4-8 ივლისს, ბათუმის შოთა რუსთაველის სახელმწიფო უნივერსიტეტმა დასავლეთ უკრაინის ეროვნული უნივერსიტეტსა და ნიდერლანდების ბიზნეს-აკადემიასთან ერთად, მესამე საერთაშორისო სკოლას „NEW WAY: მოლაპარაკება და მედიაცია“ უმასპინძლა. საერთაშორისო სკოლაში მონაწილეობა მიიღო 21-მა მომხსენებელმა უკრაინიდან, საქართველოდან, ნიდერლანდებიდან, ესპანეთიდან, ლატვიიდან და აშშ-დან. ღონისძიება ევროკავშირის მიერ დაფინანსებული პროექტ „MEDIATS: მედიაცია: ტრენინგი და საზოგადოების ტრანსფორმაციის“ ფარგლებში ჩატარდა.
მომხსენებლებს შორის იყვნენ:
- ნიდერლანდების ბიზნეს-აკადემიის ლექტორი, მედიატორთა საერთაშორისო ასოციაციის პრეზიდენტი, პროფესორი იან ვან ზვიტენი;
- საქართველოს მედიატორთა ასოციაციის ხელმძღვანელი ირაკლი ყანდაშვილი;
- დასავლეთ უკრაინის ეროვნული უნივერსიტეტის ასოცირებული პროფესორი, ოკსანა კოვალი;
- ბსუ-ს იურიდიულ და სოციალურ მეცნიერებათა ფაკულტეტის დეკანი, პროფესორი ლევან ჯაყელი და ფსიქოლოგი ქეთევან დევაძე;
- ილიას სახელმწიფო უნივერსიტეტის ასოცირებული პროფესორი ტარიელ სიხარულიძე;
- KROK-ის უნივერსიტეტის ლექტორი, მედიატორი ოლეგ ტრიბოი;
- ემოციური ინტელექტის და ლიდერობის ქოუჩი, პროფესორი ქევინ მაქგორთი;
- ოტავას უნივერსიტეტის პროფესორი, ბლოსამ ტანდე;
- მურსიას კათოლიკური უნივერსიტეტის დოქტორანტი, იანინა ნედაშკივსკა და სხვები.
საზაფხულო სკოლაში მონაწილეობა მიიღეს ევროკავშირის მიერ დაფინანსებული პროექტის MEDIATS-ის კონსორციუმში შემავალი უნივერსიტეტების სტუდენტებმა უკრაინიდან, საქართველოდან და აზერბაიჯანიდან და ასევე დასავლეთ უკრაინის ეროვნული უნივერსიტეტის წარმომადგენლებმა.
მსმენელებს შესაძლებლობა მიეცათ ინფორმაცია მიეღოთ შემდეგი საკითხების ირგვლივ:
- მედიაციის ინსტიტუტის თავისებურებები ევროკავშირსა და მსოფლიოში;
- მედიაციის უპირატესობები დავის გადაწყვეტისა და კონფლიქტის მოგვარების სხვა ფორმებს შორის;
- მედიატორის პროფესიული თვისებები;
- კონფლიქტის გარეთ კომუნიკაციის საიდუმლოებები;
- საკომუნიკაციო უნარების, დარწმუნებისა და გაგების უნარების, აქტიური და პასიური მოსმენის ტექნიკის განვითარებისათვის;
- ემოციური ინტელექტის როლი დავების გადაწყვეტაში.
ასევე განევითარებინათ შემდეგი უნარები:
- თვითკონტროლისა და სტრესის მართვის უნარები;
- კომუნიკაციის უნარი;
- კონფლიქტების კონსტრუქციული მოგვარების ტექნიკები და არაძალადობრივი კომუნიკაციის უნარები;
- მოლაპარაკებისა და მედიაციის უნარები;
- მანიპულაციის ამოცნობისა და მასზე კომპეტენტურად რეაგირების უნარი;
- მოწინააღმდეგის ყურადღების კონტროლის უნარი;
- ოპტიმალური გუნდური მუშაობა.
სასწავლო კურსში წარმატებული მონაწილეობისათვის ბსუ-ს მედიაციის მოკლევადიანი სასწავლო პროგრამის მსმენელმა ეთერ ჭანიძემ მოიპოვა გრანტი ნიდერლანდების ბიზნეს-აკადემიის მედიაციის საბაზისო კურსზე სწავლებისათვის.
| უკან |
