ჰუმანიტარულ მეცნიერებათა ფაკულტეტი

ბსუ-ს პროფესორ-მასწავლებლებმა „ჰორიზონტ 2020-ის“ საერთაშორისო კონფერენციაში მიიღეს მონაწილეობა

სურათი

4-6 ოქტომბერს, ოდესაში, „ჰორიზონტ 2020-ის“ საგრანტო პროექტის „ცოდნის და აკადემიური კულტურის მიმოცვლა ჰუმანიტარულ მეცნიერებებში: ევროპა და შავი ზღვის რეგიონი, XVIII ს. მეორე ნახევარი - XXI საუკუნე“ ეგიდით გამართულ საერთაშორისო კონფერენციაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებმა: თამარ სირაძემ, მარინე აროშიძემ, მანუჩარ ლორიამ, დალი დობორჯგინიძემ და დოქტორანტმა ანასტასია მახარაძემ. კონფერენციის ფარგლებში გაიმართა საგრანტო პროექტის სამუშაო შეხვედრა და დაიგეგმა მეორე საზაფხულო სკოლის „თარგმანის როლი მეცნიერების განვითარებაში - 2020“ ბათუმის შოთა რუსთაველის სახელმწიფო უნივერსიტეტში ჩატარება.

საერთაშორისო კონფერენციაზე ჰუმანიტარულ მეცნიერებათა ფაკულტეტის პროფესორმა მარინე აროშიძემ მოხსენება წარადგინა თემაზე: „მეცნიერების ბედი „წითელი„ და „დიდი“ ტერორის პერიოდში“, პროფესორმა თამარ სირაძემ ნაშრომი „კულტურული ცვლილებები საქართველოში XX საუკუნის I ნახევარში“ წარადგინა, ასოცირებულმა პროფესორმა მანუჩარ ლორიამ - „საბჭოური 30-იანი წლების იდეოლოგიური ფილმების ეთნოკულტურული ასპექტი“ და ხოლო მოწვეულმა მასწავლებელმა დალი დობორჯგინიძემ - „ქალების „მე“ (მეცნიერების გენდერული ასპექტები)“. 


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა