სასტიპენდიო პროგრამები უნგრეთში (Stipendium Hungaricum) 2019-2020 - აპლიკაციების მიღების პირველი ეტაპი დაიწყო. საქართველოს 80 მოქალაქე დაფინანსდება უნგრეთის უმაღლეს საგანმანათლებლო დაწესებულებებში შემდეგ აკადემიურ საფეხურებზე.

ერაზმუს+-ის გაცვლითი პროგრამის პარტნიორობის ფარგლებში ბათუმის შოთა რუსთაველის სახელმწიფო უნივერსიტეტს საფრანგეთის რუანის უნივერსიტეტის საერთაშორისო ურთიერთობების ოფისის წარმომადგენელი, საერთაშორისო პროექტების მენეჯერი აურორა პატეი და მეცნიერერბისა და ენების კომუნიკაციის პროფესორი სალიჰ აქინი ეწვივნენ. ბსუ-ს რექტორის მოადგილესთან თამარ სირაძესთან, სტრატეგიული განვითარებისა და საგარეო ურთიერთობათა დეპარტამენტის წარმომადგენლებთან და პროფესორ-მასწავლებლებთან გამართულ შეხვედრაზე განისაზღვრა სამომავლო თანამშრომლობის მიმართულებები. მხარეთა შეთანხმებით, დაიგეგმა ერაზმუს+-ის ფარგლებში ერთობლივი საზაფხულო სკოლების ჩატარება და საგანმანათლებლო პროექტების განხორციელება.

ბულგარეთის საელჩო საქართველოში აცხადებს ესეების კონკურსს ქართველი ახალგაზრდებისთვის. კონკურსში მონაწილეობის მიღება შეუძლიათ 18 დან 25 წლამდე ახალგაზრდებს, რომლებიც დაინტერესებულნი არიან ნატოს უსაფრთხოების საკითხებით. ესეს თემაა „ნატო, საქართველო და უსაფრთხოების მიმდინარე გამოწვევები: 2018 წლის ბრიუსელის სამიტსა და მის ფარგლებს გარეთ“. ნაშრომი 3-5 გვერდს არ უნდა აღემატებოდეს და შესრულებული უნდა იყოს ინგლისურ ენაზე.

აშშ-ს საელჩო საქართველოში აცხადებს კონკურსს 2019-2020 წლის გაცვლით პროგრამაში Global Undergraduate Exchange Program (Global UGRAD) მონაწილეობის მისაღებად. პროგრამა ითვალისწინებს ბაკალავრიატის სტუდენტების აშშ-ის უნივერსიტეტებში 1-2 სემესტრით სწავლის სრულ დაფინანსებას. განაცხადების წარდგენის ბოლო ვადა: 2018 წლის 31 დეკემბერი.

2019 წლის 3-7 ივნისს, ნიდერლანდებში, ქალაქ გრონინგენში, გაიმართება სტუდენტთა რიგით 26-ე საერთაშორისო კონგრესი (ბიო)მედიცინის მიმართულებით. აბსტრაქტების მიღების ბოლო დღეა 2019 წლის 7 თებერვალი. დამატებითი ინფორმაცია იხილეთ ვებგვერდზე.

UNESCO და Airbus იწვევს სტუდენტებს ერთობლივად ორგანიზებულ კონკურსში „Fly Your Ideas (FYI) Competition“ მონაწილეობის მისაღებად. კონკურსის მიზანია, ხელი შეუწყოს ახალგაზრდების ინოვაციური იდეებს ეკოლოგიური ავიაციის განვითარების თემაზე. კონკურსში მონაწილეთა რეგისტრაციის ბოლო ვადაა 2018 წლის 16 ნოემბერი.