ვიშეგრადის ფონდი გთავაზობთ სასტიპენდიო პროგრამას, რომლის ფარგლებშიც გათვალისწინებულია სტიპენდიები საქართველოს მოქალაქეებისათვის ვიშეგრადის ქვეყნების უმაღლეს საგანმანათლებლო დაწესებულებებში სასწავლებლად. განაცხადების წარდგენის ბოლო ვადაა მიმდინარე წლის 15 მარტი.

„ერაზმუს+“-ის გაცვლითი პროგრამის კონკურსის ტესტირებისთვის რეგისტრირებულ სტუდენტთა საყურადღებოდ, ტესტირება ინგლისურ ენაში გაიმართება 25 თებერვალს, ბათუმის შოთა რუსთაველის სახელმწიფო უნივერსიტეტის მთავარ კორპუსში, ნინოშვილის ქ. #35 (ბულვარის მხრიდან) მთავარი შესასვლელი. ინფორმაცია ტესტირების დროისა და აუდიტორიის შესახებ იხილეთ მიმაგრებულ დანართში.

საფრანგეთის მთავრობის სამაგისტრო სასტიპენდიო პროგრამა 2021-2022 სასწავლო წლისთვის მსურველებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ ან ინგლისურენოვან პროგრამებზე). პროგრამა აფინანსებს სხვადასხვა მიმართულების სასწავლო პროგრამებს.

ტაილანდის საერთაშორისო თანამშრომლობის სააგენტო (TICA) გთავაზობთ 2021 სასწავლო წლის სტიპენდიებს ტაილანდის უნივერსიტეტში. სტიპენდიის შესახებ ინფორმაციის მოძიება შესაძლებელია შემდეგ ვებგვერდზე: https://tica-thaigov.mfa.go.th/en/index

ლატვიის განათლების განვითარების სახელმწიფო სააგენტო საქართველოს მოქალაქე სტუდენტებსა და აკადემიურ პერსონალს სთავაზობს სტიპენდიებს 2021-2022 სასწავლო წლისთვის. სტიპენდიის მოსაპოვებლად სააპლიკაციო განაცხადი უნდა გააგზავნოთ ლატვიის განათლების განვითარების სახელმწიფო სააგენტოში ონლაინ ვებგვერდის საშუალებით http://www.viaa.gov.lv/ 1 აპრილის ჩათვლით.

ასევე იხილეთ დანართი 1.

ბათუმის შოთა რუსთაველის სახელმწიფო უნივერსიტეტი „ერაზმუს+“-ის გაცვლითი პროგრამის კონკურსში მონაწილეობის მსურველთათვის 25 თებერვალს ატარებს ტესტირებას ინგლისურ ენაში. ტესტირების გასავლელად აპლიკანტმა უნდა წარმოადგინოს განცხადება (მითითებული უნდა იყოს საფეხური, ფაკულტეტი, სპეციალობა, ინგლისური ენის დონე, მოქმედი ელფოსტა, ტელეფონის ნომერი) პორტალის მეშვეობით და ასევე, უნდა გადმოაგზავნოს დოკუმენტები დეპარტამენტის ელექტრონულ ფოსტაზე: erasmus@bsu.edu.ge 23 თებერვლის 18:00 სთ-მდე.

16 თებერვალს, 12:00 საათზე, ონლაინ ფორმატში ბათუმის შოთა რუსთაველის სახელმწიფო უნივერსიტეტის სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე ZOOM-ის პლატფორმის გამოყენებით სტუდენტებს საერთაშორისო გაცვლით პროგრამაში მონაწილეობის პირობებს გააცნობს.