აჭარის ა.რ. ეკონომიკისა და ფინანსთა მინისტრი დავით ბალაძე ბათუმის შოთა რუსთველის სახელმწიფო უნივერსიტეტის რექტორის მოვალეობის შემსრულებელს მერაბ ხალვაშს, ეკონომიკისა და ბიზნესის ფაკულტეტის სტუდენტებსა და პროფესორ-მასწავლებლებს შეხვდა. უწყების პირველმა პირმა მომავალ ეკონომისტებს სამინისტროს პროექტები და სამომავლო პერსპექტივები გააცნო. ბათუმში საქართველოს ფინანსთა სამინისტროს აკადემიის ფილიალის ბაზაზე შეიქმნება გადამზადების პროგრამა, სადაც ეკონომიკის მიმართულებისა და სხვადასხვა სპეციალობის სტუდენტები საჯარო სექტორში დასაქმებისათვის საჭირო თეორიულ და პრაქტიკულ კურსს გაივლიან. შეხვედრის ფარგლებში ეკონომიკისა და ბიზნესის ფაკულტეტის დეკანმა ვლადიმერ ღლონტმა და აჭარის ა.რ. ეკონომიკისა და ფინანსთა მინისტრმა დავით ბალაძემ თანამშრომლობის მემორანდუმს მოაწერეს ხელი.

ვიშეგრადის ფონდის მიერ “I-Net” (ინტერნაციონალიზაციის ქსელი) პროექტის ფარგლებში ბელარუსიის სახელმწიფო უნივერსიტეტში სამუშო შეხვედრა გაიმართა. პროექტი მიზანად ისახავს ინტერნაციონალიზაციას მეზობელ აღმოსავლეთ ქვეყნებსა და ევროკავშირის ქვეყნებს შორის. პროგრამის ფარგლებში იქმნება ვებპლატფორმა, რომელიც ახალი ერთობლივი პროექტების, გაცვლითი პროგრამების, ტრენინგებისა და კვლევების ხელშეწყობას ითვალისწინებს. სომხეთის, ბელორუსიის, ჩეხეთის რესპუბლიკის, საქართველოს, უნგრეთის, პოლონეთის, სლოვაკეთის და უკრაინის უმაღლესი სასწავლებლების წარმომადგენლებმა შეხვედრაზე პროგრამის მიმდინარეობა და შესრულებული სამუშოების შედეგები შეაჯამეს. პროექტის მონაწილეებს ბათუმის შოთა რუსთაველის სახელმწიფო უნივერსიტეტი კოორდინატორმა, ეკონომიკისა და ბიზნესის ფაკულტეტის ასისტენტ პროფესორმა ლილით მელოიანი-ფუტკარაძემ წარმუდგინა.

ბათუმის შოთა რუსთაველის სახელობის სახელმწიფო უნივერსიტეტში ააიპ შეზღუდული შესაძლებლობის მქონე პირთა უფლებებისათვის პროექტის „ბათუმის ახალგაზრდული მერიის“ ეგიდით შეხვედრა გაიმართა თემაზე: „ქალთა უფლებები და მედის როლი“. სტუდენტებმა და პროექტის მონაწილეებმა გენდერის მედია ცენტრის ხელმძღვანელ თამილა დოლიძესთან ერთად გენდერთან დაკავშირებულ აქტუალურ საკითხებზე, გენდერულ თანასწორობასა და მედია უფლებებზე იმსჯელეს. შეხვედრა ბაათუმის ახალგაზრდული მერიის ტრეინგ- სემინარების ფარგლებში ეკონომიკისა და ბიზნესის ფაკულტეტის მხარდაჭერით ჩატარდა.

ტემპუსის საგრანტო პროექტის „ინტერნაციონალიზაციითვის ხელშეწყობა უმაღლეს სასწავლო დაწესებულებებში მეზობელ აღმოსავლეთის ქვეყნებში, კულტურული და სტრუქტურული ცვლილებების გზით“ (”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ფარგლებში ერევნის სახელმწიფო უნივერსიტეტში ჩატარდა სემინარი და კონფერენცია. პროექტის კოორდინატორი, ეკონომიკისა და ბიზნესის ფაკულტეტის ასისტენტ პროფესორი ლილით მელოიან-ფუტკარაძე, ფაკულტეტის ხარისხის სამსახურის უფროსი პროფესორი ასიე ცინცაძე, ბსუ-ს რექტორის მოადგილე სამეცნიერო დარგში, პროფესორი ნათელა წიკლაშვილი და ასისტენტ პროფესორი ნოდარ ფუტკარაძე ხუთი დღის განმავლობაში უცხოელ კოლეგებთან ერთად საგანმანათლებლო პროგრამების ინტერნაციონალიზაციის საკითხზე მუშაობდნენ.

აკაკი წერეთლის სახელმწიფო უნივერსიტეტში გამართულ საერთაშორისო სამეცნიერო-პრაქტიკულ კონფერენციაში „თანამედროვე განვითარების ეკონომიკური, სამართლებრივი და სოციალური პრობლემები - 2015“ მონაწილეობა მიიღეს ეკონომიკისა და ბიზნესის ფაკულტეტის პროფესორ-მასწავლებლებმა. ფინანსების და საბანკო საქმის დეპარტამენტის პროფესორმა ასიე ცინცაძემ, ასოცირებულმა პროფესორმა გიორგი აბუსელიძემ, ასოცირებულმა პროფესორმა ლელა ონიანმა, ასისტენტ-პროფესორმა ლილით მელოიან-ფუტკარაძემ, დოქტორანტებმა თამარ ღოღობერიძემ და ლაშა ბერიძემ საერთაშორისო სამეცნიერო სესიებსა და ვორკშოფებში მოხსენებები წარადგინეს ეკონომიკის აქტუალურ საკითხებზე. კონფერენციის დასასრულს დაიგეგმა ბათუმის შოთა რუსთაველის სახელმწიფო უნივერსიტეტისა და აკაკი წერეთლის სახელმწიფო უნივერსიტეტის ერთობლივი პროექტების განხორციელება. სამეცნიერო-პრაქტიკული სესია საქართველოს განათლებისა და მეცნიერების სამინისტროს ორგანიზებით მეცნიერებისა და ინოვაციების საერთაშორისო კვირეულის ფარგლებში ჩატარდა.