ბათუმის შოთა რუსთაველის სახელმწიფო უნივერსიტეტის ტექნოლოგიურმა ფაკულტეტმა მესამე მისიის ფარგლებში ბათუმის მე-8 საჯარო სკოლის დამამთავრებელი კლასის მოსწავლეებს უმასპინძლა. ინოვაციების ცენტრში ჩატარდა ლექცია თემაზე: „კატასტროფების რისკის მართვა თანამედროვე საინჟინრო გადაწყვეტილებების მიღებისას“. მოსწავლეებმა დაათვალიერეს ფაბლაბ ლაბორატორია, სადაც საშუალება ჰქონდათ, გაცნობოდნენ სტრუქტურული მოდელის აგებას, გაანგარიშებას და მაკეტირებას. შეხვედრის მონაწილეები ასევე ეწვივნენ საშენი მასალებისა და სამშენებლო კონსტრუქციების ლაბორატორიას.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მთავარმა მეცნიერ-თანამშრომელმა, ბიოლოგიის დოქტორმა, ავთანდილ მესხიძემ, უნივერსიტეტის მესამე მისიის ფარგლებში, ქობულეთის მუნიციპალიტეტის ლეღვას №2 საჯარო სკოლაში სამეცნიერო-პოპულარული ლექცია ჩაატარა თემაზე: „აგრარული განათლება ქვეყნის მომავალია“.

ბსუ-ს ტურიზმის ფაკულტეტის ასისტენტმა ლელა დევაძემ უნივერსიტეტის მესამე მისიის ფარგლებში, ბათუმის №2 საჯარო სკოლაში ჩაატარა საჯარო ლექცია თემაზე: „ტურიზმი, როგორც პროფესიული განვითარების მრავალმხრივი მიმართულება.“ ლექციის მიზანი იყო სკოლის მოსწავლეებისთვის ტურიზმის სფეროს მნიშვნელობის, პერსპექტივების და კარიერული შესაძლებლობების გაცნობა.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა ირაკლი მიქელაძემ, უნივერსიტეტის მესამე მისიის ფარგლებში, შეხვედრა ჩაატარა ქვემო ახალშენის საჯარო სკოლაში და წაიკითხა საჯარო ლექცია.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასოცირებულმა პროფესორმა ეკატერინე ბახტაძემ, მესამე მისიის ფარგლებში ბათუმის კერძო სკოლში - „მეგა სკოლა“ ჩაატარა საჯარო ლექცია თემაზე: „ტურიზმი, როგორც მსოფლიოს აღმოჩენის, დასვენების, გართობის და დასაქმების შესაძლებლობა“.