3-7 ივნისს პოლონეთში, ქალაქ ბიდგოშში, ეკონომიკის უნივერსიტეტში, ერაზმუს+-ის პროგრამის ეგიდით გამართულ „საერთაშორისო სატრენინგო კვირეულის“ მუშაობაში მონაწილეობა მიიღეს ბსუ-ს ჰუმანიტარულ მეცნიერებათა ფაკულტეტის ევროპეისტიკის დეპარტამენტის პროფესორმა მარინე აროშიძემ და ასოცირებულმა პროფესორმა ნინო აროშიძემ. კვირეულის ფარგლებში ქართველმა მონაწილეებმა ტრენინგი გაიარეს, დაესწრნენ ბიდგოშის ეკონომიკის უნივერსიტეტის 30 წლის საიუბილეო ღონისძიებებს და საქართველო წარმოადგინეს ეროვნული სამზარეულოს გამოფენაზე.

5-6 ივნისს ერაზმუს+-ის ადმინისტრაციული პერსონალის გაცვლითი პროგრამის ფარგლებში ბათუმის შოთა რუსთაველის სახელმწიფო უნივერსიტეტში საფრანგეთის, რუანის უნივერსიტეტის საერთაშორისო ურთიერთობებისა და თანამშრომლობის დეპარტამენტის მობილობის მართვის კოორდინატორი სონია ფაფინი იმყოფებოდა. ვიზიტის ფარგლებში დაიგეგმა 2019-2020 სასწავლო წლისთვის ქართველი და ფრანგი სტუდენტების მობილობა და სტაჟირების პროგრამის ხელშეწყობა. შეხვედრა ბსუ-ს ტურიზმის ფაკულტეტის და საგარეო ურთიერთობათა და სტრატეგიული განვითარების დეპარტამენტის ორგანიზებით გაიმართა.

20-24 მაისს, ერაზმუს+-ის ადმინისტრაციული პერსონალის გაცვლითი პროგრამის ფარგლებში პოლონეთში, კროსნოს სახელმწიფო კოლეჯში იმყოფებოდა ბსუ-ს სტრატეგიული განვითარებისა და საგარეო ურთიერთობათა დეპარტამენტის წამყვანი სპეციალისტი ლელა თავართქილაძე. ვიზიტის ფარგლებში შეხვედრები შედგა საგარეო ურთიერთობათა დეპარტამენტის წარმომადგენლებთან, რექტორის მოადგილესთან და დაიგეგმა თანამშრომლობა სამეცნიერო მიმართულებით. ლელა თავართქილაძემ სტუდენტებსა და პროფესორ მასწავლებლებს ასევე წარუდგინა უნივერსიტეტისა და რეგიონის შესახებ პრეზენტაცია.

13-17 მაისს, ერასმუს+-ის საერთაშორისო გაცვლითი მობილობის ფარგლებში მინიოს უნივერსიტეტში გამართულ მესამე საერთაშორისო კვირეულში მონაწილეობა მიიღო ბსუ-ს სტრატეგიული განვითარებისა და საგარეო ურთიერთობათა დეპარტამენტის მთავარმა სპეციალისტმა ხათუნა ხაბაძემ. ევროპის, აზიისა და სამხრეთ ამერიკის ქვეყნების 31 უმაღლესი საგანმანათლებლო დაწესებულების 66-მა წარმომადგენელმა განათლების ინტერნაციონალიზაციის აქტუალურ საკითხებზე იმსჯელა. ხათუნა ხაბაძემ ღონისძიების მონაწილეებს ბსუ-ს ინტერნაციონალიზაციის მიღწევები და გამოწვევები გააცნო. კვირეულის ფარგლებში გამართულ შეხვედრებზე დაიგეგმა თანამშრომლობა ქვეყნის უნივერსიტეტებთან საერთაშორისო პროექტების განხორციელების გზით.

ბათუმის შოთა რუსთაველის სახელმწიფო უნივერსიტეტი მონაწილეობს შვედეთის ინსტიტუტის „აღმოსავლეთ პარტნიორობის უნივერსიტეტებში ინტერნაციონალიზაციის გაძლიერების” პროგრამით დაფინანსებულ საერთაშორისო პროექტში „ინტერნაციონ-ალიზაციის ახალი ჰორიზონტები“. პროექტის ფარგლებში განხორციელდება ციფრული, ინტერნეტ რესურსებზე დაფუძნებული თანამშრომლობის ინსტრუმენტებითა და თემატურ შეხვედრებზე დაგეგმილი ინტერნაციონალიზაცია პარტნიორ ქვეყნებს შორის (შვედეთი, უკრაინა, მოლდოვა, საქართველო, სომხეთი).

20-24 მაისს, ერაზმუს+-ის აკადემიური პერსონალის გაცვლითი პროგრამის ფარგლებში პოლონეთში, კროსნოს სახელმწიფო კოლეჯში იმყოფებოდა ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასისტენტ პროფესორი გუგული დუმბაძე. პროფესორმა გუგული დუმბაძემ ერთი კვირის განმავლობაში ლექციები ჩაატარა ბაკალავრიატის საგანმანათლებლო პროგრამის სტუდენტებისთვის შემდეგ საკითხებზე: გარემოს (ჰაერი, ნიადაგი, წყალი დაბინძურება) დაბინძურება, როგორც გლობალური ეკოლოგიური პრობლემა; საქართველოს ეკოლოგიური პრობლემები; გარემოს ტოქსიკანტები, ადამიანში მათი შეღწევის გზები და ზემოქმედების ეფექტები; Haliomorpha halys, როგორც ინვაზიური მავნებელი მწერი საქართველოში.

ბსუ გაფორმებული მემორანდუმის ფარგლებში აცხადებს შესარჩევ კონკურსს ათათურქის უნივერსიტეტის (ერზრუმი, თურქეთის რესპუბლიკა) საზაფხულო საერთაშორისო სკოლაში მონაწილეობის მისაღებად ბსუ-ს იურიდიული და სოციალურ მეცნიერებათა ფაკულტეტის საბაკალავრო საგანმანათლებლო პროგრამების სტუდენტთათვის.

2019 წლის 23-25 ოქტომბერს, სლოვაკეთში, ტატრებში გაიმართება სამეცნიერო სიმპოზიუმი თემაზე: „სამართალი, კომერცია და ეკონომიკა“ გაიმართება. სიმპოზიუმი ტრადიციულად იმართება სლოვაკეთის სამეცნიერო აკადემიის სახელმწიფოს, სამართლის ინსტიტუტისა და ჩეხეთის სამეცნიერო აკადემიის სახელმწიფოსა და სამართლის ინსტიტუტის თანამშრომლობით. დაინტერესებულ პირებს რეგისტრაცია შეუძლიათ გაიარონ 2019 წლის 30 ივნისამდე.