კურსის მოცულობა: 120 საკონტაქტო საათი
კურსი მოიცავს სამ მოდულს:
- მეტყველების განვითარების დარღვევები, თერაპიული საშუალებები - 90 საკონტაქტო საათი;
- ენისა და მეტყველების განმავითარებელი აქტივობები - 15 საკონტაქტო საათი;
- კომუნიკაციის დარღვევები; კომუნიკაციის უნარების განვითარება - 15 საკონტაქტო საათი.
კურსის განხორციელებაში მონაწილე ტრენერები:
- მარინე გურგენიძე (ბსუ)
- ნანი მამულაძე (ბსუ)
- ნანა მაკარაძე (ბსუ)
- მანანა ინაიშვილი (სთეფ ფორვარდი)
- მარინე მეგრელიშვილი (სთეფ ფორვარდი)
- ცირა კაპანაძე (სთეფ ფორვარდი)
კურსზე დაშვების წინაპირობა: პროგრამაზე დაიშვება ნებისმიერი მსურველი, ვინც დაინტერესებულია სკოლამდელი ასაკის ბავშვთა მეტყველების დარღვევათა იდენტიფიკაციითა და კორექციით (აღმზრდელ-პედაგოგები, სპეციალური მასწავლებლები, სტუდენტები, კურსდამთავრებულები, მშობლები და ა. შ.).
კურსის მიზნები და მოსალოდნელი შედეგები: კურსის მიზანია მსმენელებში კომუნიკაციის, ენისა და მეტყველების დარღვევების იდენტიფიცირებისა და შეფასების უნარების გამომუშავება, თერაპიული მოქმედების პრინციპების, მეთოდებისა და სტრატეგიების დაუფლება.
კურსის გავლის შემდეგ მსმენელები შეძლებენ:
- ენისა და მეტყველების განვითარების შეფერხებისა და დარღვევების შეფასებას;
- ხმის დარღვევების შეფასებას და თერაპიას;
- მეტყველების მოქნილობის დარღვევების შეფასებას და კორექციისათვის შესაბამისი მეთოდების შერჩევას;
- ყლაპვის დარღვევის შეფასებას; საკომპენსაციო და სარეაბილიტაციო ტექნიკების გამოყენებას;
- ორალური კვების სირთულეების იდენტიფიკაციას და ინტერვენციას;
- სენსორული დეფიციტის შედეგად აღმოცენებული მეტყველების დარღვევების შეფასებას და კორექციისათვის შესაბამისი მეთოდების შერჩევას;
- მხედველობის დარღვევის მქონე ბავშვთა მეტყველების განვითარების ხელშეწყობას;
- დაუნის სინდრომის, გონებრივი ჩამორჩენილობის, აუტისტური სპექტრის აშლილობების თანმხლები მეტყველების დარღვევების შეფასებას და კორექციისათვის შესაბამისი მეთოდების შერჩევას;
- დასწავლის უნარების დარღვევების შეფასებას და ინტერვენციისათვის შესაბამისი მეთოდების შერჩევას.
შეფასების სისტემა: ტრენინგის მონაწილე ფასდება 100 ქულიანი სისტემით.
შეფასება მოიცავს შემდეგ კომპონენტებს:
ა) ტრენინგზე დასწრება - 20 ქულა
ბ) ტრენინგზე აქტიურობა - 60 ქულა
გ) ტესტირება - 20 ქულა.
სერტიფიკატის მიღების პირობები:
მსმენელი, რომელიც დააგროვებს 51 ქულას და მეტს, მიიღებს ტრნინგ-კურსის გავლის დამადასტურებელ სერთიფიკატს.
ფაილი-ტრენინგ-კურსი| უკან |
