ზუსტ მეცნიერებათა და განათლების ფაკულტეტის ახალი სამაგისტრო საგანმანათლებლო პროგრამის „პროფესიული განათლება და ადამიანური რესურსების განვითარება“ წარდგენა გაიმართა ბათუმის შოთა რუსთაველის სახელმწიფო უნივერსიტეტში. პროგრამის ხელმძღვანელმა, პროფესიული პროგრამების მართვის და უწყვეტი განათლების ცენტრის დირექტორმა მადონა მიქელაძემ პრეზენტაციაზე პროგრამის მიზნები, ამოცანები და განხორციელების პირობები წარმოადგინა. შეხვედრას საქართველოს განათლებისა და მეცნიერების მინისტრის მოადგილე თამარ ქიტიაშვილი, პროგრამის „კერძოს სექტორის განვითარება და პროფესიული განათლება სამხრეთ კავკასიაში“ ხელმძღვანელის მოადგილე (გერმანიის საერთაშორისო თანამშრომლობის საზოგადოება (GIZ)) სელმა ულრიხსი, პროფესიული უნარების სააგენტოს სტრატეგიული კომუნიკაციების სამსახურის ლიდერი ნიკოლოზ მესხიშვილი, სამაგისტრო პროგრამის სტუდენტები, პროფესორ-მასწავლებლები და დამსაქმებლები ესწრებოდნენ.

ბსუ-ს პროფესიულ საგანმანათლებლო პროგრამებზე 2021 წელს ჩარიცხულ პროფესიულ სტუდენტებს ბსუ-ს კარიერული განვითარების, კულტურისა და სპორტის დეპარტამენტის წარმომადგენელი ლაშა მიქელაძე შეხვდა. ღონისძიებაზე ახალგაზრდები სიახლეებს, სამომავლო გეგმებსა და იმ სერვისები გაეცნენ, რასაც ბსუ სტუდენტებს ინტელექტუალური, კულტურული, სპორტული და შემოქმედებითი ინტერესების ხელშეწყობის მიზნით სთავაზობს. შეხვედრა კითხვა-პასუხის რეჟიმში გაიმართა და ლაშა მიქელაძემ სტუდენტების შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტის პროფესიულ საგანმანათლებლო პროგრამებზე: „ბუღალტრული აღრიცხვა“, „საფინანსო სერვისები“, „ინფორმაციის ტექნოლოგიის მხარდაჭერა“, „მეფუტკრეობა“, „მებაღეობა“ და „სატყეო საქმე“ 2021 წელს ჩარიცხული პროფესიული სტუდენტებისთვის სასწავლო პროცესი დაიწყება 2021 წლის 8 ნოემბერს. გისურვებთ წარმატებებს!

ბათუმის შოთა რუსთაველის სახელმწიფო უნივერსიტეტის მედიაციის მოკლევადიანი პროგრამის 13-მა მსმენელმა ესპანეთში, მურსიას უნივერსიტეტში ორკვირიანი სასწავლო სტაჟირება გაიარა. ღონისძიებას ასისტირებას უწევდა პროექტ MEDIATS-ის მკვლევარი და მენეჯერი ბსუ-ში ქეთევან დევაძე. სასწავლო სტაჟირება მოიცავდა ინტენსიურ ტრენინგებს მედიაციის დარგში, სიმულაციებს, შიდა სასწავლო ვიზიტებს, ჯგუფურ აქტივობებს, გამოცდილ მედიატორებთან თანამშრომლობასა და კულტურულ ტურებს.

ევროკავშირის კვლევისა და ინოვაციის პროგრამის „ჰორიზონტი 2020“ ფარგლებში 2020 წელს დაფინანსებული პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ ფარგლებში ბსუ-დან პროექტში ჩართულმა პერსონალმა სამუშაო შეხვედრა გამართა. შეხვედრაზე მონაწილეებმა გაანალიზეს პროექტის მიმდინარეობა და დასახეს სამომავლო გეგმები. პროექტი ხელს შეუწყობს სკოლებს შორის ურთიერთთანამშრომლობის გაძლიერებას ციფრული ინოვაციების დანერგვის კუთხით. მენტორინგის მოდელი გულისხმობს სკოლების უწყვეტ მეთოდოლოგიურ მხარდაჭერას შეფასების უახლესი მიდგომებისა და სწავლის ანალიტიკური სტრატეგიების გამოყენებით.