ბათუმის შოთა რუსთაველის სახელმწიფო უნივერსიტეტში შვეიცარიული სასწავლო ფსიქოთერაპიული პროგრამის „ბიოსინთეზის“ ფარგლებში სამდღიანი სემინარი ტარდება. კვალიფიკაციის ამაღლების პროგრამაში ჩართული არიან ბსუ-ს სოციალურ მეცნიერებათა დეპარტამენტის პროფესორ-მასწავლებლები, კლინიკური ფსიქოლოგიის მაგისტრები, ფსიქოლოგიის კლინიკის თერაპევტები, ფსიქოლოგიის სპეციალობის კურსდამთავრებულები. ტრენერი, ესპანელი ფსიქოთერაპევტი, ბიოსინთეტიკოსი პაზ კარდინი სემინარის მონაწილეებს თანამედროვე ფსიქოთერაპიის მიმდინარეობის აქტუალურ საკითხებს და მუშაობის სპეციფიკას აცნობს.
საერთაშორისო 3 წლიანი შვეიცარიული სასწავლო ფსიქოთერაპიული პროგრამა "ბიოსინთეზი" საქართველოში პირველად ტარდება. პროგრამის გავლის შემდეგ მონაწილეები მიიღებენ ევროპულ სერტიფიკატს და ლიცენზიას ფსიქოთერაპიის ერთ-ერთ საინტერესო დარგში - ბიოსინთეზში საქართველოდან გაუსვლელად. პროგრამაში მონაწილეობას ღებულობენ ქართველი და უცხოელი ფსიქოლოგები.
| უკან |
