18-22 სექტემბერს ვალენსიის პოლიტექნიკურ უნივერსიტეტში ERASMUS+-ის საგრანტო პროექტის „Inno CENS Project“-ის (Enhacing Innovation Competences and Entrepreneurial Skills in Engineering Education (ინოვაციური კომპეტენციებისა და სამეწარმეო უნარების ამაღლება საინჟინრო განათლებაში)“ ფარგლებში გამართულ შეხვედრაში მონაწილეობა მიიღეს ტექნოლოგიური ფაკულტეტის დეკანმა, საგრანტო პროგრამის კოორდინატორმა გიზო ფარცხალაძემ და ინოვაციების ლაბორატორიის მენეჯერმა თამაზ ჩხარტიშვილმა. ვიზიტის მიზანი იყო მიმდინარე ანგარიშისა და სამომავლო გეგმების წარდგენა.

სასტუმრო „შერატონში’’ 11-12 სექტემბერს გამართულ ცენტრალური აზიის რეგიონული ეკონომიკური თანამშრომლობის III საინვესტიციო-ენერგეტიკულ ფორუმში მონაწილეობა მიიღეს ტექნოლოგიური ფაკულტეტის დეკანმა პროფესორმა გიზო ფარცხალაძემ და ინჟინერიისა და მშენებლობის დეპარტამენტის ტელეკომუნიკაციის მიმართულების აკადემიურმა პირებმა: ენვერ ხალვაშმა, ინდიკო აბაშიძემ, მარინე ჩხარტიშვილმა, ნუგზარ ჭედიამ. ცენტრალური აზიის რეგიონული ეკონომიკური თანამშრომლობის წევრი 11 ქვეყნის 250-მა წარმომადგენელმა განიხილა საკითხები ენერგეტიკული სფეროსა და მაღალი ტექნოლოგიების მნიშვნელობის, პროექტირებისა და ინვესტიციების განხორციელების, ენერგეტიკისა და სატელეკომუნიკაციო სისტემის შესახებ.

ბათუმის შოთა რუსთაველის სახელმწიფო უნივერსიტეტის პროფესორმა, საქართველოს სოფლის მეურნეობის მეცნიერებათა აკადემიის აკადემიკოსმა რეზო ჯაბნიძემ მონაწილეობა მიიღო 2-6 ივლისს კიევში გამართულ საერთაშორისო სამეცნიერო სიმპოზიუმში „ევრაზიის ბიომრავალფეროვნება 2018“. კონფერენციის სამ სექციაში 12 ქვეყნის მეცნიერმა ასამდე მოხსენება წარმოადგინა ევრაზიის ბიომრავალფეროვნები დაცვისა და შენარჩუნების პრობლემებზე. ყურადღება დაეთმო ასევე გლობალური დათბობის, ეკოლოგიურად სუფთა პროდუქციის წარმოებისა და ამ მხრივ ქვეყნებს შორის თანამშრომლობის გაღრმავების საკითხებს. სიმპოზიუმის მონაწილეებმა მიიღეს რეზოლუცია. სიმპოზიუმის საორგანიზაციო კომიტეტის წევრი, პროფესორი რეზო ჯაბნიძე ხელმძღვანელობდა მრავალწლიანი კულტურების სექციას.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის ასოცირებულმა პროფესორმა დარეჯან ჯაშმა მონაწილეობა მიიღო პარიზში, Campus France-ის მიერ ორგანიზებულ რეგიონულ შეხვედრაში. ღონისძიება სოფლის მეურნეობის სფეროში უმაღლესი განათლებისა და კვლევის საკითხებს ეძღვნებოდა. ვიზიტის ფარგლებში შეხვედრები გაიმართა სოფლის მეურნეობაში სპეციალიზებულ ფრანგულ, უკრაინულ, ყაზახურ, მოლდოვურ, სომხურ და უზბეკურ უმაღლეს დაწესებულებებთან. ღონისძიება მიზნად ისახავდა სოფლის მეურნეობის, აგრონომიის მიმართულებით ორმხრივი კავშირების გაძლიერებასა და ერთობლივი საერთაშორისო პროექტების დაგეგმვას.

4-7 ივნისს, ბათუმის შოთა რუსთაველის სახელმწიფო უნივერსიტეტში აშშ-ს ელექტროტექნიკოსებისა და ელექტრონიკის ინჟინრების ინსტიტუტის - IEEE (Institute of Electrical and Electronics Engineers) ორგანიზებით ჩატარდა შავი ზღვის საერთაშორისო კონფერენცია - „IEEE Black Sea ComTM“. საქართველოსა და სხვადასხვა ქვეყნის წამყვანი უნივერსიტეტების პროფესორებმა მოხსენებები სატელეკომუნიკაციო ქსელების თემატიკაზე. სესიის მონაწილეებმა განიხილეს თანამედროვე სატელეკომუნიკაციო დარგში არსებული სამეცნიერო სიახლეები და გამოწვევები, კერძოდ, უკაბელო რადიოწვდომის 5G ქსელები, მრავალარხიან ტელეკომუნიკაციები, სენსორული ქსელები, მომავლის Wi-Fi ტექნოლოგიები.