ბათუმის შოთა რუსთაველის სახელმწიფო უნივერსიტეტი გთავაზობთ ერაზმუს+ გაცვლითი პროგრამის ფარგლებში ევროკომისიის მიერ დაფინანსებულ ინდივიდუალურ მობილობებს ევროპულ უნივერსიტეტებში.

ბათუმის შოთა რუსთაველის უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ ნანა ყურშუბაძემ და ასოცირებულმა პროფესორმა ნელი ახვლედიანმა მონაწილეობა მიიღეს 30-31 ოქტომბერს, თბილისში გამართულ ერაზმუს+-ის საკონტაქტო სემინარში. ღონისძიება მიზნად ისახავდა ევროკომისიის მიერ დაფინანსებული სასტიპენდიო პროგრამების ფარგლებში ქართველ და ევროპელ პარტნიორებს შორის კონტაქტების დამყარებას. სემინარის მუშაობაში ჩართული იყო საქართველოს 44 უმაღლესი საგანმანათლებლო დაწესებულება და ევროპის 11 ქვეყნის (ესტონეთი, ფინეთი, საფრანგეთი, გერმანია, საბერძნეთი, უნგრეთი, იტალია, ლიტვა, პოლონეთი, შვედეთი, თურქეთი) 46 უნივერსიტეტი.

ბეიჯინგის ტექნოლოგიური უნივერსიტეტი აცხადებს კონკურსს სტიპენდიების მოსაპოვებლად 2020-2021 აკადემიური წლისთვის სხვადასხვა მიმართულებით. კონკურსში მონაწილეობა შეუძლიათ სწავლების ყველა საფეხურის სტუდენტებს. დედლაინების, მოთხოვნებისა და სხვა ინფორმაციისთვის იხილეთ თანდართული ფაილები.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის უფროსმა მასწავლებელმა ინგა ცინცქილაძემ 7-11 ოქტომბერს, Erasmus+-ის აკადემიურ პირთა მობილობის ფარგლებში ლექციები ჩაატარა საბერძნეთში თესალონიკის არისტოტელეს უნივერსიტეტში. ლექციები მოიცავდა ისეთ აქტუალურ თემებს, როგორიცაა: სამხრეთ კავკასია და ევროპის სამეზობლო პოლიტიკა, საქართველო-ევროკავშირის ურთიერთობები, ასოცირების შეთანხმება და მისი გავლენა პოლიტიკურ პროცესებზე საქართველოში.

ცხადდება კონკურსი ბათუმის შოთა რუსთაველის სახელმწიფო უნივერსიტეტის სტუდენტებისთვის, აკადემიური და ადმინისტრაციული პერსონალისთვის ევროკომისიის მიერ დაფინანსებული ერაზმუს+-ის ICM პროგრამის სტიპენდიების მოსაპოვებლად მინიოს უნივერსიტეტში (პორტუგალია). განაცხადების მიღება იწარმოებს 2019 წლის 15 ნოემბრამდე ელექტრონულად.

გამოცხადდა კონკურსი ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის საბაკალავრო საგანმანათლებლო პროგრამის სტუდენტებისთვის ევროკომისიის მიერ დაფინანსებული ერაზმუს+-ის პროგრამის სტიპენდიების მოსაპოვებლად ვროცლავში ფიზიკური აღზრდის საუნივერსიტეტო სკოლაში სწავლის მიზნით (პოლონეთი). განაცხადების მიღება იწარმოებს 2019 წლის 15 ნოემბრამდე ელექტრონულად.

ერაზმუს+ის გაცვლითი პროგრამა აცხადებს კონკურსს ბათუმის შოთა რუსთაველის სახელმწიფო უნივერსიტეტის აკადემიური და ადმინისტრაციული პერსონალისთვის (სწავლების/ტრენინგის) 2019-2020 სასწავლო წლის გაზაფხულის სემესტრისთვის. პარტნიორი უნივერსიტეტების ჩამონათვალი და მიმართულება იხილეთ დანართის სახით. მობილობის ხანგრძლივობა - 5-30 სამუშაო დღე.