ბათუმის შოთა რუსთაველის სახელმწიფო უნივერსიტეტისა და თბილისის ივანე ჯავახიშვილის სახელობის სახელმწიფო უნივერსიტეტის პროფესორ-მასწავლებლების მონაწილეობით ბსუ-ში პანელური დისკუსია „პოსტსაბჭოთა საქართველოს საბჭოური მემკვიდრეობა“ და პროფესორ მალხაზ მაცაბერიძის მონოგრაფიის - „საბჭოთა კავშირი: კომუნისტური ტოტალიტარიზმის აღზევება და დაცემა“- პრეზენტაცია გაიმართა. ღონისძიება პანელური სესიების ეგიდით „საქართველოს პირველი დემოკრატიული რესპუბლიკა - გზა ევროპისკენ“ ჩატარდა და ეძღვნებოდა ქართველი სახელმწიფო მოღვაწის, საქართველოს დემოკრატიული რესპუბლიკის მთავრობის თავმჯდომარის, ნოე ჟორდანიას ხსოვნას.
დისკუსიის მომხსენებლები:
- მალხაზ მაცაბერიძე - თბილისის სახელმწიფო უნივერსიტეტი
- ირაკლი ჩხაიძე - თბილისის სახელმწიფო უნივერსიტეტი
- ნინო ჩიქოვანი - თბილისის სახელმწიფო უნივერსიტეტი
- თამარ ორჯონიკიძე - თბილისის სახელმწიფო უნივერსიტეტი
- ირაკლი მანველიძე - ბათუმის უნივერსიტეტი
- ნატალია ლაზბა - ბათუმის უნივერსიტეტი
2023 წლის დასაწყისში, მეცნიერებათა პანევროპული აკადემიის თბილისის რეგიონული საგანმანათლებლო-კვლევითი ცენტრის (ჰაბის) ინიციატივით, საფუძველი ჩაეყარა პანელური სესიების სერიას „საქართველოს პირველი დემოკრატიული რესპუბლიკა - გზა ევროპისკენ“, რომლის ფარგლებში განხორციელდა არაერთი პანელი პირველი დემოკრატიული რესპუბლიკის აღდგენის წინაპირობების, 1921 წლის კონსტიტუციის, საქართველოს დამოუკიდებლობის აღდგენის აქტისა და 26 მაისის - როგორც საქართველოს დამოუკიდებლობის სიმბოლოს თაობაზე.
სესია მეცნიერებათა პანევროპული აკადემიის თბილისის რეგიონული საგანმანათლებლო-კვლევითი ცენტრის ორგანიზებით გაიმართა.
| უკან |
