშვნელოვანი საკითხები, როგორიცაა:
ინოვაციური კომპეტენციების განვითარება და შეფასება, ტრანვერსალური კომპეტენციები და ინოვაციებზე ორიენტირებული კურიკულუმის შედგენა.

დასრულდა საფაკულტეტო სახელობითი სტიპენდიების კონკურსის. ნიკო ნიკოლაძის სახელობის სტიპენდია მოიპოვა ტექნოლოგიური ფაკულტეტის მშენებლობის საგანმანათლებლო პროგრამის მესამე კურსის სტუდენტმა მალხაზ ფარტენაძემ, ხოლო აკადემიკოს ლევან ყანჩაველის სახელობის სტიპენდიის მფლობელი სასურსათო ტექნოლოგიის საგანმანათლებლო პროგრამის მეოთხე კურსის სტუდენტი ემილია ჩიკვაიძე გახდა.

საქართველოს მშენებლობის განვითარების საქმეში შეტანილი განსაკუთრებული წვლილის, მაღალი პროფესიონალიზმისა და ნაყოფიერი მოღვაწეობისათვის, საქართველოს ეკონომიკისა და მდგრადი განვითარების მინისტრის 2018 წლის 25 იანვრის №1-1/33 ბრძანებით, ბსუ-ს ტექნოლოგიური ფაკულტეტის ინჟინერიისა და მშენებლობის დეპარტამენტის პროფესორ რევაზ კახიძეს საქართველოს დამსახურებული მშენებლის წოდება მიენიჭა.