ჩრდილო ატლანტიკური ალიანსის გენერალური მდივანი იენს სტოლტენბერგი საქართველოს უმაღლესი სასწავლებლების სტუდენტებს შეხვდა. შეხვედრას ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტები მიხეილ ბენია, ანა ნიქაბაძე, სოსო მაკარაძე და მარიამ მახარაძე ესწრებოდნენ. გენერალურმა მდივანმა სტუდენტებს ნატოს ახალ გამოწვევებზე, მათთან რეაგირების მექანიზმებზე, საქართველოსთან თანამშრომლობის ქრონოლოგიასა და განვითარებაზე ისაუბრა. შეხვედრა კითხვა-პასუხის რეჟიმში გაიმართა.
დღეს, ბათუმის შოთა რუსთაველის სახელმწიფო უნივერსიტეტის პარტნიორობით, თავდაცვისა და უსაფრთხოების საკითხებში სამოქალაქო საბჭოს (თბილისი, საქართველო) ორგანიზებით და შვედეთის საგარეო საქმეთა სამინისტროსა და შვედეთის რადიაციული საფრთხოების სააგენტოს მხარდაჭერით ბსუ-ში ბათუმის საზაფხულო უნივერსიტეტი გაიხსნა თემაზე: „ბირთვული უსაფრთხოება და გაუვრცელებლობა: გლობალური გამოწვევები და შესაძლებლობები’’.
ბათუმის შოთა რუსთაველის სახელმწიფო უნივერსიტეტის ფსიქოლოგიის სპეციალობის სტუდენტებმა სალომე ჩხაიძემ, მარიამ დიასამიძემ, მალვინა პაპუნიძემ, მაკო მერებაშვილმა, ანა ღვინიანიძემ, ნანა ტუხაშვილმა და მაგისტრანტებმა მარიამ ქობულაძემ, მარეხი მგელაძემ და თათია ცეცხლაძემ ასოცირებულ პროფესორ რუსუდან კეჭაყმაძესთან ერთად 23-30 ივლისს თელავში გამართულ საზაფხულო სკოლაში მიიღეს მონაწილეობა.
საზაფხულო სკოლა მიეძღვნა თემას - „ადამიანის ქცევის შესწავლა ინტერდისციპლინური მიდგომით“.
ბათუმის შოთა რუსთაველის სახელმწიფო უნივერსიტეტის ფსიქოლოგიის სპეციალობის სტუდენტებმა დავით ქათამაძემ, მაგდა გიორგაძემ და სალომე ხალვაშმა 23-30 ივლისს საჩხერეში გამართულ ფსიქოანალიტიკურ საზაფხულო სკოლაში მიიღეს მონაწილეობა. საზაფხულო სკოლა მიგრაციითა და იძულებითი გადაადგილების შედეგად გამოწვეულ მასობრივი ტრავმატიზაციის საკითხებს მიეძღვნა. ქართველმა სტუდენტებმა, გერმანელ და ნიდერლანდელ სტუდენტებთან ერთად პროფესიონალების გამოცდილება გაიზიარეს და იმ გზებსა და ხერხებს გაეცნენ, რომლებსაც ფსიქოანალიტიკოსები იყენებენ ტრავმის პრობლემების გადასაჭრელად კაბინეტებში, კონკრეტულ პიროვნებებთან თუ ლტოლვილთა ბანაკებში მუშაობისას.
