ბათუმის შოთა რუსთაველის სახელმწიფო უნივერსიტეტსა და ბუქარესტის უნივერსიტეტის თანამშრომლობის ფარგლებში რუმინული ჟურნალი „Journal of Urban Anthropology“, რომლის მიმდინარე ნომერი ეძღვნება კავკასიას, სთავაზობს ბსუ-ს აკადემიურ და სამეცნიერო პირებს ჟურნალში სამეცნიერო სტატიის განთავსებას.აბსტრაქტის (დაახლოებით 300 სიტყვა) წარდგენის ვადა 2024 წლის 1 აპრილამდე, ელექტრონული ფოსტის მისამართზე antropologie@muzeulbucurestiului.ro. სრული ნაშრომები უნდა იყოს წარდგენილი 2024 წლის 1 ივნისამდე.

განათლების საერთაშორისო ცენტრი საერთაშორისო სტანდარტების უნარებისა და ცოდნის მქონე კადრების მომზადების მიზნით, სახელმწიფოს განვითარების პრიორიტეტების გათვალისწინებით, ახორციელებს სასტიპენდიო პროგრამებს საქართველოს მოქალაქეებისთვის საზღვარგარეთ სწავლის ხელშეწყობის მიზნით. ცენტრის საერთაშორისო თანამშრომლობაში აღსანიშნავია ჩინეთის სახალხო რესპუბლიკის მთავრობის მხარდაჭერა. გარდა სამთავრობო შეთანხმების საფუძველზე მოქმედი სასტიპენდიო პროგრამისა, ჩინეთის მხარე საქართველოს მოქალაქეებს დამატებით სთავაზობს ჩინეთის მთავრობის სტიპენდიას „Youth of Excellence Scheme”.

გერმანიის ფედერაციული რესპუბლიკის განათლებისა და კვლევების სამინისტრო აცხდებს კონკურსის - „European Research Framework Programs and other European research initiatives (Bridge2ERA-EaP)" მონაწილეთა მიღებას. კონკურსის მიზანია, აღმოსავლეთ პარტნიორობის ქვეყნების კვლევითი პარტნიორების ინტეგრირება ევროპულ კვლევით სივრცეში (ERA) ერთობლივი კვლევითი და ინოვაციური პროექტების მეშვეობით. პროგრამის ფარგლებში დაფინანსდება საერთაშორისო პროექტები, რომლებიც პარტნიორებს საშუალებას აძლევს, ჩამოაყალიბონ ორმხრივი ან მრავალმხრივი კონსორციუმები ერთობლივი კვლევითი და ინოვაციური საქმიანობის საფუძველზე.

NATO-ს - ჩრდილოატლანტიკური ხელშეკრულების ორგანიზაციის პროგრამის „მეცნიერება მშვიდობისა და უსაფრთხოებისთვის“ (NATO Science for Peace and Security Programme Call for Proposals) ფარგლებში, გამოცხადდა კონკურსი მრავალწლიან პროექტებსა და ღონისძიებებში მონაწილეობის მისაღებად (SPS Multi-Year Projects and Events). განაცხადების მიღების ბოლო ვადაა 2024 წლის 21 იანვარი. დეტალური ინფორმაცია ხელმისაწვდომია შემდეგ ბმულებზე.

ბათუმის შოთა რუსთაველის სახელმწიფო უნივერსიტეტსა და ტარას შევჩენკოს უნივერსიტეტს შორის დადებული მემორანდუმის ფარგლებში, ტარას შევჩენკოს უნივერსიტეტი იწვევს ბსუ-ს აკადემიურ და სამეცნიერო პირებს მე-4 საერთაშორისო სამეცნიერო კონფერენციაში „საბუნებისმეტყველო მეცნიერებები: პროექტები, კვლევები, პერსპექტივები“ მონაწილეობის მისაღებად. სამეცნიერო კონფერენცია გაიმართება 2023 წლის 6-7 დეკემბერს, მონაწილეობის მიღება შესაძლებელია ონლაინ.
დეტალური ინფორმაცია კონფერენციის შესახებ იხილეთ დანართში.