ბსუ-ს ჰუმანიტარულ მეცნიერებათა ფაკულტეტს გაცნობითი სახის ვიზიტით  საქართველოში საფრანგეთის საელჩოსთან არსებული ფრანგული ინსტიტუტის ახლადდანიშნული დირექტორი კამილ ნორა და კულტურისა და კომუნიკაციების საკითხებში პასუხისმგებელი პირი სალომე მურვანიძე ეწვივნენ. დელეგაციის წევრები შეხვდნენ ჰუმანიტარულ მეცნიერებათა ფაკულტეტის დეკანს, პროფესორ მარინა გიორგაძეს, ფრანგული ფილოლოგიის პროგრამის ხელმძღვანელს, პროფესორ ნატალია სურგულაძეს  და ფრანგული ფილოლოგიის საგანმანათლებლო პროგრამის  პროფესორ-მასწავლებლებს. შეხვედრისას მხარეებმა განიხილეს  თანამშრომლობის სამომავლო გეგმები.