ბათუმის შოთა რუსთაველის სახელმწიფო უნივერსიტეტში ბსუ-ს საზოგადოებრივ და პოლიტიკურ მეცნიერებათა მიმართულების და ისტორიის სპეციალობის სტუდენტებისათვის ნატოსა და ევროკავშირის შესახებ საჯარო ლექცია გაიმართა. ლექცია ნატოსა და ევროკავშირის შესახებ საინფორმაციო ცენტრის დირექტორმა ქეთევან ჩაჩავამ და დირექტორის მოადგილემ გიორგი ფარეშიშვილმა წაიკითხეს. სტუდენტებმა საქართველო-ევროკავშირისა და საქართველო-ჩრდილოატლანტიკური ალიანსის ურთიერთობებზე, ევროკავშირის ქვეყნების სახელმწიფო მოწყობის ფორმებსა და რელიგიური ორგანიზაციების მდგომარეობაზე მიიღეს ინფორმაცია.
შოთა რუსთაველის დარბაზში სამეცნიერო სკოლა გაიხსნა თემაზე: „ნეიროგანვითარებითი დარღვევები - მტკიცებულებები და შესაძლებლობები“. ერთი კვირის განმავლობაში ბათუმის შოთა რუსთაველის სახელმწიფო უნივერსიტეტისა და საქართველოს სხვადასხვა საგანმანათლებლო დაწესებულების სტუდენტებს ამერიკელი, პორტუგალიელი და ქართველი ექსპერტები ბავშვთა ადრეული განვითარების აქტუალურ საკითხებს გააცნობენ. მომხსენებლები ყურადღებას გაამახვილებენ სკოლამდელი ასაკის ბავშვის სკრინიგული შეფასებასა და ადრეული ინტერვენციას, ნეიროგანვითარებით დარღვევებთან ასოცირებულ გენეტიკურ სინდრომებს, ბავშვთა ადრეულ ინტერვენციას, ბავშვთა ადრეული განვითარებისა და ადრეული ინტერვენციის ინტეგრირებული მეცნიერებების საჭიროებასა და შეზღუდული შესაძლებლობების სოციალური მოდელს. პროექტის ფარგლებში ბსუ-ში იგეგმება.
ფინეთის ამოს ანდერსონის შვედური უნივერსიტეტის ფილოსოფიის, კულტურისა და მენეჯმენტის ფაკულტეტის ხელმძღვანელმა, პროფესორმა ბენ კრისტენსონ უგლამ ვორკშოფი ჩაატარა თემაზე: „ევროპული თანამშრომლობა და შესაძლებლობები“. ვორკშოფში ბსუ-ს საერთაშორისო ურთიერთობებისა და ევროპისმცოდნეობის მიმართულების პროფესორ-მასწავლებლები და სტუდენტები მონაწილეობდნენ. შეხვედრა ევროპის კულტურის პარლამენტის 15-ე საიუბილეო გასვლით სესიის ფარგლებში გაიმართა.
