ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასოცირებულმა პროფესორმა ბესიკ ბოლქვაძემ მონაწილეობა მიიღო 6-7 სექტემბერს, შვეიცარიაში, ქალაქ ციურიხში გამართულ სოციალურ მეცნიერებათა XX საერთაშორისო კონფერენციაში. კონფერენციაზე წარმოდგენილი იყო 20-ზე მეტი ქვეყნის უმაღლესი საგანმანათლებლო დაწესებულების 70-მდე მეცნიერ-მკვლევარის როგორც პირდაპირი, ასევე ონლაინ სამეცნიერო მოხსენება. სამეცნიერო სესიაზე ასოცირებული პროფესორი ბესიკ ბოლქვაძე წარსდგა მოხსენებით თემაზე: „კაზინო ინდუსტრია საქართველოს გარდამავალ ეკონომიკაში“.

23-25 ივლისს, ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასოცირებულმა პროფესორმა გიორგი აბუსელიძემ, სტუდენტებმა: ნესტან ვარშანიძემ, ლაშა მამულაძემ და გიორგი აბაშიძემ მონაწილეობა მიიღეს საუნივერსიტეტო პროგრამა „მწვანე ეკონომიკის სკოლაში“. პროგრამა მიზნად ისახავდა საუნივერსიტეტო რესურსების დაკავშირებას მიმდინარე სახელმწიფო და საერთაშორისო ეკონომიკურ პროგრამებთან, ტყის რესურსების გამოყენების საოჯახო, კერძო, სათემო, მუნიციპალური, რეგიონული, ან ეროვნული მოდელების შექმნასა და პილოტირებას მდგრადი განვითარების მიზნებისა და სოფლის განვითარების სტრატეგიული ამოცანების შესასრულებლად.

9-11 ივლისს, აზერბაიჯანის ეკონომიკის სახელმწიფო უნივერსიტეტში გამართულ განათლებისა და ლიდერობის მე-5 საერთაშორისო სამეცნიერო კონფერენციაში, აჭარის ავტონომიური რესპუბლიკის განათლების, კულტურისა და სპორტის სამინისტროს „უმაღლესი განათლების ხელშეწყობის“ პროგრამის დაფინანსებით მონაწილეობა მიიღო ეკონომიკისა და ბიზნესის ფაკულტეტის ასოცირებულმა პროფესორმა გიორგი აბუსელიძემ. საერთაშორისო კონფერენციაზე გიორგი აბუსელიძემ წარადგინა მოხსენება თემაზე: „სახელმწიფოს პრიორიტეტული საგანმანათლებლო პროგრამების დაფინანსების თავისებურებები და გაწეული ხარჯების ეფექტიანობა“. ფორუმის დასრულების შემდეგ დაიგეგმა ერთობლივი კვლევების და სხვადასხვა სამეცნიერო აქტივობების ორგანიზება და განხორციელება.

ბათუმი შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის, ბიზნეს ადმინისტრირების სადოქტორო პროგრამის დოქტორანტმა გიორგი ქათამაძემ გაიმარჯვა შოთა რუსთაველის საქართველოს ეროვნული სამეცნიერო ფონდის მობილობისა და საერთაშორისო სამეცნიერო ღონისძიებების საგრანტო კონკურსში–გრანტის ნომერი MG-TG-19-228 , რომლითაც 2019 წლის 12-14 სექტემბერს მონაწილეობას მიიღებს საფრანგეთში, ქ. პარიზში საერთაშორისო სამეცნიერო კონფერენციაში 2019 9th International Conference on Financial Management and Economics (ICFME 2019), სადაც წარადგენს კვლევას „საქართველოში მოქმედ ბიზნეს სუბიექტებზე (დეველოპერული კომპანიების ქეისებზე დაყრდნობით) ეროვნული ბანკის მონეტარული პოლიტიკის გავლენის ანალიზი“. ნაშრომი დაიბეჭდება საერთაშორისო სამეცნიერო ჟურნალში: Journal of Economics, Business and Management (JOEBM, ISSN: 2301-3567, DOI: 10.18178).

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასოცირებულმა პროფესორმა ბესიკ ბოლქვაძემ მონაწილეობა სოციალურ მეცნიერებათა მე-15 საერთაშორისო კონფერენციაში. სამეცნიერო სესია 13-14 ივლისს, ბელგიაში, ლუვენის კათოლიკურ უნივერსიტეტში ჩატარდა და დარგის აქტუალურ საკითხებს მიეძღვნა. ასოცირებულმა პროფესორმა ბესიკ ბოლქვაძემ კონფერენციაზე მოხსენება წარადგინა თემაზე: „საქართველოს, როგორც გარდამავალი ეკონომიკის მქონე ქვეყნის საინვესტიციო პოლიტიკა: ტრენდები, პრობლემები, პერსპექტივები“.