ბათუმის შოთა რუსთაველის სახელმწიფო უნივერსიტეტის რექტორის მოადგილემ, პროფესორმა ნათია წიკლაშვილმა და ასოცირებულმა პროფესორმა ლელა ონიანმა მონაწილეობა მიიღეს 15-18 მაისს, ბერლინში გამართულ ქართულ-გერმანულ ეკონომიკურ ფორუმში. სამეცნიერო მოხსენებები წარადგინეს ფორუმში ბსუ-ს, ბერლინის თავისუფალი უნივერსიტეტის, ჰანოვერის, პოტსდამის, მიუნხენის, ჰუმბოლტისა და თსუ-ს პროფესორებმა ეკონომიკის აქტუალურ საკითხებზე. პროფესორმა ნათია წიკლაშვილმა ნაშრომი წარადგინა თემაზე: „საქართველოს შრომის ბაზარი და ევროკავშირის გამოწვევები“, ხოლო ასოცირებულმა პროფესორმა ლელა ონიანმა მოხსენება: „საჯარო ფინანსების ეფექტიან მართვაზე მოქმედი ფაქტორები“.

ეკონომიკისა და ბიზნესის ფაკულტეტის საფინანსო, საბანკო და სადაზღვევო საქმის დარგობრივი დეპარტამენტის ასოცირებულმა პროფესორმა გიორგი აბუსელიძემ და მოწვეულმა მასწავლებელმა ლაშა ბერიძემ მონაწილეობა მიიღეს 17-18 მაისს, ჩეხეთში, ქალაქ ოსტრავაში გამართულ IV საერთაშორისო კონფერენციაში - „ევროპული ინტეგრაციის საკითხები 2018“. სესიის მუშაობაში ჩართული იყვნენ ევროპარლამენტის, ევროკომისიის და მსოფლიოს 34 ქვეყნის უმაღლესი სასწავლებლების წარმომადგენლებმა მრავალფეროვანი და აქტუალური მოხსენებები წარმოადგინეს დარგის მნიშვნელოვან საკითხებზე. ასოცირებულმა პროფესორმა გიორგი აბუსელიძემ და მოწვეულმა მასწავლებელმა ლაშა ბერიძემ ნაშრომი წაიკითხეს თემაზე: „ალტერნატიული ინვესტიციების როლი კაპიტალის ბაზრის განვითარებაში: საქართველოს ევროკავშირთან ტრანსფორმაციის პირობებში“. კონფერენციის ფარგლებში დაიგეგმა ერთობლივი კვლევების განხორციელება.

ბათუმის შოთა რუსთაველის უნივერსიტეტის ეკონომიკისა და ბიზნესის ფაკულტეტის სტუდენტებისათვის სადაზღვევო კომპანია „ალდაგის“ სტაჟირება-დასაქმების პროგრამის წარდგენა გაიმართა. პროგრამა ითვალისწინებს სტუდენტის სასწავლო პროცესს, გრაფიკს და მასში მონაწილოება ყველა სტუდენტს შეუძლია. საწყის ეტაპზე კომპანია „ალდაგი“ უზრუნველყოფს სტუდენტების სტაჟირებას და სადაზღვევო აგენტის თანამდებობაზე დასაქმებას. „ალდაგის“ წარმომადგენლებმა ლევან ტაბიძემ და რამაზ გორგაძემ ღონისძიებაზე კომპანიის ისტორია, მიღწევები, მიზნები, სადაზღვევო პროდუქტები და კომპანიის სამომავლო გეგმები წარმოადგინეს. ბსუ-ს ეკონომიკისა და ბიზნესის ფაკულტეტსა და „ალდაგს“ შორის თანამშრომლობის მემორანდუმის გაფორმება დაიგეგმა.

ეკონომიკისა და ბიზნესის ფაკულტეტს საქმიანი ვიზიტით „პროკრედიტ ბანკის“ დირექტორი ალექსი მატუა, ბათუმის ფილიალის მმართველი ბექა ბიბილაშვილი და ბიზნეს კლიენტთა მრჩეველი ზურაბ ორაგველიძე ეწვივნენ. ფაკულტეტის ადმინისტრაციასთან გამართული შეხვედრა მიზნად ისახავდა უახლოეს მომავალში ეკონომიკისა და ბიზნესის ფაკულტეტსა და გერმანულ ბანკს შორის თანამშრომლობის მემორანდუმის გაფორმებასა და სტრატეგიული ურთიერთობების ჩამოყალიბებას. ვიზიტი ასევე ითვალისწინებდა ერთობლივი ტრენინგების ორგანიზების, საჯარო ლექციების ჩატარებას, გამოცდილების გაზიარებას, სტუდენტთა სტაჟირებისა და დასაქმების პროგრამის განხორციელებას.

საქართველოს პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა და ევროპარლამენტარები, ევროპარლამენტში საქართველოს მეგობრობის ჯგუფის წევრები: ქლერ მუდი, მიჰაილ გალერი და რომან სტრასერი ბათუმის შოთა რუსთაველის სახელმწიფო უნივერსიტეტის სტუდენტებს შეხვდნენ. ევროპის დღეების ფარგლებში გამართული ვიზიტი მიზნად ისახავდა ისეთი აქტუალური საკითხების განხილვას, როგორიცაა საქართველოს საგარეო პრიორიტეტები და ევროპასთან ინტეგრაციის პროცესი.