კორუნიას უნივერსიტეტი (Universidade da Coruña) (ესპანეთი) იწვევს დოქტორებს ან მათთან გათანაბრებული ხარისხის მქონე მასწავლებლებს საერთაშორისო საზაფხულო სკოლაში ლექციების წაკითხვის მიზნით. საზაფხულო სკოლის მონაწილემ ლექციები უნდა წაიკითხოს ინგლისურ ენაზე. განცხადებების გადაგზავნის ბოლო ვადაა 2019 წლის 15 ნოემბერი.

ბათუმის შოთა რუსთაველის სახელმწიფო უნივერსიტეტი გთავაზობთ ერაზმუს+ გაცვლითი პროგრამის ფარგლებში ევროკომისიის მიერ დაფინანსებულ ინდივიდუალურ მობილობებს ევროპულ უნივერსიტეტებში (იხილეთ პარტნიორი უნივერსიტეტებისა და საგანმანათლებლო პროგრამების დანართი და სასწავლო ხელშეკრულების ნიმუში).

ერაზმუს+-ის გაცვლითი პროგრამის უცხო ენების გამოცდაში მონაწილეობის მსურველთათვის განცხადებების მიღება იწარმოებს 15 ოქტომბრის ჩათვლით 18:00 საათამდე. განცხადებაში სტუდენტებმა უნდა მიუთითონ: ფაკულტეტი, სპეციალობა, საფეხური და სასწავლო წელი/სემესტრი, ტელეფონის ნომერი, ელფოსტა, უცხო ენა და შესაბამისი დონე. პირადობის დამადასტურებელი დოკუმენტის წარმოდგენა აუცილებელია.

ევროკომისიის მიერ დაფინანსებული ერთობლივი სამაგისტრო პროგრამების (Erasmus Mundus JMD) წარდგენა გაიმართა ბათუმის შოთა რუსთაველის სახელმწიფო უნივერსიტეტში. საქართველოს ერაზმუს+-ის ოფისის წარმომადგენლებმა თათა ლორთქიფანიძემ და ნინო ურუშაძემ სხვადასხვა ფაკულტეტის სტუდენტებს ერთობლივ სამაგისტრო პროგრამებზე სწავლებისა და კონკურსში მონაწილეობის პირობები გააცნეს. ევროკაშირი ერაზმუს+-ის პროგრამის ფარგლებში მიღებას აცხადებს 123 ერთობლივ სამაგისტრო საგანმანათლებლო პროგრამაზე, რომლის განხორციელებაშიც ჩართულია ევროპის სხვადასხვა ქვეყნის უნივერსიტეტი.

შვედეთის მთავრობა აცხადებს კონკურსს სტიპენდიებზე (VISBY scholarships) მაგისტრატურისა და დოქტორანტურის სტუდენტებისთვის, პოსტდოქტორანტებისთვის (უფროსი მკვლევარებისთვის). აპლიკაციის მისაღებად დეკემბერ-თებერვალში იხილეთ შემდეგი მისამართი.

ევროპის საბჭო აცხადებს საგრანტო კონკურსს უმაღლესი საგანმანათლებლო დაწესებულებებისათვის. პროექტების წარდგენა შეუძლიათ უნივერსიტეტებს თბილისიდან, ქვემო ქართლიდან, სამცხე-ჯავახეთიდან და აჭარიდან. თითოეული პროექტის მაქსიმალური ბიუჯეტია 4 000 ევრო. განცხადებების შემოტანის ბოლო ვადაა 17 ოქტომბერი. საგრანტო კონკურსის მიზანია საზოგადოებრივი ცნობიერების ამაღლება ადამიანის უფლებების საკითხებზე.

რუჟომბეროკის კათოლიკური უნივერსიტეტის (სლოვაკეთი) განათლების ფაკულტეტი აცხადებს გაცვლით პროგრამებს მაგისტრატურისა და დოქტორანტურის სტუდენტებისთვის, აკადემიური პერსონალისა და მკვლევარებისთვის. კონკურსში მონაწილეობის მსურველმა უნდა წარადგინოს მოწვევის წერილი სლოვაკეთის უნივერსიტეტიდან, რისთვისაც უნდა მიმართოთ ვიცე დეკანს, პროფესორ მარკეტა რუსნაკოვას.