14 დეკემბერი 2016 წელი
მასწავლებელთა გაცვლითი პროგრამის- „Agir ABCD”- ის ფარგლებში, ბათუმის შოთა რუსთაველის სახელმწიფო უნივერსიტეტს ფრანგი მასწავლებელი ოდეტ ბონო ეწვია. მოწვეული მასწავლებელი სამი თვის განმავლობაში პრაქტიკულ მეცადინეობებსა უტარებს ენებისა და საინფორმაციო ტექნოლოგიების ცენტრის ფრანკოფონ სტუდენტებს. აგრეთვე, კონსულტაციებს უწევს ფრანგული ფილოლოგიის სპეციალობის სტუდენტებსა და ლექტორ-მასწავლებლებს უცხოური ენის სწავლების თანამედროვე მეთოდებში.
ფრანგი მასწავლებლის ვიზიტი ფრანგული ენის პოპულარიზაციას, ფრანგული ფილოლოგიის პროგრამის ინტერნაციონალიზაციის ხელშეწყობას და გამოცდილების გაზიარებას ემსახურება.
