2016 წლის 18 ივნისიდან 2 ივლისის ჩათვლით, ბათუმის შოთა რუსთაველის სახელმწიფო უნივერსიტეტის პროფესორ-მასწავლებლები და სტუდენტები საფრანგეთის ქალაქ პუატიეს უნივერსიტეტში გამართულ საზაფხულო კამპუსში და სემინარში ღებულობდნენ მონაწილეობას. სემინარი მიეძღვნა თემას: „ევროპული მულტილინგვიზმი და თარგმანი“.

ღონისძიება 2 სექციად იყო დაყოფილი, I სექცია „ ენები და თარგმანი“ განსაზღვრული იყო სტუდენტებისათვის, ხოლო II სექცია: „ინოვაციური მეთოდოლოგიების განსაზღვრა, უახლესი გამოცემის ფრანგული სახელმძღვანელოების განხილვა და დისტანციური/ონლაინ მეთოდების დანერგვა ფრანგული ენის სწავლა-სწავლების პროცესში“ განსაზღვრული იყო პროფესორ-მასწავლებლებისათვის.

17 ივნისს, საქართველოში „ვეფხისტყაოსნის“ საჯარო კითხვის დღესთან დაკავშირებით, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტზე შოთა რუსთაველის უკვდავი პოემის საჯარო კითხვა და ქართული კალიგრაფიის გამოფენა-კონკურსი გაიმართა. გამოფენაზე სტუდენტების, პროფესორებისა და ადმინისტრაციის მიერ გადაწერილი „ვეფხისტყაოსნის“ სტროფები და პოემის თემატიკაზე შესრულებული ნახატები გამოიფინა.

ჰუმანიტარულ მეცნიერებათა ფაკულტეტის ისტორიის სპეციალობის მესამე კურსის სტუდენტების, თამარ სირაძის, ნინო გვაზავასა და ია ცეცხლაძის ინიციატივით, ისტორიკოს-სტუდენტთა ინტელექტუალური კონკურსი ჩატარდა. შეჯიბრში მონაწილეობას საქართველოს სხვადასხვა უნივერსიტეტის ისტორიის სპეციალობის სტუდენტები მონაწილეობდნენ. გამარჯვებული თბილისის სახელმწიფო უნივერსიტეტის სტუდენტი ოთარ ჭიღლაძე გახდა.

უნივერსიტეტში ჰუმანიტარულ ფაკულტეტთან არსებული ‘’არაფორმალური განათლების ცენტრის’’ საქმიანობის შემაჯამებელი პრეზენტაცია გაიმართა. სტუდენტებმა ფართო საზოგადოებას ცენტრის მისია, მიზნები, ამოცანები და წლის განმავლობაში განხორციელებული პროექტები გააცნეს.
პროექტის ფარგლებში ‘’უნივერსიტეტი-სკოლას’’ ფილოსოფიის სპეციალობის სტუდენტებმა ლოგიკის სასწავლო კურსის გავლის შემდეგ, ქალაქის სხვადასხვა სკოლის აბიტურიენტები ზოგადი უნარების გამოცდებისათვის მოამზადეს.

2016 წლის 30 მაისიდან 2 ივნისის ჩათვლით, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის თურქეთისმცოდნეობის და თურქული ფილოლოგიის სტუდენტები და ლექტორ-მასწავლებლები თურქეთის რესპუბლიკაში იმყოფებოდნენ. სტუდენტებმა ორდუსა და ამასიის უნივერსიტეტები მოინახულეს და ამასიის კულტურული მემკვიდრეობის ძეგლებს გაეცნენ . ბსუ-ს დელეგაციის ვიზიტი თურქეთის რესპუბლიკაში თურქეთის გენერალური კონსულის იასინ თემიზ ქანის და ამასიის უნივერსიტეტის ხელშეწყობით შედგა.