ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ, ბსუ-ს „ერაზმუს+“-ის კოოდინატორმა ნანა ყურშუბაძემ „ერაზმუს+“-ის გაცვლითი პროგრამის ფარგლებში, მონაწილეობა მიიღო მურსიის (ესპანეთი)უნივერსიტეტის მიერ ორგანიზებულ კვირეულში „ინტერნაციონალიზაციის მართვა და ხელშეწყობა“. მურსიის უნივერსიტეტში ჩატარებული კვირეული (30 მაისი - 3 ივნისი) მოიცავდა სამუშაო შეხვედრებს „ერაზმუს+“-ის საერთაშორისო გაცვლითი პროგრამებისა და ინსტიტუციური განვითარების პროექტების მიმართულებით.

2-4 ივნისს, ქალაქ ბაქოში, აშშ-ს საელჩოს საქართველოში და აშშ-ს საელჩოს აზერბაიჯანში მხარდაჭერით პროექტის „უნივერსიტეტების პარტნიორობის მშენებლობის პროგრამა უნივერსიტეტის წარმომადგენლებისთვის საქართველოდან და აზერბაიჯანიდან“ ფარგლებში შედგა გაცნობითი ხასიათის შეხვედრები აზერბაიჯანის უნივერსიტეტების წარმომადგენლებთან. ქართულ დელეგაციაში ბსუ-ს წარმოადგენდა სტრატეგიული განვითარებისა და საგარეო ურთიერთობათა დეპარტამენტის სპეციალისტი ბესიკ ნარაკიძე. პროექტი მიზნად ისახავს რეგიონში ინტერნაციონალიზაციის პროცესის ხელშეწყობას. შეხვედრები საქმიან და მეგობრულ ვითარებაში გაიმართა.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის მთავარმა სპეციალისტმა ნუნუ ჯაფარიძემ „ერაზმუს+“-ის გაცვლითი პროგრამის ფარგლებში, მონაწილეობა მიიღო კოიმბრას (პორტუგალია) პოლიტექნიკურ უნივერსიტეტის მიერ ორგანიზებულ კვირ¬ეულში „ერაზმუს+“-ის გლობალური კვირეული 2022. კოიმბრას უნივერსიტეტში ჩატარებული კვირეული (30 მაისი - 3 ივნისი) მოიცავდა სამუშაო შეხვედრებს „ერაზმუს+“-ის საერთა¬შ¬ორისო გაცვლითი პროგრამებისა და ინსტიტუციური განვითარების პროექ¬ტ¬ების მიმართულებით. დაგეგმილი ღონისძიებების ფარგლებში ნუნუ ჯაფარიძე შეხვდა როგორც კოიმბრას უნივერ¬სიტ¬ე-ტ¬ის საერთაშორისო ურთიერთობის სამსახურის თანამშრომლებს, სხვა უცხოელ კოლეგებს და გააცნო ბსუ-ს საგან¬მანათლებლო პროგრამები, სამეცნიერო პროექტები და საუნივერსიტეტო ცხოვრება.

გამოცხადდა კონკურსი ბათუმის შოთა რუსთაველის სახელმწიფო უნივერსიტეტის ინგლისური და ფრანგული ენების მიმართულების აკადემიური პერსონალისთვის 2022-2023 სასწავლო წლისთვის ბუქარესტის უნივერსიტეტში (რუმინეთი). მობილობის ხანგრძლივობა შეადგენს 10 სამუშაო დღეს. რეგისტრაციის პერიოდი: 2022 წლის 1 ივნისი - 15 ივნისი 18:00 საათი.

ბათუმის შოთა რუსთაველის სახელმწიფო უნივერსიტეტში IV საერთაშორისო კვირეულის ეგიდით, განათლების საერთაშორისო დღე გაიმართა. ღონისძიება მიზნად ისახავდა ევროპული ღირებულებების პოპულარიზაციასა და ახალგაზრდებში ცნობიერების ამაღლებას. საერთაშორისო დღის ფარგლებში მოწყობილ გამოფენაში საკუთარი ქვეყნები წარმოაჩინეს „ერაზმუს+“-ის გაცვლითი პროგრამის აკადემიურმა და ადმინისტრაციულმა პერსონალმა მიკოლას რომერის უნივერსიტეტიდან, ვიტაუტას მაგნუსის უნივერსიტეტიდან, დაუგავპლის უნივერსიტეტიდან, ვროცლავის უნივერსიტეტიდან, კოიმბრას პოლიტექნიკური ინსტიტუტიდან და გაცვლით პროგრამებში მონაწილე ბსუ-ს სტუდენტებმა. გამოფენაზე ასევე წარმოდგენილი იყო ნატოსა და ევროკავშირის შესახებ საინფორმაციო ცენტრის, პროგრამა „ჰორიზონტ ევროპისა“ და საერთაშორისო განათლების ფონდის კუთხეები.

ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ, ბსუ-ს „ერაზმუს+“-ის კოოდინატორმა, ნანა ყურშუბაძემ, დეპარტამენტის მთავარმა სპეციალისტმა ხათუნა ხაბაძემ და ბსუ-ს საზოგადოებრივ და სოციალურ მეცნიერებათა დეპარტამენტის ასოცირებულმა პროფესორმა ირაკლი გორგილაძემ „ერაზმუს+“-ის გაცვლითი პროგრამის ფარგლებში, მონაწილეობა მიიღეს ვროცლავის უმაღლეს საბანკო (პოლონეთი) სკოლის საერთაშორისო კვირეულში. ვიზიტი შედგა 11-18 მაისს და მოიცავდა სამუშაო შეხვედრებს „ერაზმუს+“-ის საერთაშორისო გაცვლითი პროგრამებისა და ინსტიტუციური განვითარების პროექტების მიმართულებით.

გამოცხადდა კონკურსი იტალიის მთავრობის სტიპენდიების მოსაპოვებლად. 2022-2023 აკადემიური წლის სტიპენდიები ითვალისწინებს სამაგისტრო და სადოქტორო პროგრამებს, ხელოვნების, მუსიკისა და ცეკვის უმაღლესი პროფესიული განათლების კურსებს, სამეცნიერო კვლევით პროგრამებსა და იტალიური ენისა და კულტურის კურსებს. განაცხადების მიღების ბოლო ვადაა 2022 წლის 9 ივნისი, 14:00 სთ (CET).

ცხადდება კონკურსი ბსუ-ს იურიდიული და სოციალურ მეცნიერებათა ფაკულტეტის საერთაშორისო ურთიერთობების და ევროპისმცოდნეობის საბაკალავრო საგანმანათლებლო პროგრამების სტუდენტებისთვის ევროკომისიის მიერ დაფინანსებული „ერაზმუს+“-ის გაცვლითი პროგრამის ფარგლებში სტიპენდიის მოსაპოვებლად საქართველოს მასშტაბით ზალცბურგის უნივერსიტეტში (ავსტრია). მობილობა განხორციელდება 2022-2023 სასწავლო წლის შემოდგომის ან გაზაფხულის სემესტრებში.