ბათუმის შოთა რუსთაველის სახელმწიფო უნივერსიტეტში, სოციალურ და პოლიტიკურ მეცნიერებათა ფაკულტეტზე გაიმართა შეხვედრა სახალხო დამცველთან არსებულ ეროვნულ უმცირესობათა საბჭოს კოორდინატორთან კობა ჩოფლიანთან. შეხვედრა ეთნიკურ საკითხებს, აფხაზი ხალხის კულტურულ ფასეულობებსა და ტრადიციებს შეეხებოდა.
ბათუმის შოთა რუსთაველის სახელმწიფო უნივერსიტეტს სამუშაო ვიზიტით ართვინის ჭოროხის უნივერსიტეტის დელეგაცია ეწვია. ვიზიტის მიზანი 1-3 სექტემბერს დაგეგმილი ერთობლივი სამეცნიერო სემინარის ჩატარება და მოსამზადებელი სამუშაოების გაცნობა იყო.
პარიზის პოლიტიკურ მეცნიერებათა ინსტიტუტის (Sciences Po) საინიციატივო ჯგუფის ‘’Broader Perspective’’ მიერ გამართული ვორქშოპი თემაზე ‘’მედია და ნაციონალიზმი’’ დასრულდა. ტრენინგში მონაწილე ბსუ-ს სხვადასხვა სპეციალობის სტუდენტებს სერტიფიკატები გადაეცათ. ევროპის ქვეყნების 6-მა სტუდენტ-ტრენერმა 5 დღის განმავლობაში ისეთი აქტუალური საკითხები მიმოიხილეს, როგორიცაა: მედია და ნაციონალიზმი, პროპაგანდის როლი, მედიასა და ნაციონალიზმს შორის ურთიერთობა ომისა და მშვიდობის დროს, ბალკანეთის ომი და ა.შ.
2016 წლის 20 მაისიდან 24 მაისის ჩათვლით, ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის, ფსიქოლოგიის სპეციალობის სტუდენტი სოფიკო ჩინბამ და ტურიზმის ფაკულტეტის სტუდენტი სალომე ხოხბამ, ასისტენტ-პროფესორ ნატალია ლაზბასთან ერთად ერევანში გამართულ ტრენინგში მიიღეს მონაწილეობა, რომელიც ქალთა და ბავშვთა მიმართ ძალადობასა და კონფლიქტების საკითხებს მიეძღვნა.
საზოგადოებრივ და პოლიტიკურ მეცნიერებათა დეპარტამენტის ხელმძღვანელმა, ასისტენტ პროფესორმა ლაშა ბაჟუნაიშვილმა და საბუნებისმეტყველო და ჯანდაცვის ფაკულტეტის მაგისტრატურის მეორე კურსის სტუდენტმა ნინო მანველიძემ მონაწილეობა მიიღეს ჩინეთის სახალხო რესპუბლიკის ეკონომიკისა და ვაჭრობის სამინისტროს მიერ ორგანიზებულ პროფესორ-მასწავლებელთა გადამზადების კურსებში.
ტრენინგი სახელწოდებით „სემინარი ერთი სარტყელი ერთი გზის მონაწილე ქვეყნების მასწავლებელთათვის - 2016“ ქ. ნინბოს პოლიტექნიკურ ინსტიტუტში (ჩინეთი) გაიმართა და მოიცავდა ტრენინგებს, სემინარებს, ვორქშოპებსა და სხვადასხვა საგანმანათლებლო აქტივობებს შემდეგ სფეროში: უმაღლესი და პროფესიული განათლების ადმინისტრირება, პროფესიული საგანმანათლებო პროგრამის მდგრადი განვითარება, სწავლების ხარისხის ამაღლება, უმაღლესი საგანმანათლებლო დაწესებულებებისა და დამსაქმებლების ურთიერთობების გაუმჯობესება, სტუდენტთა დასაქმებისა და სტუდენტთა მომსახურების ადმინისტრირება და ამ კუთხით ჩინური გამოცდილების გაზიარება.
