ევროპის დღეები ბათუმის შოთა რუსთაველის სახელმწიფო უნივერსიტეტში უცხოელ სტუდენტებთან ერთად აღინიშნა. ღონისძიება მიზნად ისახავდა ევროპული ღირებულებების პოპულარიზაციას და ახალგაზრდებში ცნობიერების ამაღლებას. შეხვედრაზე ერაზმუს+-ის გაცვლითი პროგრამის მონაწილე ბსუ-სა და სხვადასხვა ევროპული უნივერსიტეტის სტუდენტებმა ევროკავშირის საგრანტო პროგრამის მნიშვნელობაზე ისაუბრეს და თანატოლებს გამოცდილება გაუზიარეს. სტრატეგიული განვითარებისა და საგარეო ურთიერთობათა დეპარტამენტის წარმომადგენლებმა ევროპაში განათლების მიღებით დაინტერესებულ პირებს კონსულტაცია გაუწიეს და გაცვლითი პროგრამები გააცნეს.

2018 წლის 30 მაისს გაიმართება XXXV საერთაშორისო სამეცნიერო ონლაინ-კონფერენცია თემაზე: „მეცნიერებისა და განათლების განვითარების ტენდენციები და პერსპექტივები გლობალიზაციის პირობებში“. კონფერენციაში მონაწილეობისათვის უნდა გააგზავნოთ სტატია შემდეგ ელ-ფოსტაზე confscientific@ukr.net 30 მაისის ჩათვლით.

გამოცხადდა დამატებითი კონკურსი ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის აკადემიური პერსონალისთვის ერაზმუს+-ის პროგრამის სტიპენდიის. მობილობის ხანგრძლივობაა 7 დღე და განხორციელდება 2017-2018 სასწავლო წლის გაზაფხულის სემესტრში.

ყაზახეთის იურიდიულ უნივერსიტეტი გაცვლითი პროგრამის ფარგლებში აცხადებს მობილობას ბათუმის შოთა რუსთაველის სახელმწიფო უნივერსიტეტის სტუდენტებისათვის. პროგრამაში მონაწილეობა შეუძლიათ იურიდიული, ტურიზმის, ეკონომიკისა და ბიზნესის ფაკულტეტების საბაკალავრო საგანმანათლებლო პროგრამის სტუდენტებს. მობილობა განხორციელდება 2018-2019 სასწავლო წლის შემოდგომისა და გაზაფხულის სემესტრებში.

2018 წლის 13-15 სექტემბერს, ბაქოში გაიმართება მე-18 საერთაშორისო კონფერენცია კულტურისა და საერთაშორისო სტაბილურობის თემაზე. კონფერენციის მიზანია ტექნოლოგიების, კულტურისა და საერთაშორისო სტაბილურობის სფეროში ახალი კვლევების წარმოდგენა, იდეებისა და გამოცდილების გაზიარება. სესიაში მონაწილეობას მიიღებენ მეცნიერები მსოფლიოს სხვადასხვა ქვეყნიდან.

23-26 აპრილს ერაზმუს+-ის აკადემიური და ადმინისტრაციული პერსონალის გაცვლითი პროგრამების ფარგლებში ბათუმის შოთა რუსთაველის სახელმწიფო უნივერსიტეტში, ბსუ-ს სტრატეგიული განვითარებისა და საგარეო ურთიერთობათა დეპარტამენტის ორგანიზებით გამართული „ბსუ-ს საერთაშორისო კვირეული“ დასრულდა. უცხოური უნივერსიტეტების პროფესორებმა წაიკითხეს ლექციები ტურიზმისა და ფიზიკა-მათემატიკისა და კომპიუტერულ მეცნიერებათა ფაკულტეტების სტუდენტებისთვის. ევროპული პარტნიორი უნივერსიტეტების ერაზმუს+-ის კოორდინატორებმა ჩაატარეს ტრენინგები გაცვლითი პროგრამების ეფექტურად მართვაზე.

ბათუმის შოთა რუსთაველის სახელმწიფო უნივერსიტეტში ერაზმუს+-ის აკადემიური და ადმინისტრაციული პერსონალის გაცვლითი პროგრამის ფარგლებში, საერთაშორისო კვირეული გაიხსნა. ღონისძიების მიზანია უმაღლესი საგანმანათლებლო დაწესებულების ინტერნაციონალიზაციის ხელშეწყობა. საერთაშორისო კვირეულის მონაწილეები ბსუ-ს რექტორს მერაბ ხალვაშს, აჭარის ა.რ. განათლების, კულტურისა და სპორტის მინისტრს ინგა შამილიშვილსა და პროფესორ-მასწავლებლებს შეხვდნენ. ღონისძიების დასასრულს, სტუმრები ბსუ-ს მატერიალურ-ტექნიკურ ბაზას გაეცნენ, დაათვალიერეს სტომატოლოგიური კლინიკა, დასავლეთ საქართველოს რეგიონული ქრომატოგრაფიული ცენტრი, იმუნოგენეტიკის კაბინეტი, ფსიქოლოგიური და იურიდიული კლინიკები.

ბათუმის შოთა რუსთაველის სახელმწიფო უნივერსიტეტის რექტორის მოადგილე, პროფესორი ნათია წიკლაშვილი ერასმუს+-ის პროგრამის ფარგლებში ალკალას უნივერსიტეტში იმყოფებოდა. ვიზიტის ფარგლებში პროფესორი ნათია წიკლაშვილი შეხვდა უნივერსიტეტის პრორექტორს საერთაშორისო ურთიერთობის დარგში პროფესორ მიგელ ანგელ სოტელო ვაზგეს, ეკონომიკის, ბიზნესის და ტურიზმის ფაკულტეტის ადმინისტრაციას, პროფესორებს და დაიგეგმა სამომავლო თანამშრომლობა. ასევე მონაწილეობა მიიღო ეკონომიკის, ბიზნესის და ტურიზმის ფაკულტეტის სამეცნიერო სემინარის მუშაობაში, მოხსენება წაიკითხა შრომის ბაზრის პრობლემებზე და ლექციების კურსი ჩაატარა გამოყენებითი ეკონომიკის სამაგისტრო პროგრამის სტუდენტებთან.