გაეროს განვითარების პროგრამის (UNDP) პროექტის „საქართველოს სოფლის მეურნეობაში პროფესიული განათლების სისტემების მოდერნიზება“ ფარგლებში ბსუ-ს პროფესიული პროგრამების მართვისა და უწყვეტი განათლების ცენტრში ჩატარდა სამუშაო შეხვედრა. ღონისძიებას ესწრებოდნენ ბსუ-ს რექტორის მოადგილე თამარ სირაძე, პროექტის მენეჯერი ელენე ცხაკაია, მონიტორინგისა და შეფასების სპეციალისტი შალვა ლაზარიაშვილი, პროფესიული განათლების სპეციალისტი ნინო ელბაქიძე, პროექტის კონსულტანტი მამუკა მათიაშვილი, ბსუ-ს სტრატეგიული განვითარებისა და საგარეო ურთიერთობათა დეპარტამენტის სპეციალისტები, პროფესიული კოლეჯების „ბლექსი“ და „ახალი ტალღა“ წარმომადგენლები. ჰიბრიდულ რეჟიმში გამართულ შეხვედრაზე პროექტში ჩართულმა ბსუ-ს პერსონალმა შეხვედრის მონაწილეებს წარუდგინა პრეზენტაცია საგრანტო პროექტის მიმდინარეობის შესახებ.

ბათუმის შოთა რუსთაველის სახელმწიფო უნივერსიტეტსა და სამოქალაქო განათლების ლექტორთა ასოციაციას (CELA) შორის თანამშრომლობის მემორანდუმი გაფორმდა. დოკუმენტი მიზნად ისახავს ბსუ-ს საბაკალავრო და პროფესიული საგანმანათლებლო პროგრამების სტუდენტების სამოქალაქო განათლების სწავლების ხელშეწყობას და სტუდენტების ჩართულობას ქვეყნის დემოკრატიულ განვითარებაში. მემორანდუმის ფარგლებში თანამშრომლობა ასევე განხორციელდება სამოქალაქო განათლების სასწავლო პროგრამის დანერგვის, მონიტორინგისა და შეფასების, სამოქალაქო განათლების ლექტორთა პროფესიული განვითარებისა და სხვადასხვა სამოქალაქო აქტივობების მიმართულებით.

ბსუ-ს პროფესიული მომზადების პროგრამაზე „ტყის ძირითადი მერქნიანი და არამერქნული რესურსებით სარგებლობა“ ჩარიცხვის უფლებამოპოვებულმა მსმენელებმა 2021 წლის 11 დეკემბრიდან 13 დეკემბრის ჩათვლით, 11:00-დან 16:00 საათამდე, ხელშეკრულების გაფორმებისა და პირადი საქმის გახსნის მიზნით ბსუ=ს პროფესიული პროგრამების მართვისა და უწყვეტი განათლების ცენტრის ადმინისტრაციაში (ქ. ბათუმი, ლეონიძის ქ. N15, VI კორპუსი, მე-3 სართული, ოთახი N306) წარმოადგინონ დოკუმენტაცია.

ბსუ-ს პროფესიული მომზადების პროგრამაზე „ტყის ძირითადი მერქნიანი და არამერქნული რესურსებით სარგებლობა“ ჩარიცხვის მიზნით აპლიკანტთა გასაუბრება ჩატარდება 2021 წლის 08 დეკემბერს Zoom პლატფორმის გამოყენებით 12 საათიდან 15 საათამდე. აპლიკანტთა შეფასება (გასაუბრება) განხორციელდება შემდეგი შეფასების კრიტერიუმების მიხედვით: მოტივაცია (ინტერესი პროფესიისადმი), ხედვა პროგრამის ფარგლებში პროფესიულ განვითარებასთან დაკავშირებით, ლოგიკური აზროვნების უნარი და კომუნიკაციის უნარი (მაქსიმალური საკონკურსო ქულა - 100; მინიმალური კომპეტენციის ზღვარი - 51 ქულა).

ბსუ-ს პროფესიული პროგრამების მართვისა და უწყვეტი განათლების ცენტრის მასწავლებლებს „ცოდნისა და უნარების განვითარების ქსელებისა და პლატფორმების გაძლიერების პროექტის“ (LINKS) ფარგლებში გაფორმებული მემორანდუმის საფუძველზე ტრენინგი ჩაუტარდათ. ტრენინგი სამ ეტაპად ჩაუარდა შემდეგ თემებზე: სწავლების ეფექტურობის გაზრდა“ (28-29.06.2021), „ეფექტური კომუნიკაციის და პრეზენტაციის უნარ-ჩვევები“ (13-14.09.2021) და „პროექტების მართვის და საპროექტო განაცხადის შედგენა“ (11-12.11.2021). ტრენინგის დასრულების შემდეგ მონაწილეებს სერტიფიკატი გადაეცათ.