„ერაზმუს+“-ის ადმინისტრაციული პერსონალის გაცვლითი პროგრამის ფარგლებში, 26 აპრილიდან - 3 მაისის ჩათვლით, ბსუ-ში ვროცლავის უმაღლესი საბანკო სკოლის საერთაშორისო ურთიერთობების სამსახურის წარმომადგენლები რობერტ მაიკუტი და დარიუშ ვოიჩიკი იმყოფებოდნენ. რობერტ მაიკუტი და დარიუშ ვოიჩიკი ერთი კვირის განმავლობაში გაეცნენ უნივერსიტეტის სტრატეგიული განვითარებისა და ბსუ-ს საგანმანათლებლო პროგრამებს, პროექტებს, გაცვლით პროგრამებს, საგარეო ურთიერთობათა დეპარტამენტის მუშაობის პრინციპებსა და სპეციფიკას.

სილეზიის ტექნოლოგიური უნივერსიტეტი (პოლონეთი) „ერაზმუს+“-ის გაცვლითი პროგრამის ფარგლებში საქართველოს მასშტაბით იწვევს დაინტერესებულ პირებს საერთაშორისო კვირეულში მონაწილეობის მისაღებად. საერთაშორისო კვირეულის მიზანია არსებული თანამშრომლობის განახლება და ახალი პარტნიორების მოძიება. კვირეული გაიმართება 2022 4-8 ივლისს.
დაინტერესების შემთხვევაში, დარეგისტრირდით შემდეგ მისამართზე: https://forms.gle/oJoDZ5nfmSArTVJM7 2022 წლის 6 მაისამდე.

დეტალური ინფორმაცია იხილეთ შემდეგ მისამართზე: https://www.polsl.pl/

ტესტირება ინგლისურ ენაში B1/B2 დონე ჩატარდება 2023 წლის 26 აპრილს,13:00 საათზე.გთხოვთ, გამოცხადდეთ რეგისტრაციაზე 12:30 საათზე.მისამართი: ფიროსმანის ქუჩა #12 , ტექნოლოგიური ფაკულტეტის შენობა,საგამოცდო ცენტრი.კონკურსანტი პირადობის დამადასტურებელი დოკუმენტის გარეშე ტესტირებაზე არ დაიშვება!
გისურვებთ წარმატებებს!

„ერაზმუს+“-ის ადმინისტრაციული პერსონალის გაცვლითი პროგრამის ფარგლებში 11-15 აპრილს ბსუ-ში ვიზიტით იმყოფებოდა მურსიის კათოლიკური უნივერსიტეტის საერთაშორისო ურთიერთობების სამსახურის წარმომადგენელი რაკელ კალატაი ლოპესი. სტუმარი ერთი კვირის განმავლობაში გაეცნო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის მუშაობის პრინციპებსა და სპეციფიკას, ასევე ისაუბრა სამომავლო თანამშრომლობაზე. რაკელ კალატაი ლოპესმა ჩაატარა საინფორმაციო შეხვედრა ბსუ-ს სტუდენტებთან და გააცნო მათ კათოლიკურ უნივერსიტეტში სწავლის, გაცვლით პროგრამაში და საზაფხულო სკოლაში მონაწილეობის პირობები.

ბათუმის შოთა რუსთაველის სახელმწიფო უნივერსიტეტის სტუდენტებისთვის „ერაზმუს+“-ის გაცვლითი პროგრამის პრეზენტაცია გაიმართა. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ, „ერაზმუს+“-ის გაცვლითი პროგრამების კოორდინატორმა ნანა ყურშუბაძემ ZOOM-ის პლატფორმის გამოყენებით სხვადასხვა ფაკულტეტის სტუდენტებს საერთაშორისო გაცვლითი პროგრამის განხორციელების წესებსა და კონკურსის ჩატარების პირობები გააცნო.

გამოცხადდა „ერაზმუს+“-ის გაცვლითი პროგრამის კონკურსი PEERS პროექტის ფარგლებში, საქართველოს მასშტაბით, პორტუგალიის შემდეგ უნივერსიტეტებში: მინიო, ევორა და ავეირო. კონკურსში მონაწილეობის მიღება შეუძლიათ ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს.

გამოცხადდა კონკურსი ბათუმის შოთა რუსთაველის სახელმწიფო უნივერსიტეტის გერმანული ენის მიმართულების აკადემიური პერსონალისთვის 2021-2022 სასწავლო წლის გაზაფხულის სემესტრისთვის მიუნსტერის უნივერსიტეტში (გერმანია) ტრენინგში „გერმანული ენის დიდაქტიკის სასკოლო კონტექსტი“ მონაწილეობისა და დიდაქტიკურ-ინტერკულტურული ტრენინგის ჩატარების მიზნით.

2022 წლის 12 აპრილს, 16:00 საათზე, ონლაინ ფორმატში, ბათუმის შოთა რუსთაველის სახელმწიფო უნივერსიტეტის სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე ZOOM-ის პლატფორმის გამოყენებით სტუდენტებს საერთაშორისო გაცვლით პროგრამაში მონაწილეობის პირობებს გააცნობს.