ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის მთავარმა სპეციალისტმა ნუნუ ჯაფარიძემ „ერაზმუს+“-ის გაცვლითი პროგრამის ფარგლებში, მონაწილეობა მიიღო ავეიროს (პორტუგალია) უნივერსიტეტის მიერ ორგანიზებულ საერთაშორისო კვირეულში. ავეიროს უნივერსიტეტში ჩატარებული კვირეული (4-8 ივლისი) მოიცავდა სამუშაო შეხვედრებს „ერაზმუს+“-ის საერთაშორისო გაცვლითი პროგრამების მიმართულებით. დაგეგმილი ღონისძიებების ფარგლებში ნუნუ ჯაფარიძე შეხვდა როგორც ავეიროს უნივერსიტეტის საერთაშორისო ურთიერთობის სამსახურის თანამშრომლებს, ასევე სხვა უცხოელ კოლეგებს და გააცნო ბსუ-ს საგანმანათლებლო პროგრამები, სამეცნიერო პროექტები და საუნივერსიტეტო ცხოვრება.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ეკონომიკის დეპარტამენტის ასისტენტი იამზე სურმანიძე „ერაზმუს+“-ის აკადემიური პერსონალის გაცვლითი პროგრამის ფარგლებში იმყოფებოდა შჩეცინის უნივერსიტეტში (პოლონეთი). იამზე სურმანიძემ ეკონომიკის ფაკულტეტის სტუდენტებისთვის წაიკითხა ლექციის მოკლე კურსი ეკონომეტრიკაში. მობილობის ფარგლებში იამზე სურმანიძე შეხვდა სტატისტიკისა და ეკონომეტრიკის დეპარტამენტის ხელმძღვანელს, კოლეგებმა ერთმანეთს გაუზიარეს დარგობრივი გამოცდილება და სწავლების მეთოდები.

ტარტუს უნივერსიტეტი ქართველ მოქალაქეებს სთავაზობს ე.წ. მცირე ხარისხის პროგრამას „ტექნოლოგიების გამოყენება თანამედროვე სწავლებაში“. პროგრამა უფასოა და განკუთვნილია ბაკალავრის ხარისხის მქონე პირთათვის, რომელთა სამუშაო გამოცდილება პედაგოგიკის სფეროში არანაკლებ 5 წელიწადს შეადგენს. განაცხადების წარდგენის ბოლო ვადა - 22 ივლისი, 2022 წელი.

20-24 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში რუჟომბეროკის კათოლიკური უნივერსიტეტის (სლოვაკეთი) პროფესორი ანდრეი კრაევი იმყოფებოდა. ანდრე კრაევმა ბსუ-ს ჰუმანიტარულ მეცნიერებათა ფაკულტეტის თარგმანმცოდნეობის მიმართულების სტუდენტებთან გამართა შეხვედრები და გააცნო ინფორმაცია მშობლიური უნივერსიტეტის შესახებ.

27 ივნისს - 1 ივლისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში რუჟომბეროკის კათოლიკური უნივერსიტეტის (სლოვაკეთი) საერთაშორისო ურთიერთობების სამსახურის წარმომადგენელი მარტინ პინკოში იმყოფებოდა. მარტინ პინკოში ერთი კვირის განმავლობაში ბსუ-ს სტრატეგიული განვითარებისა და საგარეო ურთიერთობათა დეპარტამენტის მუშაობის სპეციფიკას ეცნობოდა. ვიზიტის ფარგლებში დაიგეგმა სხვადასხვა მიმართულებით ახალი პროგრამების შემუშავებისა და თანამშრომლობის კიდევ უფრო გაღრმავების შესაძლებლობების გზები.

ბსუ-ს სტრატეგიული განვითარებისა და საგარეო ურთიერთობათა დეპარტამენტის მთავარი სპეციალისტები ხათუნა ხაბაძე და ლელა თავართქილაძე „ერაზმუს+“-ის ადმინისტრაციული პერსონალის გაცვლითი პროგრამის ფარგლებში 6-10 ივნისს იმყოფებოდნენ ვროცლავის ჯანმრთელობისა და სპორტის მეცნიერებათა უნივერსიტეტში „პოლონეთი“. ვიზიტის მიზანი არსებული თანამშრომლობის ფარგლებში დაგროვილი გამოცდილების გაცვლა და სამომავლო პროგრამების შემუშავებისა და ურთიერთთანამშრომლობის კიდევ უფრო გაღრმავების შესაძლებლობების გზების დასახვა იყო.

„ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ლუბლინის მეწარმეობისა და ადმინისტრირების საუნივერსიტეტო კოლეჯის დელეგაცია ეწვია. უნივერსიტეტის კანცლერი აგნეშკა ლუკასიევიჩი და რექტორის მოადგილე ივონა ზაკშევსკა ბსუ-ს რექტორის მოადგილეს, პროფესორ თამარ სირაძეს, ადმინისტრაციის ხელმძღვანელ იაკინთე ჩხარტიშვილსა და სტრატეგიული განვითარებისა და საგარეო ურთიერთობათა დეპარტამენტის ხელმძღვანელ გიორგი თავამაიშვილს შეხვდნენ. შეხვედრაზე სამომავლო თანამშრომლობის მიმართულებები განისაზღვრა და დაიგეგმა ერთობლივი საგანმანათლებლო პროექტების განხორციელება.

13-17 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ვროცლავის უნივერსიტეტის ასისტენტ პროფესორი, ევროპის მცოდნეობის დეპარტამენტის დირექტორის მოადგილე იაკუბ ბორნიო იმყოფებოდა. ასისტენტ პროფესორმა იაკუბ ბორნიომ ბსუ-ს საერთაშორისო ურთიერთობების სტუდენტებისთვის წაიკითხა ლექციათა ციკლი შემდეგ თემაზე: „ევროპის უსაფრთხოების აღმოსავლური განზომილება“. ვიზიტის ფარგლებში სტუმარი გაეცნო აჭარის ღირსშესანიშნაობებს.