ბათუმის შოთა რუთაველის სახელმწიფო უნივერსიტეტის კლინიკას საქართველოს საკონსტიტუციო სასამართლოს მოსამართლეები: გიორგი კვერენჩხილაძე, ირინე იმერლიშვილი და გიორგი თევდორაშვილი ეწვივნენ. სტუმრები დაინტერესდნენ კონსტიტუციური მართლმსაჯულების (ადამიანის უფლებების მიმართულებით) კლინიკური სწავლების სიმულაციური კურსის შინაარსითა და მუშაობის თავისებურებებით.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სისხლის სამართლის მიმართულების სტუდენტებისათვის საქართველოს შინაგან საქმეთა სამინისტროს საექსპერტო-კრიმინალისტიკური დეპარტამენტის დირექტორის მოადგილემ თამარ გოთუამ და აჭარის კრიმინალისტიკური სამსახურის ექსპერტ-კრიმინალისტმა რომან ბერიძემ საინფორმაციო შეხვედრა ჩაატარეს. სტუდენტები გაეცნენ კრიმინალისტიკის თანამედროვე ამოცანებსა და განვითარების პერსპექტივებს, პრაქტიკული კრიმინალისტიკის ძირითად საკითხებს. შეხვედრის დასასრულს მომხსენებლებმა სტუდენტების აქტუალურ შეკითხვებს უპასუხეს. ღონისძიება სამართლისა და საჯარო მმართველობის დეპარტამენტის ორგანიზებით გაიმართა.
ბათუმის შოთა რუთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეული დასრულდა. ღონისძიების ფარგლებში, საქართველოს საკონსტიტუციო სასამართლოს მოსამართლეებმა საჯარო ლექცია წაიკითხეს და სტუდენტების მონაწილეობით საჯარო დისკუსია გაიმართა თემაზე: „გამოხატვის თავისუფლება ევროკავშირის წევრ სახელმწიფოებში“. დისკუსიაზე მოხსენება წარადგინეს იურიდიული და სოციალურ მეცნიერებათა ფაკულტეტის სამართალმცოდნეობის საბაკალავრო პროგრამის სტუდენტებმა: სანდრო კიკნაძემ, ნიკა ფარტენაძემ, ლუკა ტაკიძემ, ანა ხვედელიძემ, ნინო ლორთქიფანიძემ, დავით კახიძემ და მეგი პაქსაძე. ასევე მოეწყო საჯარო დებატები - „ამ პალატას სჯერა ევროკავშირის კანდიდატის სტატუსის“. კვირეული მიზნად ისახავდა სტუდენტებსა და ახალგაზრდებში ადამიანის უფლებების პრობლემური საკითხების შესახებ ცოდნის გავრცელებას და უნივერსიტეტების თანამშრომლობის გზით ადამიანის უფლებების სამართლის შესახებ იდეათა და მოსაზრებათა აქტიური ურთიერთგაცვლას.
ბათუმის შოთა რუსთაველის სახელმწიფო უნივერსიტეტისა და თბილისის ივანე ჯავახიშვილის სახელობის სახელმწიფო უნივერსიტეტის პროფესორ-მასწავლებლების მონაწილეობით ბსუ-ში პანელური დისკუსია „პოსტსაბჭოთა საქართველოს საბჭოური მემკვიდრეობა“ და პროფესორ მალხაზ მაცაბერიძის მონოგრაფიის - „საბჭოთა კავშირი: კომუნისტური ტოტალიტარიზმის აღზევება და დაცემა“- პრეზენტაცია გაიმართა. ღონისძიება პანელური სესიების ეგიდით „საქართველოს პირველი დემოკრატიული რესპუბლიკა - გზა ევროპისკენ“ ჩატარდა და ეძღვნებოდა ქართველი სახელმწიფო მოღვაწის, საქართველოს დემოკრატიული რესპუბლიკის მთავრობის თავმჯდომარის, ნოე ჟორდანიას ხსოვნას.
ბათუმის შოთა რუთაველის სახელმწიფო უნივერსიტეტი ადამიანის უფლებების სამართლის საუნივერსიტეტო კვირეულს მასპინძლობს. კვირეულის ფარგლებში, საქართველოს საკონსტიტუციო სასამართლოს მოსამართლეებმა გიორგი კვერენჩხილაძემ, ირინე იმერლიშვილმა და გიორგი თევდორაშვილმა საჯარო ლექცია წაიკითხეს თემაზე: „საკონსტიტუციო სასამართლოს როლი დემოკრატიული ღირებულებების და ფუნდამენტური უფლებების დაცვის პროცესში“. მართლმსაჯულებმა მსმენელებს საკითხთან დაკავშირებული გამოწვევები გააცნეს და აქტუალურ შეკითხვებს უპასუხეს.
