ბათუმის შოთა რუსთაველის სახელმწიფო უნივერსიტეტი მონაწილეობს შვედეთის ინსტიტუტის „აღმოსავლეთ პარტნიორობის უნივერსიტეტებში ინტერნაციონალიზაციის გაძლიერების” პროგრამით დაფინანსებულ საერთაშორისო პროექტში „ინტერნაციონ-ალიზაციის ახალი ჰორიზონტები“. პროექტის ფარგლებში განხორციელდება ციფრული, ინტერნეტ რესურსებზე დაფუძნებული თანამშრომლობის ინსტრუმენტებითა და თემატურ შეხვედრებზე დაგეგმილი ინტერნაციონალიზაცია პარტნიორ ქვეყნებს შორის (შვედეთი, უკრაინა, მოლდოვა, საქართველო, სომხეთი).

20-24 მაისს, ერაზმუს+-ის აკადემიური პერსონალის გაცვლითი პროგრამის ფარგლებში პოლონეთში, კროსნოს სახელმწიფო კოლეჯში იმყოფებოდა ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასისტენტ პროფესორი გუგული დუმბაძე. პროფესორმა გუგული დუმბაძემ ერთი კვირის განმავლობაში ლექციები ჩაატარა ბაკალავრიატის საგანმანათლებლო პროგრამის სტუდენტებისთვის შემდეგ საკითხებზე: გარემოს (ჰაერი, ნიადაგი, წყალი დაბინძურება) დაბინძურება, როგორც გლობალური ეკოლოგიური პრობლემა; საქართველოს ეკოლოგიური პრობლემები; გარემოს ტოქსიკანტები, ადამიანში მათი შეღწევის გზები და ზემოქმედების ეფექტები; Haliomorpha halys, როგორც ინვაზიური მავნებელი მწერი საქართველოში.

ბსუ გაფორმებული მემორანდუმის ფარგლებში აცხადებს შესარჩევ კონკურსს ათათურქის უნივერსიტეტის (ერზრუმი, თურქეთის რესპუბლიკა) საზაფხულო საერთაშორისო სკოლაში მონაწილეობის მისაღებად ბსუ-ს იურიდიული და სოციალურ მეცნიერებათა ფაკულტეტის საბაკალავრო საგანმანათლებლო პროგრამების სტუდენტთათვის.

2019 წლის 23-25 ოქტომბერს, სლოვაკეთში, ტატრებში გაიმართება სამეცნიერო სიმპოზიუმი თემაზე: „სამართალი, კომერცია და ეკონომიკა“ გაიმართება. სიმპოზიუმი ტრადიციულად იმართება სლოვაკეთის სამეცნიერო აკადემიის სახელმწიფოს, სამართლის ინსტიტუტისა და ჩეხეთის სამეცნიერო აკადემიის სახელმწიფოსა და სამართლის ინსტიტუტის თანამშრომლობით. დაინტერესებულ პირებს რეგისტრაცია შეუძლიათ გაიარონ 2019 წლის 30 ივნისამდე.

16-21 სექტემბერს, უკრაინაში, ქალაქ ოდესაში იმართება X საერთაშორისო კონფერენცია თემაზე: „ნანოელექტრონიკის ფუნქციური საფუძვლები“. კონფერენციის მონაწიელთა რეგისტრაციის ბოლო დღეა 2019 წლის 12 სექტემბერი, ხოლო გამოსაქვეყნებელი მასალების რეგისტრაციის ბოლო დღე - 2019 წლის 20 ივლისი. დამატებითი ინფორმაცია იხილეთ დანართში.

ბათუმის შოთა რუსთაველის სახელმწიფო უნივერსიტეტში III საერთაშორისო კვირეულის ეგიდით, ევროპის დღე გაიმართა. ევროპის დღე უნივერსიტეტის რექტორმა მერაბ ხალვაშმა და აჭარის ა.რ. განათლების, კულტურისა და სპორტის მინისტრმა ინგა შამილიშვილმა გახსნეს. ღონისძიება მიზნად ისახავდა ევროპული ღირებულებების პოპულარიზაციასა და ახალგაზრდებში ცნობიერების ამაღლებას. ევროპის დღის ფარგლებში მოწყობილ გამოფენაში საკუთარი ქვეყნები წარმოაჩინეს ბსუ-ში გაცვლითი პროგრამის მონაწილე სტუდენტებმა, აკადემიურმა და ადმინისტრაციულმა პირებმა საფრანგეთის რენე 1-ის უნივერსიტეტიდან, პოლონეთის სილეზიის ტექნოლოგოური უნივერსიტეტიდან, პოლონეთის კვიძინის უნივერსიტეტიდან, პოლონეთის ფიზიკური აღზრდის საუნივერსიტეტო სკოლიდან და ლიეტუვას ვიტაუტას მაგნუს უნივერსიტეტიდან.

საქართველოს Erasmus+-ის ეროვნული ოფისის მიწვევით და ბსუ-ს სტრატეგიული განვითარებისა და საერთაშორისო ურთიერთობების დეპარტამენტის წარდგინებით იურიდიულ და სოციალურ მეცნიერებათა ფაკულტეტის ასოცირებულმა პროფესორმა ლაშა ბაჟუნაიშვილმა მონაწილეობა მიიღო ილიას სახელმწიფო უნივერსიტეტში გამართულ საქართველო-ავსტრიის სემინარის მუშაობაში. ორდღიანი სემინარის მიზანი იყო ევროკავშირის დონორი პროგრამების (Erasmus+-ი, Horizon 2020, MSCA) ფარგლებში ქართულ და ავსტრიულ უნივერსიტეტების თანამშრომლობის გაღრმავება, ერთობლივი საგრანტო წინადადებების შემუშავება და კონკრეტული პროექტების ფარგლებში კონსორციუმების ფორმირების შესაძლებლობათა განხილვა იყო.

ერაზმუს+-ის აკადემიური პერსონალის გაცვლითი პროგრამის ფარგლებში ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის პოლონეთის კვიძინის უნივერსიტეტის პროფესორმა ტომაშ პრზლეჩლევსკიმ და ვიტაუს მაგნუს უნივერსიტეტის ბიოეკონომიკის განვითარების ფაკულტეტის დეკანმა, პროფესორმა ასტრიდა მიცეიკიენიამ საჯარო ლექციები წაიკითხეს. პროფესორმა ტომაშ პრზლეჩლევსკმა ლექციაზე მოხსენება - „ხარისხის სტატისტიკური სქემები: შესავალი მონაცემთა ვიზუალიზაციაში“ წარადგინა, ხოლო პროფესორმა ასტრიდა მიცეიკიენიამ ნაშრომი - „ფინანსისტის პროფესიაში ცვლილებები დიგიტალიზაციის კონტექსტში“ გააცნო ახალგაზრდებს.