4-5  ოქტომბერს  ექსპერტებმა: თეა აქუბარდიამ, ვასილ სიხარულიძემ, გიორგი თარგამაძემ ბათუმის შოთა რუსთაველის სახელმწიფო უნივერსიტეტში ტრენინგი ჩაატარეს თემაზე: „ეროვნული უსაფრთხოების გამოწვევები“. ინტენსიურ ორდღიანი სასწავლო კურსი მიზნად ისახავდა ბსუ-ს იურიდიული და სოციალურ მეცნიერებათა ფაკულტეტების პროფესორებისა და სტუდენტების კომპეტენციის ამაღლებას ეროვნული უსაფრთხოების, ეროვნული თავდაცვის პოლიტიკისა და სტრატეგიული კომუნიკაციის ანალიზის საკითხებში. ტრენინგი განხორციელდა პროექტის ,,ქალები ეროვნულ უსაფრთხოებაში“ ფარგლებში, რომელიც ითვალისწინებს საქართველოში ეროვნული უსაფრთხოების სფეროში სასწავლო და კვლევითი შესაძლებლობების გაძლიერებას.  
სასწავლო კურსი საქართველოში ნიდერლანდების სამეფოს საელჩოსა და ნატოს სამეკავშირეო ოფისის  თანამშრომლობით ჩატარდა.