ბათუმის შოთა რუსთაველის სახელმწიფო უნივერსიტეტში ჩატარდა საჯარო ლექცია და დისკუსია თემაზე: „ევროკავშირის ძირითადი ღირებულებები და გაწევრიანების პროცედურა“. ღონისძიება გახსნა ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა. შეხვედრა ორგანიზებული იყო ბსუ-ს ჟან მონეს კათედრის მიერ ინგლისური ენის სასწავლო ცენტრ Eti Holding-თან თანამშრომლობით საჯარო სკოლის მოსწავლეებისთვის. ღონისძიებაში მონაწილეობა მიიღეს საჯარო სკოლის 40-მდე მოსწავლემ და მასწავლებლებმა. ჟან მონეს კათედრის ხელმძღვანელმა, პროფესორმა მალხაზ ნაკაშიძემ ისაუბრა ევროკავშირის ძირითადი ღირებულებების, ასევე ევროკავშირში გაწევრიანების პროცედურის შესახებ.

მოსწავლეებს მიმართეს და კითხვებს უპასუხეს ასევე Eti Holding-ის დამფუძნებელმა ირინა ხაჟალიამ და ნატოსა და ევროკავშირის შესახებ საინფორმაციო ცენტრის ხელმძღვანელმა აჭარაში ირმა გაბინაშვილმა. შეხვედრის დასასრულს გაიმართა დისკუსია. ღონისძიება ჩატარდა პროექტის ჟან მონეს კათედრა „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა" ფარგლებში. პროგრამა  დაფინანსებულია ევროკავშირის მიერ და მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით.