მესამე მისიის ფარგლებში, ეკონომიკისა და ბიზნესის ფაკულტეტის ორგანიზებით, გაიმართა სტუდენტთა და მოსწავლეთა ერთობლივი კონფერენცია თემაზე: „ქართული ბიზნესი - გამოწვევები და პერსპექტივები”.  კონფერენციაში აქტიურად მონაწილეობდნენ ფაკულტეტის პირველკურსელები (ხელმძღვანელი ასოცირებული პროფესორი ლეილა ცეცხლაძე) და ბათუმის წმ. ანდრია პირველწოდებულის სახელობის სკოლის X კლასის მოსწავლეები, რომლებიც სასწავლო გეგმის ფარგლებში სწავლობენ მეწარმეობას (ხელმძღვანელი ასოცირებული პროფესორი ირინა თავაძე).

სკოლის მოსწავლეებმა და სტუდენტებმა მეწარმეობის სასწავლო კურსის ფარგლებში წარმოადგინეს აქტუალური და საინტერესო პრეზენტაციები თემებზე:  საქართველოს ბუნებრივი რესურსები, როგორც წარმოების ფაქტორები;  ბიზნეს იდეები ბათუმის მაგალითზე.

კონფერენციის დასასრულს მონაწილეებს გადაეცათ სამახსოვრო საჩუქრები.