ბათუმის სახელმწიფო უნივერსიტეტში დისკუსია გაიმართა თემაზე "ფსიქოლოგიის კულტურა საქართველოში". დისკუსიას უძღვებოდნენ ფსიქიატრი სალომე ვაშალომიძე და პარიზის დიდროს უნივერსიტეტის დოქტორანტი გიგა მამინაშვილი. ღონისძიებას სტუდენტები და ფსიქოლოგიის ლექტორები ესწრებოდნენ.
დისკუსია “ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში ხორციელდება, საქართველოს გაეროს ასოციაციის და (UNAG) და ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

12-13 მაისს, ამსტერდამში (ნიდერლანდების გაერთიანებული სამეფო) მე-18 საერთაშორისო სამეცნიერო კონფერენცია გაიმართა თემაზე - „ელექტრონული ეკონომიკა, ელექტრონული ადმინისტრირება, ელექტრონული საზოგადოება, ელექტრონული განათლება და ელექტრონული ტექნოლოგიები.“
კონფერენცია მიზნად ისახავდა მოცემულ სფეროში სხვადასხვა ქვეყნის მკვლევრების, მეცნიერების და სწავლულების, სტუდენტების მიერ ჩატარებული კვლევის შედეგების გაცნობას, განხილვას და გამოცდილების გაზიარებას.

25 აპრილს, ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტზე მოკლევადიანი საგანმანათლებლო პროგრამების - „ჯანმრთელობის ფსიქოლოგია’’ და „სკოლამდელი ასაკის ბავშვის განვითარება და რეაბილიტაცია’’ პრეზენტაცია გაიმართა. მოკლევადიან საგანმანათლებლო პროგრამის მიზანი მსმენელისათვის სკოლამდელი ასაკის ბავშვის ფსიქოლოგიის შესახებ ცოდნის მიცემაა. პროგრამის ფარგლებში შეისწავლება განვითარების თეორიები, პრეფსიქიკური პერიოდები, ბავშვობის ასაკის პერიოდიზაციას და თითოეული ასაკისთვის დამახასიათებელ თავისებურებები. მსმენელი შეძლებს სკოლამდელი ასაკის ბავშვის ემოციების პედაგოგიურ-ფსიქოლოგიურ შეფასებას და მათი სკოლისათვის მზაობის შესწავლას. ასევე, შეძლებს ფსიქოლოგიური ხასიათის ინფორმაციის შეგროვებას, თავმოყრას, გაანალიზებას, სისტემაში მოყვანასა და გამოყენებას.

15 აპრილს ბათუმის შოთა რუსთაველის სახელმწიფო უნივერსიტეტის მესამე საფეხურის პროფესიული სწავლების საგანმანათლებლო პროგრამა „კორესპონდენტის|“ სტუდენტებმა სასწავლო კურსის ფარგლებში სხალთაში ფოტო-ვიდეო გადაღებაზე იმუშავეს. ამავე დღეს გაფორმდა თანამშრომლობის მემორანდუმი ბათუმის შოთა რუსთველის სახელმწიფო უნივერსიტეტსა და შუახევის კულტურის ცენტრს შორს. ასევე, შუახევის კულტურის ცენტრის ბიბლიოთეკაში გივი ნახუცრიშვილის დოკუმენტური ფილმის „აბუსერისძე ტბელის“ ჩვენება გაიმართა.

სოციალურ და პოლიტიკურ მეცნიერებათა ფაკულტეტზე ჟურნალისტიკის მოდულური „ბეჭდური და ონლაინ გამოცემებების რეპორტიორისა’’ და „კორესპონდენტის’’ პროფესიული საგანმანათლებლო პროგრამების აბიტურიენტებთან შეფასებისა და გამოცდების ეროვნული ცენტრის პროფესიული ტესტირების კოორდინატორმა თამარ კაკუტიამ საინფორმაციო შეხვედრა გამართა. შეხვედრის მიზანი იყო აბიტურიენტების ინფორმირება პროფესიული საგანმანათლებლო პროგრამების მნიშვნელობასა და მისი განხორციელების პრაქტიკულ საკითხებზე. შეხვედრის მსვლელობისას აბიტურიენტთა შეკითხვებს უპასუხეს და სამომავლო გეგმებზე ისაუბრეს ბსუ-ს სოციალურ და პოლიტიკურ მეცნიერებათა ფაკულტეტის დეკანმა ქეთევან ბერიძემ და ჟურნალისტიკის პროფესიული საგანმანათლებლო პროგრამების ხელმძღვანელმა გურანდა შამილიშვილმა. შეხვედრის დასასრულს ღონისძიების ორგანიზატორებმა აბიტურიენტებს წარმატებები უსურვებს და პროფესიული განათლების მიმართულებით სხვადასხვა სახის პროექტის განხორციელებაზე შეთანხმდნენ.