დღეისათვის, მიკოტოქსიგენური სოკოები (Aspergillus, Alternaria, Claviceps, Fusarium, Penicillium და Stachybotrys) და მათ მიერ პროდუცირებული მიკოტოქსინები სოფლის მეურნეობისა და საზოგადოებრივი ჯანდაცვისათვის მნიშვნელოვან პრობლემას (ბიოლოგიურ საფრთხეებს) წარმოადგენენ. მიკოტოქსიგენური სოკოები ვითარდებიან არა მარტო სასოფლო–სამეურნეო პროდუქტების მომწიფებისას, არამედ მოსავლის აღების, არახელსაყრელი მეტეოროლოგიური პირობების, არასწორი შენახვისა და ტრანსპორტირების დროს.

ანთროპონიმია, ისევე როგორც საერთოდ ონომასტიკა, ენის ლექსიკის ის პლასტია, რომლის ჩამოყალიბება ხდება არა ერთ რომელიმე კონკრეტულ ეტაპზე, არამედ მთელი ისტორიის მანძილზე. ამიტომაც მასში ნათლად და მკაფიოდაა ასახული დროისა და ეპოქების კვალი. მისი, ისევე როგორც მთლიანად ენის კონცეპტუალური ბაზის ფორმირების პროცესი ადამიანთა სოციალიზაციისა და მათი ერთობლივი წარსულის შესახებ კოლექტიური მეხსიერების ფორმირების პროცესების შემადგენელი კომპონენტია.

დღეს საქართველოს სასურსათო ბაზარზე მსჯელობისას განსაკუთ¬რებულ მნიშვნელობას იძენს მარკეტინგის ისეთი საკითხები, როგორიცაა: პროდუქციის მარკირება, ექსპერტიზა, მომხმა¬რებელთა ინფორმირებულობისა და სხვათა საფუძვლიანი შესწავლა. როგორც წესი, საქონლის მარკირების დროს მნიშვნელოვ¬ნად ადვილდება საქონლის იდენტიფიკაცია, მომხმარებელს ეძლევა საშუალება საქონელის შეძენისას გარანტირებული ხარისხის მქონე პროდუქტი შეარჩიოს. პროდუქციის ხარისხის გამოვლენა კი ეტიკეტის დათვალიე¬რებით, მისი სწორი წაკითხვით, სავაჭრო მარკის ამოცნობითა და შტრიხ¬კოდის შემოწმებით იწყება.

განხილულია სხვადასხვა ელექტრომემბრანული პროცესის მოქმედების პრინციპი და გამოყენების სფეროები. ნაჩვენებია, რომ ელექტრომემბრანული პროცესების საფუძველს წარმოადგენს ელექტროდიალიზი. ელექტროდიალიზის მეთოდით შესწავლილია სხვადასხვა pH-ის მქონე საწარმოო ტექნოლოგიური ხსნარების pH-ის კორექტირების შესაძლებლობა. დადგენილია, რომ ელექტროდიალიზურ აპარატზე, რომლის მემბრანული პაკეტი აწყობილია ერთფენოვანი МК-40 და МА-40 იონმიმოცვლითი და МБ-2 ორფენოვანი (ბიპოლარული) მემბრანებით, შესაძლებელია ხსნარის pH-ის ცვლილება თითქმის ნეიტრალურამდე იმ ხსნარებისათვის, რომლის 3 < pH < 11 .

სამხრეთ-დასავლეთ საქართველო მეტად საინტერესო მხარეს წარმოადგენს მეცნიერული კვლევა-ძიების საკითხში. იგი მდიდარია ნივთიერი, მატერიალური კულტურის ძეგლებით. აღნიშნულთან დაკავშირებით ცნობებია დაცული, როგორც ბერძენ-რომაელთა მწერალთა შრომებში, ისე საქართველოში დაცულ წერილობით ძეგლებში, ფოლკლორულ მასალებში და სხვა. მსოფლიოში არ ყოფილა ხალხი და არ შექმნილა ცივილიზაცია, რელიგიის ტვიფარი რომ არ ედოს. რელიგიასთან კავშირი აისახა ცხოვრების თითქმის ყველა სფეროში. განუსაზღვრელია მისი როლი მეცნიერებაში, რომელიც დაკავშირებულია სხვადსხვა დარგის აღმავლობასთან, მის წიაღში იშვა ასტრონომია, ფილოსოფია, მედიცინა, ხელოვნება, ეთნოგრაფია და სხვა მრავალი დარგი.