იაპონიის პოლიტიკურ მეცნიერებათა კვლევის ეროვნული ინსტიტუტი აცხადებს მიღებას სამაგისტრო და სადოქტორო პროგრამაზე: „GRIPS-ის გლობალური მართვის პროგრამა (G-Cube)“. საბუთების წარდგენის ბოლო ვადაა 2017 წლის 2 ნოემბერი.

დიდი ბრიტანეთის სასტიპენდიო პროგრამა „Chevening“ 2018-19 სასწავლო წლისათვის მაგისტრატურის საგანმანათლებლო პროგრამის სტუდენტებს ერთი წლით იწვევს სასწავლებლად ბრიტანეთის წამყვან უნივერსიტეტებში.აპლიკაციის შევსების ბოლო ვადაა მიმდინარე წლის 7 ნოემბერი.

მაასტრიხტის უნივერსიტეტში (ნიდერლანდების სამეფო) ტემპუსის საგრანტო პროექტ ინოტლესის (სწავლებისა და სწავლის ინოვაცია ევროპისმცოდნეობის დარგში) დასკვნითი შეხვედრა გაიმართა. ორდღიან შეხვედრაზე დაიგეგმა სამომავლო თანამშრომლობა და ახალი კონსორციუმის შექმნა პროექტში მონაწილე უნივერსიტეტების ჩართვით, ასევე ბათუმის შოთა რუსთაველის სახელმწიფო უნივერსიტეტს, მაასტრიხტისა და მოლდოვის თავისუფალ საერთაშორისო უნივერსიტეტებს შორის მემორანდუმის გაფორმება.

15 ნოემბერს ქალაქ ზაპოროჟიეში (უკრაინა) კერძო კლასიკური უნივერისტეტის მენეჯმენტის ინსტიტუტი ტრადიციულად მართავს საერთაშორისო სამეცნიერო-პრაქტიკულ კონფერენციას თემაზე : „თანამედროვე ეკონომიკის პირობებში საჯარო ადმინისტრირებისა და მართვის ეფექტური მექანიზმების ორგანიზება: თეორია და პრაქტიკა“. კონფერენციაში მონაწილეობის მიღება შეუძლია დოქტორის ხარისხის მქონე პირებს, დოქტორანტებსა და მაგისტრანტებს. პუბლიკაციების გამოქვეყნება უფასოა.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ხარისხის უზრუნველყოფის სამსახურის უფროსი, ასისტენტ პროფესორი ირაკლი კორძაია და ასოცირებული პროფესორი ეკატერინე ბახტაძე ერაზმუს+-ის გაცვლითი პროგრამის ფარგლებში 2018 წლის 3-7 სექტემბერს იმყოფებოდნენ ვროცლავის ფიზიკური აღზრდის უნივერსიტეტში. ისინი შეხვდენენ ტურიზმისა და რეკრეაციის ფაკულტეტის ადმინისტრაციას და პროფესორებს, გაეცნენ სასწავლო ინფრასტრუქტურას და დაიგეგმა სამომავლო თანამშრომლობა.
ასოც. პროფესორმა ეკა ბახტაძემ ვროცლავთან ახლოს, ოლეჟნიკაში მდებარე უნივერსიტეტის საზაფხულო სატრეინინგო ბანაკში მყოფ სტუდენტებს წაუკითხა ლექცია თემაზე „ტურისტული დანიშნულების ადგილის მარკეტინგი“, რომლის ფარგლებში სტუდენტები გაეცნენ ტურიზმის განვითარების ტენდენციებს საქართველოში, ადგილის ბრენდინგის საკითხებს და ტურისტული პროდუქტების პრომოუშენის ინსტრუმენტებს.

2017 წლის 23-26 ოქტომბერს, სომხეთში, ქალაქ წაღკაძორში გაიმართება სამეცნიერო სკოლა „ინოვაციათა მენეჯმენტი’’.
რიგით მესამე საერთაშორისო სამეცნიერო სკოლა წამყვანი ექსპერტების მიერ ორგანიზებულ მასტერკლასებს, სამუშაო შეხვედრებს, შემთხვევების ანალიზსა და თემატურ თამაშებს მოიცავს.

კორეის ევჰას ქალთა უნივერსიტეტი (Ewha Womans University) აცხადებს მიღებას 2018 წლის გაზაფხულის სემესტრის საბაკალავრო, სამაგისტრო და სადოქტორო პროგრამებზე.

განაცხადების წარდგენის ვადა: 2017 წლის 4-29 სექტემბერი

2017 წლის 4-5 დეკემბერს, ბანგკოგში, ტაილანდში გაიმართება მე-6 საერთაშორისო კონფერენცია თემაზე: „თანამედროვე თემები ბიზნესისა და სოციალურ მეცნიერებათა კვლევებში“.