1-5 აპრილს ერაზმუს+-ის ადმინისტრაციული პერსონალის გაცვლითი პროგრამის ფარგლებში საფრანგეთში, ნორმანდიის რუანის უნივერსიტეტში იმყოფებოდნენ ბსუ-ს საგარეო ურთიერთობათა და სტრატეგიული განვითარების დეპარტამენტის უფროსის მოადგილე, ერაზმუს+-ის გაცვლითი პროგრამების კოორდინატორი ნანა ყურშუბაძე და სამეცნიერო კვლევების სამსახურის უფროსი თამარ მაჭუტაძე. შეხვედრები შედგა რუანის უნივერსიტეტის საგარეო ურთიერთობათა დეპარტამენტის ხელმძღვანელთან ანა დანდევილთან, პროექტებისა და საერთაშორისო თანამშრომლობის მენეჯერებთან, სამეცნიერო კვლევების სამსახურის უფროსთან ფილიპ მუგეროსთან, სადოქტორო სკოლის, დისტანციური სწავლების, ევროპისა და საერთაშორისო კვლევების პროგრამებისა და კვლევების დადასტურების ხელმძღვანელებთან.

2019 წლის 11-12 ოქტომბერს ცენოვის ეკონომიკის აკადემიის (ბულგარეთი) ტურიზმის ეკონომიკისა და მენეჯმენტის დეპარტამენტის ორგანიზებით ჩატარდება საერთაშორისო სამეცნიერო და პრაქტიკული კონფერენცია თემაზე: “TOURISM IN THE NEW MILLENNIUM – STATE AND PROSPECTS”. კონფერენციაში მონაწილეობისათვის რეგისტრაციის ბოლო დღე: 01/07/2019, სტატიის გაგზავნის ბოლო დღე - 01/09/2019.

2019 წლის 3-10 აგვისტოს მასარიკის უნივერსიტეტში (ჩეხეთი) ჩატარდება საზაფხულო სკოლა თემაზე „Energy Security“ . საზაფხულო სკოლაში მონაწილეობის მსურველებმა უნდა წარადგინონ მოტივაციის წერილი და CV . რეგისტრაციის ბოლო დღე არის 30 აპრილი. რეგისტრაციისა და დეტალური ინფორმაციისათვის იხილეთ ბმული.

ტალინის უნივერსიტეტი გთავაზობთ სტიპენდიებს მოკლევადიან კურსებზე ტალინის საერთაშორისო საზაფხულო სკოლაში მონაწილეობის მისაღებად. სტიპენდიები დაფინანსებულია ესტონეთის საგარეო საქმეთა სამინისტრო მიერ და მოიცავს კურსის საფასურს, ტალინის უნივერსიტეტის საერთაშორისო სტუდენტთა საცხოვრებელს, 125 ევროს სხვა ხარჯებისათვის. საზაფხულო სკოლების განრიგი განსხვავებულია კურსებიდან გამომდინარე. აპლიკაციის გაგზავნის ბოლო ვადა არის 30 აპრილი.

საქართველოში საფრანგეთის საელჩოს პირველმა მრჩეველმა ერიკ ტოზატიმ ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: ’’ფრანკოფონული სამყარო და საქართველო: გამოწვევები და პერსპექტივები’’. შეხვედრას ჰუმანიტარულ მეცნიერებათა ფაკულტეტის და საერთაშორისო ურთიერთობების სპეციალობის სტუდენტები ესწრებოდნენ. შეხვედრა ინტერაქტიულ რეჟიმში წარიმართა. ელჩის მოადგილემ სტუდენტებს საერთაშორისო ურთიერთობების სფეროში მიღებული გამოცდილება გაუზიარა და დიპლომატიური საქმიანობისთვის აუცილებელ უნარ-ჩვევებზე ესაუბრა.

ლიეტუვისა და პოლონეთის საგარეო საქმეთა სამინისტროები აცხადებს „აღმოსავლეთ პარტნიორობის“ თემაზე გამოცხადებული ესეების კონკურსს, რომელშიც მონაწილეობის მიღება შეუძლიათ „აღმოსავლეთ პარტნიორობის“ წევრი ქვეყნების მოქალაქე სტუდენტებს. ესეები უნდა დაიწეროს ინგლისურ ენაზე, ხოლო მათი გაგზავნის ბოლო ვადა 2019 წლის 5 აპრილია (ქართველმა სტუდენტებმა ესეები უნდა გაუგზავნონ ლიეტუვის საელჩოს საქართველოში).

დაუგავპილსის უნივერსიტეტი იწვევს სამივე საფეხურის სტუდენტებს, აკადემიურ და სამეცნიერო პერსონალს სტიპენდიის მისაღებად საზაფხულო სკოლაში „აღმოაჩინე ლატვია ლატგალიას რეგიონით“ მონაწილეობისთვის. საზაფხულო სკოლის მთავარი მიზანია ლატვური ენის პოპულარიზაცია და სწავლება. სტიპენდია ფარავს საცხოვრებლის ხარჯებს, საზაფხულო სკოლის მასალებს, ექსკურსიებსა და სოციალურ აქტივობებს.

ბსუ-ს აკადემიური და ადმინისტრაციული პერსონალისთვის (სწავლების) 2018-2019 სასწავლო წლის გაზაფხულის სემესტრისთვის ცხადდება დამატებითი კონკურსი პოლონეთში, კროსნოს სახელმწიფო კოლეჯში სოფლის მეურნეობის მიმართულებით.
კონკურსში მონაწილეობის მიღების აუცილებელი პირობაა მოწვევის წერილი მიმღები უნივერსიტეტის შესაბამისი დეპარტამენტისაგან, შეთანხმებული პროგრამა და განრიგი.