ბსუ-ს სამეცნიერო კვლევების სამსახურის უფროსი თამარ მაჭუტაძე პროგრამა ერასმუს+ის ფარგლებში საფრანგეთში, მონპელიეს უნივერსიტეტის სამეცნიერო კვლევებისა და დოქტორანტურის მართვის დეპარტამენტში იმყოფებოდა. ერთკვირიანი ვიზიტი მიზნად ისახავდა მონპელიეს უნივერსიტეტის სამეცნიერო კვლევების დეპარტამენტისა და დოქტორანტურის მართვის სამსახურების გამოცდილების გაზიარებას. თამარ მაჭუტაძე პროგრამის ფარგლებში შეხვდა პრორექტორს სამეცნიერო მიმართულებით ჯაკ მეღსიეს, სამეცნიერო კვლევების დეპარტამენტის უფროსს ან ბანსელს და დეპარტამენტის სამსახურების წარმომადგენლებს.

ბათუმის შოთა რუსთაველის სახელმწიფო უნივერსიტეტს ზალცბურგის უნივერსიტეტის (ავსტრია) პოლიტიკური მეცნიერებებისა და სოციოლოგიის დეპარტამენტის ხელმძღვანელი, ერაზმუს+ის გაცვლითი პროგრამის კოორდინატორი, ფრანს კოკი ეწვია. პროგრამის წარმომადგენელი ბსუ-ს ერაზმუს+ გაცვლითი პროგრამის კოორდინატორს, ნანა ყურშუბაძეს, სოციალურ და პოლიტიკურ მეცნიერებათა ფაკულტეტის ასოცირებულ პროფესორ ირაკლი გორგილაძეს, ასისტენტ პროფესორ ლაშა ბაჟუნაიშვილს, ერაზმუს+ გაცვლითი პროგრამის სტიპენდიანტებსა და ამავე ფაკულტეტის სტუდენტებს შეხვდა. ფრანს კოკმა ახალგაზრდებს ზალცბურგის უნივერსიტეტის საბაკალავრო და ერთობლივი სამაგისტრო საგანმანათლებლო პროგრამები და საუნივერსიტეტო ცხოვრება გააცნო. შეხვედრისას დაიგეგმა სამომავლო თანამშრომლობა ერაზმუს+-ის პროექტის ფარგლებში ევროპის სხვა უნივერსიტეტების მონაწილეობით.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსმა გიორგი თავამაიშვილმა და სტუდენტთა კარიერული განვითარების, კულტურისა და სპორტის დეპარტამენტის უფროსმა, ტურიზმის ფაკულტეტის ასისტენტ პროფესორმა მერაბ დიასამიძემ ერასმუს+-ის პროგრამის ფარგლებში მონაწილეობა მიიღეს ვროცლავის უმაღლეს საბანკო სკოლაში გამართულ საერთაშორისო კვირეულში. დელეგაციის წევრებმა უცხოელ კოლეგებს ბათუმის შოთა რუსთველის სახელმწიფო უნივერსიტეტის საგანმანათლებლო პროგრამები, საუნივერსიტეტო ცხოვრება და სასწავლო-სამეცნიერო პროექტები გააცნეს. ბსუ-ს წარმომადგენლები ასევე შეხვდნენ უნივერსიტეტის საერთაშორისო ურთიერთობის თანამშრომლებს, ხუთდღიანი საერთაშორისო კვირეულის მონაწილე ქვეყნების წარმომადგენლებს და დაიგეგმა სამომავლო თანამშრომლობის მიმართულებები.

გერმანიის პარლამენტი ბერლინის უნივერსიტეტებთან ერთად ყოველწლიურად პროგრამის „საერთაშორისო საპარლამენტო სტიპენდია“ (IPS) ფარგლებში, პოლიტიკით დაინტერესებულ ახალგაზრდებს 42 ქვეყნიდან აძლევს უნიკალურ შანსს, უშუალოდ გაეცნონ პოლიტიკური გადაწყვეტილებების მიღების პროცესებს. პროგრამა გათვლილია 30 წლამდე ასაკის კურსდამთავრებულთათვის, რომლებსაც თავიანთ სამშობლოში დემოკრატიული ღირებულებებისთვის აქტიურად საქმიანობა სურთ.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ, ბსუ-ს ერაზმუს+ის კოოდინატორმა ნანა ყურშუბაძემ და წამყვანმა სპეციალისტმა ნუნუ ჯაფარიძემ მონაწილეობა მიიღეს 21-25 მაისს კრეტას ტექნოლოგიურ უნივერსიტეტში (საბერძნეთი) ერასმუს+-ის გაცვლითი პროგრამის ეგიდით გამართულ ადმინისტრაციული პერსონალის საერთაშორისო კვირეულში. ღონისძიების ფარგლებში ბსუ-ს წარმომადგენლები შეხვდნენ უნივერსიტეტის საერთაშორისო ურთიერთობის თანამშრომლებს, უცხოელ კოლეგებს და უნივერსიტეტის საგანმანათლებლო პროგრამები, საუნივერსიტეტო ცხოვრება და სასწავლო-სამეცნიერო პროექტები გააცნეს.

პოლონეთი მარია კიური-სკლოდოვსკას უნივერსიტეტი ლუბლინში გიწვევთ უფასო ინგლისურენოვანი სამაგისტრო პროგრამის „კულტურათაშორისი კომუნიკაცია განათლებაში და სამუშაო ადგილზე“ შესასწავლად. განაცხადის შეტანის ბოლო ვადა 2018 წლის სექტემბერი. დაწვრილებითი ინფორმაციისთვის იხილეთ შემდეგი ელექტრონული მისამართი.

ბათუმის შოთ რუსთველის სახელმწიფო უნივერსიტეტის რექტორის მოადგილემ თამარ სირაძემ მონაწილეობა მიიღო 14-18 მაისს, ბოლონიის უნივერისტეტში გამართულ პერსონალის ტრენინგების კვირეულში თემაზე: „გავხდეთ გლობალურნი“ (Make It Global). ტრენინგზე წარმოდგენილი იყო ინტერნაციონალიზაციის მონიტორინგის, შეფასების, ხარისხის ამაღლების და მომავალი შესაძლებლობების საკითხები. კვირეულის მოწვეულმა უნივერსიტეტებმა წარმოადგინეს სტრატეგიული განვითარების გეგმები საერთაშორისო განათლების და ინტერნაციონალიზაციის მიმართულებით, დასახეს მომავალი თანამშრომლობის გეგმები.

6-12 მაისს ვილნიუსის მიკოლას რომერის უნივერისტეტმა უმასპინძლა პერსონალის ტრენინგის კვირეულს ერაზმუს+-ის მობილობის ფარგლებში. კვირეულში მონაწილეობა მიიღეს უნივერსიტეტების წარმომადგენლებმა მსოფლიოს სხვადასხვა ქვეყნიდან: აშშ, ჰოლანდია, ისრაელი, სერბეთი, უკრაინა, მოლდოვა, კენია, ყაზახეთი, სომხეთი. საქართველოდან მონაწილეობა მიიღო ბათუმის შოთა რუსთაველის სახელმწიფო უნივერსიტეტის რექტორის მოადგილემ თამარ სირაძემ. ღონისძიების ფარგლებში თამარ სირაძე შეხვდა მიკოლას რომერის უნივერსიტეტის რექტორის მოადგილეს ინგა ზალენიენესს და ჩაეყარა მომავალი სასწავლო წლისთვის ორმაგი დიპლომის პროექტის განხორციელებას ორ უნივერსიტეტს შორის სამართლისმცოდნეობის და ეკონომიკის მიმართულებით.