11-19 თებერვალს, 18:00 საათამდე, ბათუმის შოთა რუსთაველის სახელმწიფო უნივერსიტეტის კანცელარიაში იწარმოებს განცხადებების მიღება ერაზმუს+-ის გაცვლითი პროგრამის დამატებითი კონკურსის ფარგლებში გერმანული ენის (B1 დონე) გამოცდაში მონაწილეობის მსურველთათვის 2020-2021 სასწავლო წლის შემოდგომის სემესრტში დიუსელდორფის უნივერსიტეტში მობილობის განსახორციელებლად.

ლატვიის განათლების განვითარების სახელმწიფო სააგენტო საქართველოს მოქალაქე სტუდენტებსა და აკადემიურ პერსონალს გთავაზობთ სტიპენდიებს 2020-2021 სასწავლო წლისთვის.
სტიპენდიის მოსაპოვებლად აპლიკანტმა სააპლიკაციო განაცხადი უნდა გააგზავნოს ლატვიის განათლების განვითარების სახელმწიფო სააგენტოში ონლაინ ვებ-გვერდის საშუალებით http://www.viaa.gov.lv/scholarships მ/წ 1 თებერვლიდან 1 აპრილის ჩათვლით. ლატვიის განათლების განვითარების სახელმწიფო სააგენტო ასევე აცხადებს მიღებას საზაფხულო კურსზე, რომლის შესახებაც ინფორმაცია პირველი თებერვლიდან გამოქვეყნდება სააგენტოს ვებ-გვერდზე.

პორტოს უნივერსიტეტი გიწვევთ საზაფხულო კურსებზე. თქვენთვის სასურველი კურსების ჩამონათვალი შეგიძლიათ იხილოთ ბმულზე: https://sigarra.up.pt/up/en/web_base.gera_pagina?p_pagina=1038217 დამატებითი ინფორმაციისთვის მიმართეთ ელ. ფოსტაზე: international@reit.up.pt

ცხადდება დამატებითი კონკურსი ბსუ-ს ჰუმანიტარულ მეცნიერებათა ფაკულტეტის პერსონალისთვის 2019-2020 სასწავლო წლის გაზაფხულის სემესტრისთვის საფრანგეთში, რუანის უნივერსიტეტში, მობილობის განსახორციელებლად. მობილობის ხანგრძლივობა - 5 სამუშაო დღე.

ვიშეგრადის საერთაშორისო ფონდი გთავაზობთ სტიპენდიებს სამაგისტრო და მაგისტრატურის შემდგომი საფეხურის სტუდენტებისთვის ვიშეგრადის ჯგუფის (V4) ქვეყნების უნივერსიტეტებში: ჩეხეთი, უნგრეთი, პოლონეთი, სლოვაკეთი.სტუდენტებსა და მკვლევარებს შეუძლიათ განაცხადი წარადგინონ V4 ქვეყნების ნებისმიერ აკრედიტებულ უმაღლეს საგანმანათლებლო დაწესებულებაში 4 სემესტრის განმავლობაში. მკვლევარის სემესტრული სტიპენდია შეადგენს 2500 ევროს.რეგისტრაციის ბოლო ვადა: 15 მარტი, 2020 წელი. დამატებითი ინფორმაციისთვის იხილეთ ბმული: https://www.visegradfund.org/apply/mobilities/visegrad-scholarship/

ლაკვილას უნივერსიტეტი (Università degli Studi dell’Aquila) (იტალია) აცხადებს მიღებას პერსონალის მეორე საერთაშორისო ტრენინგ-კვირეულზე „სამოქალაქო უნივერსიტეტები და მდგრადი განვითარება“. ღონისძიება მიზნად ისახავს მდგრადი განვითარების აქტუალური საკითხების შესწავლას და გამოცდილების გაზიარებას. პერსონალის სასწავლო კვირის დღის წესრიგი გამოქვეყნდება IMOTION-ის შემდეგ მისამართზე: http://staffmobility.eu/).

ვროცლავის უმაღლესი საბანკო სკოლა (WSB University in Wrocław) აცხადებს კონკურსს საერთაშორისო ბიზნეს კვირეულის „ინოვაციური გადაწყვეტილებები პროექტის მენეჯმენტში” (Innovation Solutions in Project Management) მონაწილეთა შესარჩევად. ხანგრძლივობა: 30 მარტი - 3 აპრილი, 2020 მონაწილეობის საფასური: 215 ევრო (თანხაში შედის ჰოსტელი 4 ღამით, საუზმე და ლანჩი, 1 ვახშამი). დეტალური ინფორმაციისთვის იხილეთ დანართი.

ცხადდება დამატებითი კონკურსი ბსუ-ს აკადემიური პერსონალისთვის 2019-2020 სასწავლო წლის გაზაფხულის სემესტრისთვის ავსტრიაში, ზალცბურგის უნივერსიტეტში, პოლიტიკური მეცნიერებების მიმართულებით, „მასწავლებელთა აკადემია 2020 „სავაჭრო პოლიტიკა პოპულიზმის ხანაში“ სემინარში მონაწილეობის მისაღებად. მობილობის ხანგრძლივობა - 5 სამუშაო დღე. რეგისტრაციის ბოლო ვადა: 2019 წლის 25 დეკემბერი 18:00 საათი.