ხაზარის უნივერსიტეტი (აზერბაიჯანი) აცხადებს სტიპენდიებს ბაკალავრის, მაგისტრატურისა და დოქტორანტურის სტუდენტებისათვის შემდეგი მიმართულებით: ინჟინერია და გამოყენებითი მეცნიერებები; ეკონომიკა და მენეჯმენტი; ჰუმანიტარული და სოციალური მეცნიერებები; განათლება.

ცხადდება კონკურსი ბსუ-ს ტენოლოგიური ფაკულტეტის სტუდენტებისთვის ევროკომისიის მიერ დაფინანსებული ერაზმუს + ICM პროგრამის სტიპენდიის მოსაპოვებლად ვალენსიის ტექნოლოგიურ უნივერსიტეტში (ესპანეთი).

2019 წლის ივნის-სექტემბერს, ნიკოლაევის ოლქში გაიმართება საერთაშორისო საგანმანთლებლო და კულტურული ღონისძიებები. დაგეგმილი ღონისძიებებით დაინტერესებულმა პირებმა ინფორმაცია იხილეთ ღონისძიებათა ნუსხაში თანდართული ფაილის სახით.

18-22 თებერვალს ბათუმის შოთა რუსთაველის სახელმწიფო უნივერსიტეტს „ერაზმუს+“-ის აკადემიური/ადმინისტრაციული პერსონალის გაცვლითი პროგრამის ფარგლებში ვროცლავის უმაღლესი საბანკო სკოლის (პოლონეთი) დელეგაცია ეწვია. ხუთდღიანი ვიზიტის ფარგლებში პოლონელმა პროფესორებმა სამუშაო შეხვედრები გამართეს ეკონომიკისა და ბიზნესისა და ტურიზმის ფაკულტეტებზე. ეკონომიკისა და ბიზნესის ფაკულტეტის სტუდენტებმა და პროფესორ-მასწავლებლებმა პოლონელ კოლეგებთან ერთად საჯარო ლექციებზე სწავლის/სწავლების თანამედროვე მეთოდები და ევროკომისიის მიერ დაფინანსებული საგრანტო პროექტების წარდგენის პროცედურები განიხილეს.

Krzysztof Skubiszewski-ის სახელობის ფონდი აცხადებს სტიპენდიებს და სამეცნიერო გრანტებს სამართლის, პოლიტიკური მეცნიერებებისა და თანამედროვე ისტორიის მიმართულებით. სტიპენდიის მოპოვება შეუძლია იმ კანდიდატებს, რომლებსაც აქვთ მაგისტრის ხარისხი ან წარმატებით დაიცვა სადოქტორო თემა. სამეცნიერო გრანტი ითვალისწინებს სამთვიან ვიზიტს პოლონეთში კვლევითი სამუშაოებისათვის.

ლიეტუვას სახელმწიფო სტიპენდიის კონკურსის ფარგლებში მიკოლას რომერის უნივერსიტეტი აცხადებს ბათუმის შოთა რუსთაველის სახელმწიფო უნივერსიტეტის სტუდენტების მიღებას 1-2 სემესტრით.

ვიშეგრადის სასტიპენდიო პროგრამა 2019-2020 სასწავლო წლისათვის აცხადებს კონკურსს მაგისტრანტებისა და მაგისტრის სტატუსის მქონე სტუდენტებისათვის. მასპინძელი უნივერსიტეტები: ჩეხეთის რესპუბლიკაში, უნგრეთში, პოლონეთსა და სლოვაკეთში.

ლიეტუვისა და პოლონეთის საგარეო საქმეთა სამინისტროები აცხადებს ესეების კონკურსს „აღმოსავლეთ პარტნიორობის“ თემაზე. კონკურსში მონაწილეობის მიღება შეუძლიათ „აღმოსავლეთ პარტნიორობის“ წევრი ქვეყნების მოქალაქე სტუდენტებს. ესეები უნდა დაიწეროს ინგლისურ ენაზე, ხოლო მათი გაგზავნის ბოლო ვადა 2019 წლის 5 აპრილია (ქართველმა სტუდენტებმა ესეები უნდა გაუგზავნონ ლიეტუვის საელჩოს საქართველოში).