იურიდიული ფაკულტეტის სტუდენტმა თამარ მალაყმაძემ მონაწილეობა მიიღო ბრიუსელის, სტრასბურგის, ჰააგისა და ლუქსემბურგის ევროინსტიტუტებში, ნატოს სტრუქტურებში, ევროპულ და საერთაშორისო სასამართლოებში გამართულ მაღალი რანგის შეხვედრებში. მომავალი სამართალმცოდნე სხვა სტუდენტებთან ერთად, შეხვდა ქალბატონ ნიკოლ მეიერს (ევროპის საგარეო ქმედებათა სამსახური), ბატონ მარტინ დიმთს (ევროპის საგარეო საქმეთა სამინისტრო), ბატონ ალექსანდრე მაისურაძეს (საქართველოს მისია ნატოში), ქალბატონ დეპინას (ნატოს კოორდინატორი კავკასიის და ცენტრალური აზიის საკითხებში), მოსამართლე იან ფორესტერს და მოსამართლე ნიკოლას ფორვუდს, ბატონ ჯუსი ბრაითს და ქალბატონ ლაურა მასოჩის (ევროპის აუდიტორთა სასამართლო), ქალბატონ მარიამ მაისაიას (ევროპის საბჭოში საქართველოს მუდმივი წარმომადგენლის მოადგილე) და მოსამართლე ნონა წოწონავას (საქართველოს წარმომადგენელი მოსამართლე ადამიანის უფლებათა ევროპულ სასამართლოში). შეხვედრის ორგანიზატორი იყო საქართველოს მესამე ახალგაზრდული მისია ევროკავშირსა და ნატოში.

ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის ასოცირებულმა პროფესორმა გივი აბაშიძემ საქართველოს ტექნიკურ უნივერსიტეტში გამართულ ორდღიან კონფერენციაში „მესამე საერთაშორისო კონფერენცია - IEC 2015’’ მიიღო მონაწილეობა. მომხსენებელი კონფერენციის გახსნაზე მონაწილეებს მიესალმა და ეროვნული ეკონომიკის განვითარების სამართლებრივი, პოლიტიკური და ისტორიულ-ფილოსოფიური ასპექტების დარგობრივი სექციის სხდომაზე მოხსენება წარადგინა თემაზე: `ეკონომიკური დანაშაული~. კონფერენციის დასასრულს ასოცირებულ პროფესორს გივი აბაშიძეს სერტიფიკატი გადაეცა. სამეცნიერო სესიის მუშაობაში მონაწილეობას ღებულობდნენ ცნობილი მკვლევრები პოლონეთიდან, ესტონეთიდან, უკრაინიდან, ყაზახეთიდან, სომხეთიდან, რუსეთიდან და სხვა.

ბათუმის შოთა რუსთაველის სახელმწიფო უნივერსიტეტისა და ავსტრიის გრაცის უნივერისტეტთან თანამშრომლობის ფარგლებში მესამე ერთობლივი საზაფხულო სკოლა - „ევროპული სამართალი სამხრეთ კავკასიაში“ (EULISC) გაიხსნა. საზაფხულო სკოლა ბსუ-ს რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა, იურიდიული ფაკულტეტის დეკანმა ადამ მახარაძემ, ქ. ბათუმის მერმა გიორგი ერმაკოვმა, რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ და საქართველოს კონკურენციის სააგენტოს თავმჯდომარემ გიორგი ბარაბაძემ გახსნეს. პროექტში მონაწილეობას ქართველი, გერმანელი, ავსტრიელი, ჩეხი, სერბი, სომეხი, თურქი, უკრაინელი, აზერბაიჯანელი, რუსი, ყაზახი, პოლონელი და სტუდენტები ღებულობენ. მომავალ იურისტებს ლექციებს ცნობილი უცხოელი ექსპერტები წაუკითხავენ. საზაფხულო სკოლა მიზნად ისახავს მონაწილეთა მოტივაციის ამაღლებას, მათ დაინტერესებას ევროკავშირისა და სამხრეთ კავკასიის სამართლებრივი და პოლიტიკური საკითხებით.

იურიდიულ მეცნიერებათა დეპარტამენტის პროფესორ-მასწავლებელთა სამეცნიერო კონფერენცია გაიმართა. საჯარო სამართლის მიმართულებით პროფესორმა მურმან გორგოშაძემ მოხსენება წარმოადგინა თემაზე: „აჭარის ავტონომიური რესპუბლიკის სამართლებრივი სტატუსის საკითხისათვის (საქართველოს შემადგენლობაში აჭარის ავტონომიური მართვის იდეის გაჩენიდან აჭარის ავტონომიური საბჭოთა სოციალისტური რესპუბლიკის პირველ კონსტიტუციამდე“

ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტის იურიდიული კლინიკის მსმენელთათვის 1, 2 და 17 ივლისს ლექციების ციკლი გაიმართა. პრაქტიკოსი იურისტი დავით კეკენაძე სტუდენტებს საოჯახო სამართლის პრობლემებზე ესაუბრა, აჭარის ავტონომიური რესპუბლიკის მთავრობის იურიდიული დეპარტამენტის უფროსი დავით გაბაიძე - ადმინისტრაციული სამართლის საკითხებზე.