ლიეტუვის განათლების, მეცნიერების და სპორტის სამინისტროსთან არსებული გაცვლითი პროგრამების მხარდაჭერის ფონდი აცხადებს ლეტუვის სახელმწიფო სტიპენდიების კონკურსს. ლიეტუვის უმაღლეს საგანმანათლებლო დაწესებულებებში 2023 წლის სასტიპენდიო პროგრამები ღიაა, როგორც სადოქტორო, სამაგისტრო პროგრამებზე, ასევე მოკლევადიან პროგრამებზე ბაკალავრებისათვის. მოკლევადიანი სასწავლო პროგრამების ფარგლებში (ხანგრძლივობა 1 ან 2 სემესტრი) ბაკალავრიატისა და მაგისტრატურის სტუდენტები მიიღებენ ყოველთვიურ სტიპენდიას 490 ევროს ოდენობით, ხოლო დოქტორანტები - 980 ევროს, ასევე, მიიღებენ გრანტს, რომელიც უზრუნველყოფს სწავლის გადასახადის სრულად დაფარვას.

უნგრეთის მთავრობა 2023-2024 სასწავლო წლისთვის სთავაზობს დაინტერესებულ სტუდენტებს სტიპენდიას შემდეგი სამაგისტრო პროგრამების მიმართულებთ: სასოფლო-სამეურნეო წყლის მენეჯმენტის ინჟინერია; ბიოტექნოლოგია.სტიპენდიის მისაღებად აპლიკაციის გაგზავნის ბოლო ვადაა 2023 წლის 28 თებერვალი. დეტალური ინფორმაციიათვის გთხოვთ, იხილეთ დანართი.

ინდონეზიის რესპუბლიკის KNB სტიპენდია, არის პრესტიჟული სტიპენდიის პროგრამა, რომელზე განაცხადის გაკეთება შესაძლებელია სამივე საფეხურის: ბაკალავრის, სამაგისტრო და დოქტორანტურის მიმართულებით. აპლიკაციის გაგზავნის ბოლო ვადაა 18 თებერვალი, 2023. დეტალური ინფორმაცია იხილეთ შემდეგ ელმისამართზე: https://knb.kemdikbud.go.id

ჩარლზის უნივერსიტეტი სთავაზობს ჩეხეთში სწავლით დაინტერესებულ აპლიკანტებს მოსამზადებელ კურსებს, როგორც შესაბამის საგნებში, ასევე ჩეხურ ენაში. პროგრამები მორგებულია სტუდენტებისთვის, რომლებიც დაინტერესებულნი არიან მედიცინით, ფარმაციით, ინჟინერიით, ჰუმანიტარული ან ეკონომიკური მიმართულებებით. მოსამზადებელი პროგრამები შედგება ჩეხური ან ინგლისური ენის სწავლების უნიკალური მეთოდისა და სპეციალიზებული საგნებისგან.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისა და პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის დამატებით კონკურსს კროსნოს კარპატების უნივერსიტეტისათვის (პოლონეთი) და რუსეს ანგელ კანჩევის უნივერსიტეტისთვის (ბულგარეთი) მობილობის განხორციელების მიზნით. დეტალური ინფორმაცია იხილეთ დანართში 1, სასწავლო კურსები სტუდენტებისთვის იხილეთ დანართში 2.

ზალცბურგის უნივერსიტეტის მასწავლებელთა აკადემია - PoSIG 2023 აცხადებს კონკურსს სემინარში „მდგრადობა კონფლიქტ(ებ)ის ფონზე: მიგრაცია, სქესი და მმართველობა“ მონაწილეობის მისაღებად. სემინარი ჩატარდება 2023 წლის 24-30 აპრილს ზალცბურგის უნივერსიტეტში. კონკურსში მონაწილეობის მიღება შეუძლია პოლიტიკის/საერთაშორისო ურთიერთობების/სოციოლოგიის სფეროში მომუშავე პერსონალს.

2023 წლის 16-17 ივნისს, რუსეს უნივერსიტეტში (ბულგარეთი) გაიმართება კომპიუტერული სისტემებისა და ტექნოლოგიების 24-ე საერთაშორისო კონფერენცია CompSysTech`23. კონფერენციის მუშაობა წარიმართება შერეული სახით, როგორც ონლაინ, ასევე დასწრებით. ნაშრომის წარდგენის ბოლო ვადაა 2023 წლის 7 მარტი. კონფერენციის მასალები გამოქვეყნებულია საერთაშორისო კონფერენციის მასალების სერიაში (ACM ICPS), რომელსაც აქვს SJR და ინდექსირებულია SCOPUS-ის მიერ.

რუმინეთის საგარეო საქმეთა სამინისტრო აცხადებს განცხადებების მიღებას ყოველწლიურ სტიპენდიებზე ევროკავშირის არაწევრი მოქალაქეებისთვის. კონკურსში მონაწილეობა შეუძლიათ ბათუმის შოთა რუსთველის სახელმწიფო უნივერსიტეტის სხვადასხვა ფაკულტეტის სტუდენტებს. განცხადების მიღების ბოლო ვადაა 1 მარტი, 2023.