იურიდიული ფაკულტეტის სტუდენტთა სამეცნიერო კონფერენცია ჩატარდა. საკონკურსო ჟიურიმ ასოცირებულ პროფესორ ომარ ფარტენაძის (თავმჯდომარე), პაატა დიასამიძის (საქართველოს ახალგაზრდა იურისტთა ასოციაციის აჭარის ორგანიზაცია), გიორგი მიქელაძის (მოწვეული სპეციალისტი) და რამინ მაჭარაშვილის (იურიდიული ფაკულტეტის III კურსის სტუდენტი) შემადგენლობით შეაფასა სტუდენტთა მოხსენებები. წარმოდგენილი იყო იურიდიული ფაკულტეტის სტუდენტების – შორენა ქადიძის, სოფიკო რიჟვაძის, ლელა შაინიძის, თამთა ბერიძის, პატრიცია გოგუაძის, ელზა ბარამიძის, დიანა მამუჭაძის, ნინო მეფარიშვილის, ენდი გუნთაიშვილის, ლაურა დავითაძის, თემურ აბაშიძის, მეგი ბაკურიძის, ლაშა მსხალაძისა და სალომე კოსტავას ნაშრომები.

საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ ბათუმის იუსტიციის სახლში ახორციელებს პროგრამას „მოხალისე“, რომლის ფარგლებშიც უნივერსიტეტის იურიდიული ფაკულტეტის 30-მდე სტუდენტი მონაწილეობს. ახალგაზრდებს შესაძლებლობა ეძლევათ დახმარება გაუწიონ მოქალაქეებს იმ სერვისების მიღებაში, რომელიც ბათუმის იუსტიციის სახლში მოქმედებს. პროექტი სტუდენტებს პრაქტიკული უნარ-ჩვევების გამომუშავებაში დაეხმარება.

ჩატარდა იურიდიული ფაკულტეტის პირველკურსელთა მიერ მომზადებული რეფერატული მოხსენებების კონკურსი. საკონკურსო ჟიურიმ ასისტენტ პროფესორ ზურა კვირკვაიას (თავმჯდომარე), პაატა დიასამიძის (საქართველოს ახალგაზრდა იურისტთა ასოციაციის აჭარის ორგანიზაცია), დავით სამნიძის (მოწვეული სპეციალისტი) და ანზორ ხიმშიაშვილის (იურიდიული ფაკულტეტის მე-3 კურსის სტუდენტი) შემადგენლობით შეაფასა ნაშრომები. კონკურსში წარმოდგენილი იყო იურიდიული ფაკულტეტის პირველკურსელების – ნიკა შავაძის, მარიამ დავითაძის, ჯამბულ შავაძის, ნინო გობაძის, სოფო აბაშიძის, მეგი ცინცქილაძის, ილონა დიასამიძის, ნიკა სვანიძის, სალომე კოსტავას, სალომე კარალიძის, მარიამ ორაგველიძის ცხრა მოხსენება.

თურქეთის რესპუბლიკის ქალაქ სტამბოლში 16-19 აპრილს ევროპის იურიდიული ფაკულტეტების ასოციაციის ყოველწლიური ფორუმი და კონფერენცია გაიმართა. ასოციაციაში გაწევრიანებული 53 ქვეყნის 230-ზე მეტი უნივერსიტეტიდან 34 ქვეყნის 120-ზე მეტი უნივერსიტეტის იურიდიული ფაკულტეტის დეკანი ესწრებოდა. ფორუმში იურიდიული ფაკულტეტის დეკანი პროფესორი ადამ მახარაძე მონაწილეობდა. ევროპის იურიდიული ფაკულტეტების ასოციაციამ ადამ მახარაძის მიმართვის საფუძველზე მიიღო გადაწყვეტილება ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის საერთაშორისო ასოციაციაში გაწევრიანების შესახებ. სერტიფიკატი ადამ მახარაძეს სტამბოლის იედიტეპეს იურიდიული ფაკულტეტის დეკანმა, ასოციაციის პრეზიდენტმა ჰალუკ კაბალოღლუმ გადასცა.