13 ნოემბერს, 12:00 საათიდან 16:00 საათამდე ჩატარდება განათლების საერთაშორისო ონლაინ გამოფენა. ღონისძიებაზე წარმოდგენილი იქნება მსოფლიოს სხვადასხვა ქვეყნის უმაღლესი საგანმანათლებლო დაწესებულებების გაცვლითი პროგრამები, საზაფხულო სკოლები, სასტიპენდიო და საგრანტო პროგრამები, სტაჟირება და მოკლევადიანი სასწავლო კურსები. დაინტერესებულ პირებს ეძლევათ შესაძლებლობა, გაესაუბრონ უმაღლესი სასწავლებლების წარმომადგენლებს და მიიღონ ამომწურავი ინფორმაცია მათთვის საინტერესო ყველა კითხვაზე.

ბათუმის შოთა რუსთაველის სახელმწიფო უნივერსიტეტი 2021-2022 აკადემიური წლის „ერაზმუს+“-ის გაცვლითი პროგრამის მიმდინარე კონკურსებში (იხილეთ აქ https://bsu.edu.ge/sub-19/page/15759/index.html) მონაწილეობის მსურველთათვის (ვისაც არ მიუღია მონაწილეობა სექტემბერ-ოქტომბრის ტესტირებებში), აცხადებს განცხადებების მიღებას დამატებით ტესტირებაში (უცხოურ ენებში) მონაწილეობის მისაღებად. ტესტირება ჩატარდება 31 ოქტომბერს.

„ერაზმუს+“-ის გაცვლითი პროგრამების კოორდინატორმა, ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ ნანა ყურშუბაძემ პლატფორმა ZOOM-ის საშუალებით ბსუ-ს სტუდენტებს „ერაზმუს+“-ის მიმდინარე გაცვლითი პროგრამები წარუდგინა. სხვადასხვა ფაკულტეტის სტუდენტებმა პრეზენტაციაზე დეტალური ინფორმაცია მიიღეს გაცვლით პროგრამებში მონაწილეობის წესებს, პირობებს, კრიტერიუმებს და წარსადგენ დოკუმენტებს. პრეზენტაციის ბოლოს „ერაზმუს+“-ის გაცვლითი პროგრამების კოორდინატორმა ნანა ყურშუბაძემ სტუდენტების შეკითხვებს უპასუხა.

2021 წლის 26 ოქტომბერს, 17:00 საათზე, ონლაინ ფორმატში ბათუმის შოთა რუსთაველის სახელმწიფო უნივერსიტეტის სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე ZOOM-ის პლატფორმის გამოყენებით სტუდენტებს საერთაშორისო გაცვლით პროგრამაში მონაწილეობის პირობებს გააცნობს.

ცხადდება დამატებითი კონკურსი ბსუ-ს აკადემიური პერსონალისთვის 2021-2022 სასწავლო წლის გაზაფხულის სემესტრისთვის ავსტრიაში, ზალცბურგის უნივერსიტეტში, პოლიტიკური მეცნიერებების მიმართულებით, „მასწავლებელთა აკადემია 2022 „სავაჭრო პოლიტიკა პოპულიზმის ხანაში“ სემინარში მონაწილეობის მისაღებად. მობილობის ხანგრძლივობა - 5 სამუშაო დღე. რეგისტრაციის ბოლო ვადა: 2021 წლის 29 ოქტომბერი 18:00 საათი.